Гварански Јазик

Гваранскиот е еден од службените јазици во Парагвај, каде се зборува од мнозинското население и половина од руралното парагвајско население зборува само на гварански Покрај Парагвај, јазикот се зборува во соседните држави, поточно во северна Аргентина и југозападен Бразил. Во аргентинската покраина Кориентес гваранскиот јазик е службен јазик.

Гварански јазик
avañe'ẽ
Изговор	ʔãʋ̃ãɲẽˈʔẽ
Застапен во	Аргентина, Бразил, Парагвај
Народ	Гварани
Говорници	4,650,000 во Парагвај (1995 г.), 200,000 во Аргентина
Јазично семејство	туписки тупијско-гварански гварански гварански јазик
Писмо	гваранска азбука
Статус
Службен во	Парагвај Кориентес, Аргентина Меркосур Бразил (регионален)
Јазични кодови
ISO 639-1	gn
ISO 639-2	grn
ISO 639-3	gug

Гваранскиот е единствениот староседелски јазик кој го зборува голем дел нестароседелско население. Ова е несекојдневна ситуација во Америка бидејќи староседелските народи низ историјата престанувале да ги зборуваат своите јазици и започнувале да зборуваат на шпански. Терминот „гварански јазик“ најчесто се користи да се означи парагвајската верзија на јазикот, но важно е да се напомене дека јазикот сочинува поголем дијасистем.

Сè до шпанската колонизација на Латинска Америка гваранскиот јазик не бил пишан јазик. Гваранскиот пишан стандарден јазик бил основан релативно скоро. Современата гваранска азбука се заснова на латиницата. Гваранскиот правопис е фонетски и вредноста на графемите е слична со таа на шпанскиот.