Tugu Ayam Kukuak Balenggek adolah sabuah tugu ayam nan barado di Kabupaten Solok, Sumatera Barat.
Labiah tapeknyo, tugu ayam ko barado di jalan lintas Solok - Padang di kilometer 24, dakek dari taman Arosuka atau di mungko kantua Bupati Solok. Namo tugu ayam ko diambiak dari namo ayam kukuak balenggek. Ayam Kukuak Balenggek merupokan salah satu rumpun ayam lokal Indonesia nan mempunyoi sebaran asli geografis di Provinsi Sumatera Barat. Populasi ayam kukuak balenggek bakambang di Nagari di kecamatan payung sekaki jodoh tigo lurah Kabupaten Solok. Ayam kukuak balenggek marupoan tipe ayam nan panyanyi di Sumatera Barat. Karakter khas ayam kukuak balenggek ko adolah suaro kukuaknyo nan merdu jo basusun-susun. Kaunikan suaro kukuak nyo didugo marupoan satu-satunyo bangso ayam nan kukuaknyo balenggek di dunia.
Sapinteh bantuak ayam kukuak balenggek hampia mirip jo ayam biaso, tapi jikok diparatian bantuaknyo labiah rancak. Ciri khasnyo suaro ayam kukuak balenggek adolah mardu jo balenggek, lenggek kokok ayam ko bakisa dari anam sampai 12 lenggek.
Pamarintah Kabupaten Solok manjadian ayam kukuak balenggek sabagai maskot samanjak 1996, hal iko dapek diliek di mungko Kantua Bupati Solok. Samanjak ado tugu ayam kukuak balenggek masyarakaik rami mangunjungi daerah Arosuka sabagai tujuan tampek wisata. Tugu Ayam Kukuak Balenggek sangaik dijago dek pamarintah satampek sebagai destinasi wisatanyo, karano daerah tugu ayam kukuak balenggek talatak di tapi jalan tapek di arua jalan Padang jo Solok.
Ayam kukuak balenggek barasa dari katurunan ayam kinantan milik Cindua Mato nan mangawini ayam hutan di Bukik Sirayuh Kecamatan Payung Sekaki hinggo bakambang biak sampai kini.
This article uses material from the Wikipedia Minangkabau article Tugu Ayam Kukuak Balenggek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.