Kazakistan
O Kazakistàn (Қазақстан in kazàco, Казахстан in rùscio), ofiçialménte Repùbrica do Kazakistàn (Қазақстан Республикасы, trasliteròu Qazaqstan Respublïkası, in kazàco e Республика Казахстан, trasliteròu Respublika Kazakhstan, in rùscio), o l'é 'n stâto de l'Àzia che, a segónda da convençión giögràfica adotâ, o l'à 'na pàrte picìnn-a do sò teritöio in Eoröpa ascì.
O confìnn-a co-a Rùscia a nòrd e a ponénte, co-a Cìnn-a a levànte e con Kirghizistàn, Uzbekistàn e Turkmenistàn a sùd. A sò capitâle a l'é Astana, pe quàrche ànno rinominâ Nur-Sultan, scibén che a çitæ ciù inportànte a l'é ancón Almaty, capitâle scìnn-a-o 1997 co-o nómme de Alma Ata. O l'é o stâto ciù grànde a-o móndo tra quélli che no s'afàcian in sciô mâ e o novén ciù ànpio in asolûto. Co-ina popolaçión de 18.8 milioîn de abitànti o l'é un di pàixi co-a ciù bàssa denscitæ de popolaçión, mêno de 6 persónn-e pe chilòmetro quàddro.
A naçión, dòppo a chéita de l'URSS into 1991, a l'é stæta l'ùrtima de repùbriche soviétiche a diciarâ a sò indipendénsa e d'ancheu a l'é un di pàixi ciù inportànti de l'Àzia centrâle, spécce gràçie a-e sò grénde vivàgne de petrolêa, gàzzo e âtri minerâli.
Nòtte
Âtri progètti
Wiki Commons a contêgne di files in sce Kazakistan
| Contròllo de outoritæ | VIAF (EN) 124906451 · ISNI (EN) 0000 0001 2188 4309 · LCCN (EN) n92000005 · GND (DE) 4029839-5 · BNF (FR) cb119411873 (data) · BNE (ES) XX452764 (data) · NDL (EN, JA) 00577505 · WorldCat Identities (EN) n92-000005 |
|---|
This article uses material from the Wikipedia Lìgure article Kazakistan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.