Urang Kazakh

Identitas Kazakh barasa dari abaik patangahan dan manguek manjadi dasa identitas Kakhanan Kazakh antaro 1456 jo 1465, katiko babarapo suku di baruah parintah Sultan Zhanibek jo Kerey dipulangkan dari Kakhanan Abu'l-Khayr Khan. Suku-suku tasabuik antaro lain Argyn, Dughlat, Naiman, Jalair, Kerait, Qarluq, dan Kipchak.

Urang Kazakh

Kawasan jo populasi nan signifikan
Kazakhstan 12.212.645 (2018)
Cino	1.800.000
Uzbekistan	800.000
Rusia	647.732
Mongolia	102.526
Kirgizstan	33.200
Amerika Sarikat	24.636
Turki	10.000
Kanada	9.600
Iran	3.000–15.000
Republik Ceko	5.639
Ukraina	5.526
Uni Emirat Arab	5.000
Austria	1.685
Belarusia	1.355
Jerman	1.000
Bahaso
Kazakh Rusia (di Rusia) and Mandarin (di Cino) (rami dipakai sabagai bahaso kaduo)
Agamo
Mayoritas Islam Minoritas: Kristen, Ateis
Kalompok etnis takaik
Banso Turkik lainnyo jo Mongol

Urang Kazakh partamo kali manamoi dirinyo jo namo itu dipakirokan salamo abaik ka-15. Ado banyak teori nan manyatokan asa mulo namonyo. Sabagian bapandapaik barasa dari kato karajo dalam bahaso Turki yaitu qaz ("mangambaro, bajuang, bebas, indak takabek") atau barasa dari kato Proto-Turki yaitu khasaq (padati nan dipakai urang Kazakh untuak mambaok tenda jo barangnyo).

Teori lain manyatokan baso kato Kazakh barasa dati bahaso Turkik kuno, yaitu kato qazğaq. Kato tasabuik partamo kali disabuik pado monumen Uyuk-Turan sajak abaik ka-8. Manuruik ahli bahaso Turkik, Vasily Radlov, jo Orientalis, Veniamin Yudin, kato qazğaq barasa dari aka kato nan samo jo qazğan (untuak mandapek, untuak manambah). Dek itu, qazğaq diaratikan sabagai tipe urang nan mancari labo jo untuang.

Bahaso nan dipakai urang Kazakh adolah bahaso Kazakh. Bahaso Kazakh tamasuak dalam rumpun bahaso Turkik dari cabang Kipchak. Bahaso ko baubuangan arek jo bahaso Nogai, Kirgiz, jo Karakalpak. Bahaso ko manjadi bahaso resmi di Kazakhstan sarato mampunyoi pamakai bahaso nan cukuik rami di Ili Prefektur Otonomi Kazakh, Xinjiang, Cino, jo di Provinsi Bayan-Ölgii, Mongolia. Bahaso Kazakh dipakai pulo dek urang Kazakh nan taseba di babagai nagara pacahan Uni Soviet, sarato parantau di Jerman, Iran, Turki, jo Afghanistan. Cando bahaso Turkik lainnyo, bahaso Kazakh tamasuak bahaso aglutinatif.

Bahaso Kazakh pado abaik ka-19 ditulih jo abjad Arab. Katiko ko itu muncua banyak sastawaran, sarato pandidikan Islam samakin bakambang sabagai palawanan ka bakeh Rusia. Rusia marespon jo mandirikan sikolah-sikolah sekuler nan manulis bahaso Kazakh jo aksara Latin. Pado taun 1927, panulisan abjad Arab untuak bahaso Kazakh dilarang dek Soviet dan diganti Latin. Kudian taun 1940, bahaso Kazakh ditulih jo aksara Sirilik. Panulisan jo abjad Arab masih dipakai di Ili, Xinjiang, Cino, samantaro di Mongolia ditulih jo aksara Sirilik.

Pado Oktober 2017, Presiden Kazakhstan Nursultan Nazabayev mamarintahkan baso pamarintah mulai transisi dari aksara Sirilik ka aksara Latin pado 2025.