Георгина
Георгина, далия (Dahlia) – өсүмдүктөрдүн татаал гүлдүүлөр тукумундагы көп жылдык чөптөр уруусу.
Анын 15ке жакын жапайы түрү белгилүү. Георгинанын сабагы көңдөй, борпоң, бийиктиги 35-200 см; жалбырагы канаттай же үчилтик канаттай, тамыры түймөк, себетче топгүлү жөнөкөй, тармал, чала тармал; формасы, чоңдугу, түсү боюнча айырмаланат. Мексикада, Гватемалада, Түштүк жана Борбордук Америкада өсөт. Европада 18-кылымдан эгиле баштаган. Эгилме Георгинанын 8 миңден ашык сорту бар. Георгина калемчеси, уругу жана тамырынан өсүп чыгат. Күрдүү жана нымдуу топуракта жакшы өсөт. Өтө чоң гүл алыш үчүн 3 гана бутагы калтырылат, калган бутактары алынып ташталат. Кыргызстанда кооздук үчүн гүлзар, парк ж. б. жерлерде өстүрүлөт.
Колдонулган адабияттар
- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4
This article uses material from the Wikipedia Кыргызча article Георгина, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.