Карайымдар
Карайымдар (өздөрүн карайлар деп аташат) – Украина (Крымда 1200), Россия (Москва жана Санкт-Петербургда 366), Литва (300), Польша (45), Израилде (20 миң) жашаган аз сандагы эл (2002).
Карайым тилинде сүйлөшөт. Динге ишенгендери – карайым дининде. Карайымдар – Хазар кагандыгына кирген түрк урууларынын укум-тукумдары. 10-кылымда Хазар хандыгын Киев княздыгы талкалаган соң, карайымдар Крым аймагында калышкан. 14-кылымда Крым хандыгынын борбору – Солхатта, ошондой эле Чуфут-Кала шаарында карайымдар жамааттары болгон. 14-кылымдын аягында карайымдар Улуу Литва княздыгынын туткундары катары Литвага, Украинанын батыш аймактарына көчүрүлгөн. Крым (1783) жана Вильнанын (1795) Россия империясынын курамына кириши менен карайымдардын абалы өзгөргөн. 1795-жылы Екатерина II Россияда жашаган карайымдарды салыктан бошотуп, жер менчиктерин алууга уруксат берген. Карайымдар дыйканчылык менен кесиптенишип, туз кендерин пайдаланышкан.
Колдонулган адабияттар
- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9
This article uses material from the Wikipedia Кыргызча article Карайымдар, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.