Dijon: Franséisch Gemeng an der Côte-d'Or

Si läit ronn 310 Kilometer südëstlech vu Paräis an 190 Kilometer nërdlech vu Lyon.

Dijon
Land	Frankräich
Regioun	Bourgogne-Franche-Comté
Departement	Côte-d'Or
Arrondissement	Dijon
Kanton	Chef-lieu vun 8 Kantonen: Dijon-1 / 2 / 3 / 4 / 5 / 6 / 7 / 8
Postcode	21000
Gemengecode	21231
Koordinaten	47° 17’ 26’’ N       05° 02’ 34’’ O
Fläch	4 041 ha
Bevëlkerung	153 151 (2007)

Aktuell ass Dijon d'Gemeng mat de meeschten Awunner am Departement an an der Regioun. 2012 hunn an der Stad 152.071 Leit gewunnt. Déi war domat déi 17 bevëlkerungsräichst Stad a Frankräich. D'Agglomeratioun "Grand Dijon", déi 2000 gegrënnt ginn ass, hat 2011 245.697 Awunner.

Am 14. an am 15. Joerhonnert war Dijon d'Haaptstad vum Herzogtum Bourgogne; dowéinst fënnt een och haut nach e räiche geschichtlechen an architektonesche Patrimoine. Och wéinst sengem gastronomesche Ruff ass Dijon eng touristesch attraktiv Stad ginn.

Wirtschaftlech spillt besonnesch den Déngschtleeschtungssecteur eng bedeitend Roll, mä och als agro-alimentairen Zentrum ass Dijon gutt etabléiert. Sou huet Dijon dem bekannte Moschter der Moutarde de Dijon den Numm ginn an d'Crème de Cassis huet och hir Originnen do.

Zu de bekannte Symboler vun der Stad gehéieren d'Skulptur vun enger Échel op der Flank vun enger Kapell vun der Kierch Notre-Dame an déi vun engem Äisbier den Ours Pompon am Parc Darcy, eng Replique vun enger Skulptur vum François Pompon vun där d'Original vun 1922 am Musée d'Orsay steet.

• Burgundy School of Business

•  
  Vue op d'Alstad vun Dijon
•  
  D'Kathedral
•  
  D'èlace François Rude
•  
  D'Universitéit vun Dijon
•  
  D'Plaz virun der Gare
•  
  D'Rue du Bourg

• Departement Côte-d'Or
• Arrondissementer am Departement Côte-d'Or
• Kantonen am Departement Côte-d'Or
• Lëscht vun de Gemengen am Departement Côte-d'Or