Nauru atau sacaro rasmi Republik Nauru jo sabalumnyo dikenal sabagai Pulau Pleasant (manyanangkan) adolah sabuah nagara jo nagara mikro di Mikronesia, sabagian dari Oseania di Pasifik Tangah.
Tatangga dakeknyo adolah Banava di Kiribati, sakitar 300km (190 mil) ka arah timur. Nagara ko babatehan jo lauik Tuvalu sapanjang 1.300 km (810 mil) di barat lauik, lauik Kapulauan Solomon di timur lauik, Papua Nugini di timur-timur lauik, Federasi Mikronesia di tenggara, jo Kapulauan Marshall di selatan. Jo laweh hanyo 21 km2 (8.1 sq mi), manjadian Nauru sabagai nagara taketek katigo di dunia dibawah Kota Vatikan jo Monako, manjadian nyo nagara republik jo kapulauan paliang ketek di dunia.
Politik Nauru balansuang dalam karangko republik demokratis perwakilan parlementer, dimano Presiden adolah kapalo nagara jo kapalo pamarentahan. Kuaso legislatif dipacik dek pamarentah jo Parlemen. Ka-19 kursi parlemen dipiliah satiok tigo tahun. Presiden dipiliah dari anggota parlemen nan kuasonyo bagantuang kapado kaparcayaan parlemen untuak tetap manjabaik. Kamudian presiden manunjuak limo hinggo anam urang anggota parlemen untuak mambantuak kabinet pamarentahan. Sadangkan Yudikatif independen dari eksekutif jo legislatif.
Nauru mampunyoi 12.511 panduduak pado Juli 2021. Sabalumnyo, nagara ko punyo panduduak labiah banyak, namun pado tahun 2006 tadapek 1.500 urang nan maninggaan pulau karano PHK nan tinggi dari patambangan fosfat. Nauru adolah nagara Barat nan palian padek panduduaknyo di Pasifik Selatan. 58 persen panduduak Nauru adolah etnis Nauru, 26 persen panduduak Kapulauan Pasifik, 8 persen urang Eropa, jo 8 persen urang Cino Han. Agamo utamo nan dianut iolah Kristen. Bahaso Nauru jo bahaso Inggirih marupokan bahaso rasmi nagara ko.
This article uses material from the Wikipedia Minangkabau article Nauru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.