Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Noord-Ierland (Ingels: Northern Ireland, Iers: Tuaisceart Éireann, Ulstersjots: Norlin Airlan(n)) is dat deil vaan 't Vereineg Keuninkriek wat op 't eiland Ierland ligk en aon de Rippubliek Ierland grens. 't Is ein vaan de veer vörmende len (constituent countries) vaan 't Vereineg Keuninkriek, neve Ingeland, Sjotland en Wales. Informeel weurt 't wel Ulster geneump; dees regio ligk evels veur e deil in de Rippubliek. Hoofstad is Belfast, 'n aander groete stad is Londonderry (dèks gezag Derry). De deilstaot kint zoe'n 1,8 mieljoen inwoeners.
Noord-Ierland kraog zien eigen identiteit in de zeventienden iew, wie de Britse keuninge 't gebeed dege kolonisere mèt (veural protestantse) Ingelse en Sjotte. Wie Ierland ziech in 't begin vaan d'n twintegsten iew aofsjeide vaan 't Vereineg Keuninkriek, beslote in 1921 zès county's (graofsjappe) tot ze bij de Unie wouwe blieve. Bij de stiechting vaan de Ierse Vrijstaot 't jaor dao-op gebäörde dat ouch, hendeg tege de zin vaan de groete kathelieke minderheid. Intern spanninge veurde in de jaore zèsteg oetindelek tot The Troubles, e laankdoreg conflik tösse de bei etno-religieus gemeinsjappe, boebij väöl maorde en aonsleeg woorte gepleeg en mie es 3000 lui d'n doed voonte. 't Geweld woort in 1998 mèt 't Gojevriedagakkoord beïndeg. In 2007 kraog Noord-Ierland zien ieder opgelufde regionaol parlemint en regering trök.
Dit artikel is e sjtumpke. De kans Wikipedia helpe door 't aan te völle
This article uses material from the Wikipedia Limburgs article Noord-Ierland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.