Eratostene

Eratostene o l'ha visciüo a Atene e a Lüsciandria d'Egitto (dove o l'è stæto direttô da Bibliuteca). O s'è çimentou in te tante disciplinne, sciübben che, no avendo primezzou in te nisciünna, l'aggen ribattezzou ingenerosamente o Beta (un po' comme dï l'eterno segundo). O l'ha scrïto di opere de filologia, de grammatica, de poexia e de filosofia.

A rendilo famoso sun stæti però i sö stüddi de geografia e de matematica. Sö invensiuin sun stæte o crivello pe a riçerca di nümeri primmi e o mesolabio, strümento pe trövä meccanicamente e medie proporsionali fra dui segmenti. O l'è consciderou o primmo a avei disegnou unna carta do mundo con o criteio di meridien e paralleli.

O calcolo da circonferensa da Tæra

Confrontando unna mezüa lineare e unna mezüa angolare, Eratostene o l'ha calcolou in 250.000 stadi (o 252.000, segundo atre fonti) a lunghessa da circonferensa da Tæra. Antigamente o stadio o no l'aveiva un valore üniforme; se quello döviou da Eratostene o l ea quello de 157,5 metri, o valore da lê calcolou o l'è de poche dexenne de chilometri, inferiô a quante stabilio dä sciensa moderna.

•   Wiki Commons a contêgne di files in sce Eratostene