E Parisêue (Paridae Vigors1825) en 'na famìggia d'öxélli de l'órdine Passeriformes.
ZE | Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno |
«I sun ina famiglia d’auxeli ch’i nu sun ciü longhi de sete di. A spari ra (Parus major) a l'é a spece ciü grossa. Tüta a famiglia a mangia bestiete ma i nu lascia andà semense, balete o früta»,.
Són öxeletti insettìvori graçiôzi, coloræ, trugnelòtti. No sùperan i 15 cìtti de longhessa. Àn 'n becco cùrto, cònico apisûo, sanpétte robùste e ónge afiæ, che perméttan 'na préixa segûa ànche a testa in zu. Pàsan o giorno a perlustrâ ràmmi féugge in çérca d'insétti, formîgoe ràgni, e specialmente vermétti quànde alévan i picìn. Inta stagión invernâle frequentàn pàrchi e giardìn dónde atrêuvan çìbbo e ripâro.Fàn o nîo inte cavitæ di erboi ò in vêgi nîi de atri öxellii. Prolìfici, fàn niæ numerôze,
Difûzi in Euràsia, Àfrica, Nord América, mancàn in Oustràlia, Sud América, Madagascàr, Polinésia.
A Parisêua (Parus Major - Linnaeus 1758), Sparissöra in ventemigliusu, Perisèa in Spezin A l'é a ciù grande e drûa di Paridi: lónga 15 cìtti, co-in péizo de 20 gràmmi e 'n avertûa alâre de 25 cìtti. A l'à o dòrso cô verdexìn, côa e âe grîxo-bleu, testa e gôa néigro lùcido, màsche giànche, o pêto giâno atraversòu pe-o lóngo da 'na rîga néigra, che inti màscci a l'é ciù marcâ. A frequénta anbiénti avèrti e màrgine di bòschi, e a convîve co-o Berbexìn inti mæximi spàççi. Öxéllo previdénte, quànde o çibbo o l'abónda,o ne métte da pàrte pe-i giorni de bôra. A nidificaçión a l'avégne in Arvî-Màzzo, con 8-15 êuve e 'n' incubaçión de 15 giorni. I polìn végnan outònomi dòppo træ-quàttro setemànn-e ch'én nasciûi.
L'òrìgine do nómme Parus e i seu derivæ a no l'é ciæa:
«L’etimologia del nome scientifico ha una derivazione latina con interpretazioni complesse che sono transitate da modifiche, interpretazioni, diminutivi ed anche abbreviazioni. Linneo prese atto del genere ''Parus'' come derivazione progressiva di “Parrula-parula-parulus-parrus-parvus, parus” sempre con il significato di piccolo, minuto, ridotto, quali sono le abituali dimensioni delle cince».
Segóndo l'etimologia clàscica a pòula Parus a l'avieiva 'n rapòrto co-o nómme latin Parra, ch'o saieiva stæto adeuviòu da Plinio pe ciamâ e pariseue (françéize Mésanges).
«Parra: oiseau de mauvais augure, mal déterminé: mésange ou orfraie? (..) Apparenté sans doute à parus (..) sorte de mésange»
«Je crois que Pline s'en eft fervi [du nom Parra] pour défigner en général nos méfanges»
Ma co-o nómme Parra se ciamava i öxelli bestétti, e no l'é ciæo ch'o fise adeuviòu pe-e pariseue
«Si ritiene che la denominazione dial., assai diffusa con più o meno forti deformazioni in gran parte del Norditalia, derivi dal lat. parra (cfr. REW e REWS 6251; DEI, IV, 2787) (..) designante una sorta di uccello non meglio individuato (..) che (..) è stato proposto, con buoni motivi, di identificare con l’assiolo (Capponi 381- 383), ma anche con il fringuello (REW 625), e poi con la civetta (..) Da tutto ciò sembra difficile, sotto il profilo semantico, e poco credibile nel merito che uccelletti così “solari”, vivaci e attivi come non mai, dal verso «chiaro come doppio squillar di campanello» di pascoliana memoria, possano condividere il nome con animali crepuscolari e malauguranti. Pertanto la ricerca dovrà orientarsi altrove. E non sarà da trascurare l’ipotesi di una sua derivazione, tramite metatesi, da un lat. *passurola “passeretta” o simile, presumendone la dipendenza da *passur/passurus come forma parallela di passer (si considerino le denominazioni diall. di passuréta, passuéta, passuetta, ecc.,»
Âtri nómmi da parisêua se riferiscian a-o canto de l'öxello o a quarche caraterìstica do seu conportamento
O berbexin (Cyanistes caeruleus-Linnaeus 1758). Fratin in ventemigliusu, Perisseta, Perissuin in Spezin O l'é lóngo 11 cìtti. Màscci e fémine àn a mæxima coloraçión: testa, âe e côa bleu cobàlto,dòrso verdexìn,màsche giànche con 'na riga néigra a l'alteza di êuggi,pêto giâno sórfo,becco cùrto e bavæn néigro. Insetìvoro, o vive pò-u ciù inti boschi de colìnn-a e cianûa, ma ànche inti frutêti e giardìn, dôve o se peu védde xoatâ tra i ràmmi e apéndise a testa in zu pe çercâ sott'æ feugge vermétti, ràgni e pighéuggi de ciante. D'invèrno o se nûtre de sémmi,balétte , frûta ma o l'é ascì 'n frequentatô de mangéuie che sénpre ciù de spésso o trêuva inti pàrchi, giardìn, teràsse. Nidifican inte cavitæ di erboi, çéppi, miâge, nîi artificiâli; costruîscian o nîo con erba còcca, lann-a, pei, ciûmme. Fra Arvî e Màzzo a fémina a depónn-e 7-10 êuve ch'a côa pe 15 giorni, i picìn én nutrîi da-i doî genitoî pe atri 20-25 giorni.
