Associatioun Vu Südostasiateschen Natiounen

August 1967 gegrënnt gouf. Si huet hire Sëtz zu Jakarta (Indonesien). All Joers am November ass e Sommet vun de Memberstaaten.

Am Ufank war d'Zil vun der ASEAN, déi wirtschaftlech, politesch a sozial Zesummenaarbecht ze verbesseren. No an no koumen och d'Politikberäicher Sécherheet, Kultur an Ëmwelt derbäi. Am September 2009 hunn d'Staats- a Regierungscheffe vun den ASEAN-Memberlänner decidéiert, e Bannemaart nom Virbild vun der Europäescher Unioun ze schafen.

D'ASEAN huet 10 Memberstaate mat ronn 600 Milliounen Awunner (ronn 8 % vun der Weltbevëlkerung) an eng Fläch vu knapps 4,5 Millioune km². 2013 louch den zesummegerechente BIP vu senge Membere bei ronn 2,4 Billiounen US-Dollar.

Am Laf vun de Jore goufen eng Rëtsch Ënner-Organisatioune geschaf: den ASEAN-Regionalforum (ARF) fir Sécherheetsfroen, d'ASEAN-Fräihandelszon (AFTA) fir den Handel ze fërderen, d'ASEAN Investment Area (AIA) fir géigesäiteg Direktinvestitioune méi einfach ze maachen, asw.

D'Virleeferorganisatioun vun der ASEAN war d'Association of South-East Asia (ASA, 1961–1967).

Thailand, Indonesien, Malaysia, d'Philippinnen a Singapur waren d'Grënnungsmemberen.

Haut sinn dës Länner Member vun der ASEAN:

•   Brunei
•   Kambodscha
•   Indonesien
•   Laos
•   Malaysia
•   Myanmar
•   Philippinnen
•   Singapur
•   Thailand
•   Vietnam

• Amitav Acharya: Constructing a Security Community in Southeast Asia: ASEAN and the Problem of Regional Order. Routledge, London/New York 2001, ISBN 0-415-15763-3.
• Sebastian Bersick, Felix Heiduk: Im Krebsgang nach vorn: Die Asean hat sich eine Charta gegeben. SWP-Aktuell 2007/A 65, Dezember 2007.
• Mely Caballero-Anthony: Regional Security in Southeast Asia: Beyond the ASEAN Way. Institute of Southeast Asian Studies, Singapur 2005, ISBN 981-230-261-1.
• Jörn Dosch, Christian Wagner: ASEAN und SAARC. Entwicklung und Perspektiven regionaler Zusammenarbeit in Asien. Abera Verlag, Hamburg 1999, ISBN 3-934376-22-3.
• Christoph Hein: ASEAN, der übersehene Riese - Essay. In: APuZ 40–41/2014, S. 10–14.
• Michael Leifer: Dictionary of the Modern Politics of South-East Asia. Routledge, London 1996, ISBN 0-415-13821-3.
• Stefan Rother: Normen, Identitäten und die Logik der Anarchie: Die ASEAN aus konstruktivistischer Perspektive. Arnold-Bergstraesser-Institut, Freiburg i. Br. 2004, ISBN 3-928597-41-8.
• Gerhard Wahlers (Hrsg.): ASEAN and the European Union (PDF; 591 kB). Konrad-Adenauer-Stiftung, Singapur 2006.

Commons: ASEAN – Biller, Videoen oder Audiodateien

• Offiziell Internetsäit vun der ASEAN
• Profil ASEAN vun der BBC