Erläichendag
Erläichendag, och nach Härläichem(s)dag oder Zerläichemsdag genannt, ass e chrëschtlecht Fest, dat an der Kathoulescher Kierch de 60.
Dag no Ouschtere gefeiert gëtt, also den 2. Donneschden no Päischten.
Op Däitsch heescht dëst Fest Fronleichnam an op Franséisch Fête-Dieu. Fronleichnam kënnt vum Mëttelhéichdäitsche vrône lîcham "des Herren Leib", eng Iwwersetzung vum kierchelaténgesche Begrëff Corpus Domini, offiziell "Héichfest vum Läif a vum Blutt vu Jesus Christus". D'Wuert Erläichendag bezitt sech op den Dag vum Läif vum Här (Jesus Christus). Seng Presenz an der Eucharistie, an der Hostie, gëtt besonnesch op dësem Dag gefeiert.
Zu Lëtzebuerg ass Erläichendag kee gesetzleche Feierdag, dofir gëtt en den 2. Sonnden no Päischte gefeiert. A ville Pare gëtt an enger Pressessioun dat Allerhellegst, d'Hostie, an enger Monstranz duerch d'Stroosse gedroen.
Erläichendag gouf an der kathoulescher Kierch an Europa ëm 1246 op Initiativ vun der helleger Julienne agefouert, a fir d'éischt am Bistum Léck gefeiert.
Um Spaweck
| Commons: Erläichendag – Biller, Videoen oder Audiodateien |
This article uses material from the Wikipedia Lëtzebuergesch article Erläichendag, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.