Into FEW se ghe lêze che a pòula Berbexìn a vegnieiva da-o latìn vĕrvēcīnus 'mósca do bæ' -ch'o saieiva'n derivòu do Latìn Vervex 'bæ'
In âtro öxéllo ciamòu in zenéize Berbexìn, o Berbexìn Côa Lònga (Parus caudatus Linnaeus 1758, a-a giornâ d'ancheu Aegithalos caudatus) o no fa ciù parte da famìggia: do 2013 o l'é stæto destacòu do génere Parus e misso inta neuva famìggia di Aegithalidae
O parisoìn (Periparus Ater- Linnaeus 1758) Dîto ascì Meza Parisêua, o l'é a ciù picìn di paridae: lóngo 10 cìtti, o péiza 8 gràmmi. A l'à a testa néigra con 'na màccia giânca in sciô copùsso, màsche giânche, gôa néigra, sótta gianchinàstro, sciànchi de cô pànna schénn-a e âe grîxo-verdexìn,e âe àn doê bande giànche. O seu habitat én e forèste de conìfere do Trentìn Àlto Àdige, Véneto, Lonbardîa. A se nùtre de insétti e d'Invèrno de sémmi e pigneu da-e pìgne chéite pe tæra. Pe costruî o nîo in cavitæ o l'adeuvia lichêni, réixe, ciùmme. Fra Màzzo e Lùggio a fa ina o dôe covæ de 8-10 êuve; a niâ a l'é acudîa fin quande i zoêni xeuan via.
(Lophophanes Cristatus - Linnaeus 1758) O l'é inconfondìbile pe-o sùfeto béllo âto pitetòu de giânco e néigro e 'n colæn giànco de-limitòu da 'na sotî riga néigra.Dòrso âe e côa maròn, pêto de cô giànco-bèige, màsche gianchinàstre con dôe righe néigre atravèrso e sótta i éuggi. O l'é lóngo 12 cìtti. Difûzo inte conìfere de tùtto l'Àrco Alpìn, da-e Marìtime a-o Càrso, o convîve co-o Parisoìn e-a Moneghétta de Montàgna,o l'é prezénte ascì inte l'Apenìn Lìgure eToscàn-Emiliàn. O se nutre de insétti e pigneu.O scàva o nîo inti trónchi marçi ch'o tapéza de licheni, a vòtte in vêgi nîi de piconsi. Tra Arvî-Màzzo 6-8 êuve incubæ pe 14-15 giorni. I polìn én nutrîi pe 15-18 giorni, làscian o nîo 23-26 giorni da-a nàscita.
(Poecile Palustris-Linnaeus 1758) Con a seu lónghéssa de 12 cìtti e 10 gràmmi de péizo,a l'é insémme a-o Parissoìn, unna de ciù picinn-e da famì-ggia di Paridi. Fin a-o 1800 a no vegnîva distìnta da-a Moneghétta de Montàgna. A l'à 'n carateristìco capùs-so néigro fin a l'éuggio,màsche giànche e bavæn néigro, dòrso âe e côa maròn con 'na sfumatûa de grîxo,sótta de cô giànchinàstro chi tia a-o rósso. O seu habitat o l'é o bòsco d'erboi che pèrdan e feugge,càst-agni,rûe,fò; a frequénta ascì pàrchi e giardìn sôviatùtto inte l'invèrno.A l'é difûza in zöna Arpi e Apenìn,fra i 400 e i 1400 mêtri d'altéssa. A fa o nîo in cavitæ d'erboi ò çéppi, fra Arvî-Zùgno a depónn-e 7-10 êuve ch'a côa 15 giorni,i picìn són nutrîi fin a-a conplêta aotonomîa.
(Poecile Montanus-Conrad von Baldenstein 1827) A l'é quæxi pægia a-a Palustris da a quæ a se distingoe pe-a vôxe, o bavæn ciù marcòu e da-e strìcie d'argénto in scê aæ,dovûe a-i bòrdi ciæi de remigànti. Sótta a l'é de cô gianchinàstro ciù ciæo. Difûza inte Arpi,a frequénta bòschi de conì-fere tra i 1400-a-i 2000 mêtri d'altéssa,dôve a nidfica. Inta stagión invèrnâle a se sposta in zöne ciù riparæ.
Contròllo de outoritæ | LCCN (EN) sh85057015 · GND (DE) 4164600-9 |
---|
This article uses material from the Wikipedia Lìgure article Parisêue (Paridae), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.