Katidiang
Katidiang adolah karanjang nan biasonyo tabuek dari anyaman buluah ataupun anyaman pandan.
Bantuak jo ukuran katidiang baragam. Mulai dari nan bantuaknyo bulek, samo bantuak ateh jo bawahnyo. Ado juo nan bantuak bawahnyo sagi ampek, nan bagian atehnyo babantuak bulek. Katidiang baragam gunonyo, bisa tampek mambaok barang-barang nan ka dijua ka pasa, cando buah-buahan, mulai dari ubi, pisang, karambia, ambutan, jo nan lainnyo. Indak hanyo sabagai karanjang untuak pai manggaleh, katidiang juo digunoan untuak maituang pandapatan padi katiko manyabik, biasonyo disabuik kambuik (mangambuikti padi). Katidiang jadi tampek maukua banyaknyo dapek padi katiko urang turun kasawah. Salain itu katidiang digunoan juo untuak acara arak padi, dimano arak padi adolah acara sasudah musim manyabik, sabagai tando syukur untuak basidakah ka musajik.
This article uses material from the Wikipedia Minangkabau article Katidiang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.