Casanum (Russice Казань, Kazan' ; Tatarice Казан, Qazan) est urbs et caput Tatarstaniae, autonomae Foederationis Russicae reipublicae, ad flumen Rham in ostio Casancae fluminis situm.
Circa 1259 milia incolarum habet (anno 2022).
Gestio
Geographia
Coniunctiones urbium
Casanum est valens industriae (ut plurimum, constructionis machinarum), commercii, scientiae et culturae sedes (hac in urbe sunt quaedam universitates studiorum, e.g. Universitas Foederalis Casanensis, Universitas Nationalis Exploratoria Technica Casanensis et Universitas Publica Medica Casanensis, atque nonnulla theatra et musea). Stationem ferriviarum, portum et aeriportum habet.
Casanum conditum est anno 1005 ut castrum Bulgariae Regni. Anno 1177, primo commemoratum est in annalibus Ruthenicis. Saeculis tertio decimo et quarto decimo erat valens mercaturae et politicae Ordae Aureae sedes. Anno 1438, urbs facta est caput regni sui iuris. Anno 1552, Casano a copiis tzaris Moscoviensis Ioannis IV expugnato, regnum Casanense factum est pars regni Russici. Anno 1708, urbs facta est metropolis gubernii Casanensis (annis ab 1719 ad 1775 etiam sedes administrativa provinciae Casanensis huius gubernii erat). Anno 1804 Universitas Casanensis hac in urbe condita est. Ab anno 1920, Casanum fuit metropolis Tataricae Autonomae Rei Publicae Sovieticae Socialisticae (partis Russicae SFSR). Ab anno 1990, est metropolis Rei Publicae Tatarstaniae Foederationis Russicae. Anno 2005 ferrivia subterranea aperta est.
Vicimedia Communia plura habent quae ad Casanum spectant. |
Athenae • Barcino • Belogradum • Berolinum • Birminghamia • Bruxellae • Bucaresta • Budapestinum • Casanum • Catharinopolis • Charcovia • Colonia Agrippina • Constantinopolis • Hamburgum • Kiovia • Londinium • Lutetia • Matritum • Mediolanum • Minscum • Monacum • Moscua • Neapolis • Novogardia Inferior • Odessa • Permia • Petropolis • Praga • Roma • Rostovia ad Tanaim • Samara • Serdica • Ufa • Varsavia • Vindobona • Volgogradum • Voronegia
This article uses material from the Wikipedia Latina article Casanum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.