L-Irlanda ta' Fuq tagħmel parti mill-gżira ta' l-Irlanda, li fiha hemm ukoll ir-Repubblika ta' l-Irlanda.
Il-belt kapitali hija Belfast u t-tieni l-akbar belt hija Derry, magħrufa wkoll bħala Londonderry mill-Protestanti.
Politikalment l-Irlanda ta' Fuq hija parti ntegrali tar-Renju Unit u ilha hekk sa' mill-1920 meta Lloyd George qatagħha li jkun hemm żewġ parlamenti fl-Irlanda, wieħed għal dak ta' fuq u ieħor għal dawk t'ifsel.
F'Ġunju ta' l-1921 l-Irlanda ta' Fuq ħatret l-ewwel prim ministru, James Craig. Bejn dik is-sena u l-1972 l-maġġoranza Protestanta warbet għal kollox id-drittijiet tal-Kattoliċi u ħallithom jittewbu fejn jidħlu x-xogħol, id-djar u s-servizzi soċjali.
Lejn tmiem is-Snin Sittin, id-diskriminazzjoni kienet tant kbira li bdew iqumu ħafna rvellijiet, tant li kellha tindaħal l-armata Ingliża. Din kienet tati appoġġ lill-Ulster Defence Force u lil Royal Ulster Constabulary. Beda l-inkwiet, magħrufa bħala The Troubles. Tidher għall-kattoliċi kien hemm tfajla żagħżugħa, Bernadette Devlin.
Feġġew l-Armata Repubblikana Irlandiża, l-Irish Republican Army (IRA fil-qasir), għall-Ingliżi terroristi, li imma għal parti l-kbira tal-Irlandiżi kattoliċi dehru bħal ġellieda tal-ħelsien.
This article uses material from the Wikipedia Malti article Irlanda ta' Fuq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il-kontenut huwa disponibbli taħt il-liċenzja CC BY-SA 4.0 sakemm mhux indikat mod ieħor. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malti (DUHOCTRUNGQUOC.VN) is an independent company and has no affiliation with Wiki Foundation.