ಪವಿತ್ರ ಲೋಕೇಶ್ (ಜನನ ಸಿ.
೧೯೭೯) ಭಾರತೀಯ ಚಲನಚಿತ್ರ ಮತ್ತು ಕಿರುತೆರೆ ನಟಿ. ಅವರು ಮುಖ್ಯವಾಗಿ ಕನ್ನಡ ಮತ್ತು ತೆಲುಗು ಚಿತ್ರಗಳಲ್ಲಿ ಪೋಷಕ ಪಾತ್ರಗಳನ್ನು ನಿರ್ವಹಿಸುತ್ತಿದ್ದಾರೆ. ರಂಗಭೂಮಿ ಮತ್ತು ಚಲನಚಿತ್ರ ನಟ ಮೈಸೂರು ಲೋಕೇಶ್ ಅವರ ಮಗಳು. ಅವರು ತನ್ನ ೧೬ ನೇ ವಯಸ್ಸಿನಲ್ಲಿ ಚೊಚ್ಚಲ ಪ್ರದರ್ಶನವನ್ನು ಮಾಡಿದರು ಮತ್ತು ನಂತರ ೧೫೦ ಕ್ಕೂ ಹೆಚ್ಚು ಕನ್ನಡ ಚಿತ್ರಗಳಲ್ಲಿ ನಟಿಸಿದ್ದಾರೆ. ಕನ್ನಡ ಚಿತ್ರ ನಾಯಿ ನೆರಳು(೨೦೦೬) ಚಿತ್ರದಲ್ಲಿನ ಅಭಿನಯಕ್ಕಾಗಿ ಅವರಿಗೆ ಅತ್ಯುತ್ತಮ ನಟನೆಗಾಗಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ನೀಡಲಾಯಿತು. ಆಕೆಯ ಸಹೋದರ ಆದಿ ಲೋಕೇಶ್ ಮತ್ತು ಪತಿ ಸುಚೇಂದ್ರ ಪ್ರಸಾದ್ ನಟರು.
ಪವಿತ್ರ ಲೊಕೇಶ | |
|---|---|
| Born | c. ೧೯೭೯ (ವಯಸ್ಸು 44–45) |
| Nationality | ಭಾರತೀಯ |
| Occupation | ನಟಿ |
| Years active | ೧೯೯೪–ಪ್ರಸ್ತುತ |
| Spouse | ಸುಚೇಂದ್ರ ಪ್ರಸಾದ (ವಿವಾಹ 2007) |
| Children | 2 |
ಪವಿತ್ರ ಮೈಸೂರಿನಲ್ಲಿ ಜನಿಸಿದರು. ಆಕೆಯ ತಂದೆ ಲೋಕೇಶ್ ಒಬ್ಬ ನಟ ಮತ್ತು ಅವರ ತಾಯಿ ಶಿಕ್ಷಕರಾಗಿದ್ದರು. ಅವರಿಗೆ ಕಿರಿಯ ಸಹೋದರ, ಆದಿ. ಪವಿತ್ರಾ ೯ ನೇ ತರಗತಿಯಲ್ಲಿದ್ದಾಗ ಲೋಕೇಶ್ ನಿಧನರಾದರು. ತನ್ನ ಮೆಟ್ರಿಕ್ಯುಲೇಷನ್ ಪರೀಕ್ಷೆಯಲ್ಲಿ ಶೇ. ೮೦ ರಷ್ಟು ಅಂಕಗಳನ್ನು ಪಡೆದುಕೊಂಡ ನಂತರ ಅವರು ಭಾರತೀಯ ನಾಗರಿಕ ಸೇವೆಯನ್ನು ಸೇರಲು ಬಯಸಿದರು. ಆದಾಗ್ಯೂ, ತನ್ನ ತಂದೆಯ ಮರಣದ ನಂತರ, ಆಕೆ ತನ್ನ ತಾಯಿಗೆ ಸಹಾಯ ಮಾಡಲು ನಿರ್ಧರಿಸಿದರು. ಆಕೆಯೇ ಹೇಳಿದಂತೆ ಅವರ ತಾಯಿ "ಕುಟುಂಬದ ಜವಾಬ್ದಾರಿಗಳಿಂದಾಗಿ ಅತಿಯಾಗಿ ಹೊರೆಹೊತ್ತವರು" ಆಗಿದ್ದರು. ಆರಂಭದಲ್ಲಿ ತನ್ನ ತಂದೆಯ ಹಾದಿಯನ್ನೇ ವೃತ್ತಿಜೀವನದಲ್ಲಿ ಅನುಸರಿಸಲು ಇಷ್ಟವಿರಲಿಲ್ಲ. ಅವರು ಏಸ್‌ ಬಿ ಬಿ ಅರ್ ಮಹಾಜನ ಪ್ರಥಮ ದರ್ಜೆ ಕಾಲೇಜ್, ಮೈಸೂರುನಿಂದ ವಾಣಿಜ್ಯ ವಿಷಯದಲ್ಲಿ ತಮ್ಮ ಪದವಿಯನ್ನು ಪೂರ್ಣಗೊಳಿಸಿದರು ಮತ್ತು ಸಿವಿಲ್ ಸರ್ವೀಸಸ್ ಎಕ್ಸಾಮಿನೇಷನ್ಗಾಗಿ ಕಾಣಿಸಿಕೊಂಡರು. ತನ್ನ ಮೊದಲ ಪ್ರಯತ್ನದಲ್ಲಿ ಪರೀಕ್ಷೆಯನ್ನು ಪೂರ್ಣಗೊಳಿಸಲು ವಿಫಲವಾದ ನಂತರ, ಅವರು ಬೆಂಗಳೂರಿಗೆ ತೆರಳುವ ಮೊದಲು ಅಭಿನಯಿಸಿದರು.
ನಟ ಅಂಬರೀಶರ ಸಲಹೆಯ ಮೇರೆಗೆ ಪವಿತ್ರ ಅವರು ೧೯೯೪ ರಲ್ಲಿ ನಟಿಸಿದರು. ಮಿಸ್ಟರ್ ಅಭಿಷೇಕ್ ಚಿತ್ರದಲ್ಲಿ ಆಕೆ ಮೊದಲ ಬಾರಿಗೆ ಅಭಿನಯಿಸಿದರು. ನಂತರದಲ್ಲಿ ಮುಖ್ಯ ಪಾತ್ರವನ್ನು ವಹಿಸಿದರು. ಅದೇ ವರ್ಷ, ಅವರು 'ಬಂಗಾರದ ಕಳಶ' ಚಿತ್ರದಲ್ಲಿ ಕಾಣಿಸಿಕೊಂಡರು. ಈ ಚಲನಚಿತ್ರಗಳಿಂದ ಅವರು ವಿಶೇಷವಾದ ಯಶಸ್ಸನ್ನು ಗಳಿಸಲಿಲ್ಲ. ಪವಿತ್ರ ಅವರು ಪದವಿಯನ್ನು ಪೂರ್ಣಗೊಳಿಸಿದರು ಮತ್ತು ಮಾನವ ಸಂಪನ್ಮೂಲ ಸಲಹಾ ಕಂಪೆನಿಗಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು. ಆ ಸಮಯದಲ್ಲಿ, ಟಿ.ಎಸ್.ನಾಗಾಭರಣ ಅವರು ೧೯೯೬ ರಲ್ಲಿ ಬಿಡುಗಡೆಯಾದ ಅವರ ಜನುಮದ ಜೋಡಿ ಚಿತ್ರದಲ್ಲಿ ಅಭಿನಯಿಸಿದರು. ದಿ ಹಿಂದೂ ಪತ್ರಿಕೆಯಲ್ಲಿ ೨೦೦೬ ರ ಸಂದರ್ಶನವೊಂದರಲ್ಲಿ ಈ ಹಂತದ ಬಗ್ಗೆ ಮಾತನಾಡುತ್ತಾ ಅವರು, "ನಾನು ಎಂದಿಗೂ ಆರಾಮದಾಯಕವಾಗಿಲ್ಲ. ನಾನು ಏಕಾಂಗಿಯೆಂದು ಭಾವಿಸಿದ್ದೇನೆ. ಆದರೆ ನಾಗಾಭರಣರವರು ಒತ್ತಾಯಿಸಿದಾಗ ನಾನು ಒಂದು ನಿರ್ಣಯ ತೆಗೆದುಕೊಳ್ಳಲೇಬೇಕಾಯಿತು. ಪೂರ್ವಸಿದ್ಧತೆಗಳಿಲ್ಲದಿದ್ದರೂ ನಾನು ಚಲನಚಿತ್ರಗಳನ್ನು ನನ್ನ ವೃತ್ತಿಜೀವನವನ್ನಾಗಿ ಸ್ವಿಕರಿಸಲು ನಿರ್ಧರಿಸಿದೆ. ಹೀಗೆ ನಿರ್ಧಾರಕ್ಕೆ ಧುಮುಕುವ ಏಕೈಕ ಕಾರಣವೆಂದರೆ ನನ್ನ ಪರಿಸ್ಥಿತಿ. ಗಾಡ್ಫಾದರ್ ಅಥವಾ ಮಾರ್ಗದರ್ಶಿ ಇಲ್ಲದೆ ಹೀಗೆಯೇ ಮುಂದುವರೆಯುವುದು ಕಠಿಣವಾಗಿದೆ.