Náuru
Náuru, héra tee hína Tavakuairetã Náuru (Náuruñe'ẽme: Ripublik Naoero; Ingleñe'ẽme: Republic of Nauru), ha'e peteĩ tetã hekosãsóva ojejuhúva Mikyonésia-pe, paraguasu Py'aguapy ipehẽngue mbyteguápe, ijyvy apekue ha'énte voi peteĩ ypa'ũ upe Yvy ekuato ojehasahápe hi'aguĩete, ñemby gotyo.
Ijerére ojejuhu, yguasu rupive, yvate gotyo umi Tetãvore Ñembyatypyre Mikyonésiagua, kuarahyresẽ ngotyo tetã Kiriváti, ñemby gotyo Ypa'ũnguéra Salomõ ha kuarahyreike gotyo ojejuhu tetã Pápua Gynéa Pyahu. Amo 4000 km ñemby kuarahyreike gotyo ojejuhu tetã Autarália. Náuru ha'e niko ykuãirũ apu'amíva ha yvatéva, ijyvy apekue ohupytýnte 21,3 km².
| Tavakuairetã Náuru | ||||
|---|---|---|---|---|
| Náuru | ||||
| ||||
| Tetã ñe'ẽ akã: God's Will First (Ingleñe'ẽme: «Tupã rembipota tenondéva») | ||||
| Tetã Momorãhéi: Nauru Bwiema (Náuruñe'ẽme: Nauru, ore retã) | ||||
 | ||||
| Tavusu | Jarẽ[1] | |||
| Táva tuichavéva | Denigomodu[1] | |||
| Ñe'ẽnguéra | Ingleñe'ẽ ha Náuruñe'ẽ | |||
| Tetãygua réra | Náurugua, Náurugui | |||
| Tekuái reko | Tavakuairetã amandajerapépe | |||
| Tendota | Baron Waqa | |||
| Tetã Amandaje | Parlamento de Nauru | |||
| Sãso • Arange | Autarália pegua 31 jasyteĩ ary 1968 | |||
| Yvy apekue | Ñemoĩha 239.º | |||
| • Opaite | 21.3 km² | |||
| • Y (%) | imichĩeterei | |||
| Y rembe'y | 30 km | |||
| Yvyty yvatevéva | Command Ridge | |||
| Ava hetakue | Ñemoĩha 230.º | |||
| • Hetakue | 11,567 hab. | |||
| • Typy'ũ | 213 hab./km²* | |||
| • Opaite (2001) | 60 millones US$ | |||
| • Per cápita | 5000 US$ | |||
| Viru | Dólar australiano AUD | |||
| Ára | UTC+12 | |||
| ISO Jehero | 520 / NRU / NR | |||
| Tetã renda tee Ñandutíme | .nr | |||
| Tetã pumbyry papapy | +674 | |||
| Tetã puhoe papapy | C2A-C2Z | |||
| COI Jehero | NRU | |||
| Atyvete Tetãnguéra Ñembojoaju, ONU, PIF | ||||
| Opaite Tetã Yvýgui | ||||
| [editar datos en Wikidata] | ||||
Ymaguare guive oiko Náuru ypa'ũme opaichagua te'ýi Mikyonésia pegua ha Polinésia pegua, sa'ary XIX ipahápe, Mburuvi Alemáña oñembojára Náuru rehe ojapo hag̃ua peteĩ ikolónia. Alemãna ndaipu'akái ramo Ñorairõ Guasu Peteĩháme, Náuru oime Autarália, Selánda Pyahu ha Tavetã Joaju ipoguýpe. Ñorairõ Guasu Mokõiha jave, ñorairõhára aty Hapõ pegua ondyry Náurupe ha oñembojára ko ypa'ũ rehe. Opa rire ñorairõ ha oñemosẽ rire umi Hapõ retãygua ko ypa'ũgui, Náuru oime jey Autarália ipoguýpe ohupyty peve isãso ary 1968-pe.
Mbovymi tekove kuéra oikóramo jepe Náurupe, amo 10 000 tetãygua ary 2011-pe, Náuru rehe oisãmbyhy 16 tendota isãso guive ary 1968-pe amo 30 jejokuái rupive (jey ojupi oisãmbyhy hag̃ua), oĩ techapyrãme karai Bernard Dowiyogo oisãmbyhy 7 jejokuái rupive. Ary 2003 ha'e niko ary Náuru ñesãmbyhy ipyta'ỹvéva, oisãmbyhýgui ko tetãre 5 tendota 6 jejokuái rupive. Náuru ha'e tetã hekosãsóva michĩvéva Oseanía pegua, ha tetã michĩvéva mbohapyha opa Yvýgui, Vatikáno ha Mónako rire.
Mandu'apy
Joaju
Wiki Commons oguereko ta'ãnga Náuru reheguaCommons.- Náuru renda tee ñandutíme
- Náuru yvy ra'anga
- Náuru renda tee ONU-pe
| Autarália | Fíji | Kiriváti | Mikyonésia | Náuru | Paláu | Papúa Gynéa Pyahu | Samóa | Selánda Pyahu | Tónga | Tuválu | Vanuátu | Ypa'ũnguéra Marshall | Ypa'ũnguéra Salomõ |
This article uses material from the Wikipedia Avañe'ẽ article Náuru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.