Porus, litteris Graecis Πῶρος, unus ex regibus Indorum fuit (cuius nomen Indicum inter doctos non constat; saepe Purushottama familiae Paurava dicitur fuisse), viribus corporis et animi magnitudine pariter insignis, qui bellum iampridem adversus Alexandrum Magnum parabat.
Commisso itaque proelio, exercitum suum Macedonas invadere iubet; sibi regem eorum privatum hostem deposcit. Nec Alexander pugnae moram fecit, sed prima congressione vulnerato equo, cum praeceps ad terram dedicisset, concursu satellitum servatur. Porus, multis vulneribus obrutus, capitur. Hic, cum cladem tolerare non posset, neque cibum sumere voluit, neque sua vulnera curari passus est, aegreque ab eo familiares obtinuerunt ut vellet vivere. Quem Alexander, ob honorem virtutis, incolumem in regnum remisit. Paulo post annum 321 a.C.n. insidiis ab Eudemo Macedone captus, necatus est.
Vicimedia Communia plura habent quae ad Porum spectant. |
Lexica biographica: • Gran Enciclopèdia Catalana • Deutsche Biographie |
This article uses material from the Wikipedia Latina article Porus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.