Поляктар
Поляктар ― улут.
Польша мамлекетинин негизги калкы. поляк тилинде сүйлөшөт.
Динге ишенгендеринин көпчүлүгү - католиктер. Кээ бир илимпоздор Поляктардын алгачкы этногенезин луж жана помор урууларынын маданияты менен байланыштырат. Поляк эли Польша мамлекетинин түзүлүү мезгилинде калыптанган (10-11-к.).
Поляктардын этностук негизин полян, слензан, вислян, мазовец, помор уруулары түзгөн. Немец феод, баекынчыларга каршы күрөштө (13-15-к.) Поляктардын биригүүгө болгон аракети күчөгөн.
15- 16-кылымда Польшанын маданияты, искусствосу, адабияты жана илими дүркүрөп оскөн.
18-19-кылымдын аягында Поляктардын улуттук аң сезиминин өнүгүшүндө элдик боштондук кыймылдар көрүнүктүү роль ойногон.
19-кылымда өз алдынча Польша мамлекетинин жоктугуна карабастан, поляк элинин биримдүүлүгү сакталып, улуттук аң-сезими жогорулаган.
Биринчи дүйнөлүк согуштан кийин Польша суверендүү мамлекети пайда болгон. Бирок ага Батыш Польшадагы айрым жерлер (Познань, Силезия ж.б.) кирбей калган.
Бардык поляк жерлеринин бир мамлекетке биригиши Экинчи дүйнөлүк согуштан кийин гана ишке ашкан.
Колдонулган адабияттар
Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Том 5. Пирс - Токкана. -656 б.
This article uses material from the Wikipedia Кыргызча article Поляктар, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.