ಆದ್ದರಿಂದ ನಾನು ಸಿಕ್ಕ ಪ್ರತಿ ಚಿತ್ರದಲ್ಲಿಯೂ ಅಭಿನಯಿಸುತ್ತೇನೆ." ಎಂದು ಹೇಳಿದ್ದರು. ಅವರ ಎತ್ತರದ ಕಾರಣ ಚಿತ್ರೋದ್ಯಮದಲ್ಲಿ ಪ್ರಮುಖ ಪಾತ್ರಗಳನ್ನು ನೀಡಲಾಗುತ್ತಿಲ್ಲ. ಅವರು ಪೋಷಕ ಪಾತ್ರಗಳನ್ನು ನಿರ್ವಹಿಸುವುದನ್ನು ಮುಂದುವರಿಸಿದರು. ಉಲ್ಟಾ ಪಲ್ಟಾ (೧೯೯೭) ಎಂಬ ಹಾಸ್ಯಚಿತ್ರದಲ್ಲಿ, ಅವರು ರಕ್ತಪಿಶಾಚಿಯಾಗಿ ಅಭಿನಯಿಸಿದ್ದರು.
ಎಸ್. ಎಲ್. ಭೈರಪ್ಪನವರ ಕಾದಂಬರಿ ಆಧಾರಿತ ಗಿರೀಶ್ ಕಾಸರವಳ್ಳಿ ಅವರ ಚಲನಚಿತ್ರ ನಾಯಿ ನೆರಳು ಚಿತ್ರದಲ್ಲಿ ಅಭಿನಯಕ್ಕಾಗಿ ಪವಿತ್ರ ಅವರು ವಿಮರ್ಶಾತ್ಮಕ ಮೆಚ್ಚುಗೆಯನ್ನು ಪಡೆದರು. ದೂರದರ್ಶನದಲ್ಲಿ ಪ್ರಸಾರವಾದ ಗುಪ್ತಗಾಮಿನಿ ಧಾರಾವಾಹಿಯಲ್ಲಿನ ಅವರ ಅಭಿನಯದಿಂದ ಪ್ರಭಾವಿತರಾದ ಕಾಸರವಳ್ಳಿ ಅವರು ವಿಧವೆಯಾದ ವೆಂಕಟಲಕ್ಷ್ಮಿ, ಸೊಸೆ ಮತ್ತು ಇತರ ಎರಡು ಪಾತ್ರಗಳ ತಾಯಿಯಾಗಿ ನಟಿಸಲು ಅವಕಾಶವನ್ನು ನೀಡಿದರು. ಈ ಚಿತ್ರವು ಒಂದೇ ಛಾವಣಿಯಡಿಯಲ್ಲಿ ವಾಸಿಸುವ ಈ ಮೂರು ಪಾತ್ರಗಳ ಸುತ್ತಲೂ ಸುತ್ತುತ್ತದೆ ಮತ್ತು ಸಂಘರ್ಷ-ಹಿಡಿದ ಸಮಾಜದಲ್ಲಿ ಪೀಳಿಗೆಯ ಅಂತರವನ್ನು ಬಹಿರಂಗಪಡಿಸುವ ದೃಷ್ಟಿಕೋನಗಳನ್ನು ತೋರಿಸುತ್ತದೆ. ಸಂಪ್ರದಾಯ ಮತ್ತು ಬಯಕೆಗಳ ನಡುವೆ ಸೆಳೆಯಲಾದ ಮಹಿಳೆಯ ಪಾತ್ರದಲ್ಲಿ ಅವರು ಮಾಡಿದ ಅಭಿನಯಕ್ಕೆ ಅವರು ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದಿದ್ದಾರೆ.
ನಾಗಭರಣರವರ ದೂರದರ್ಶನ ಧಾರಾವಾಹಿ "ಜೀವನ್ಮುಖಿ" ಯಲ್ಲಿ, ಅವರು ಮಧ್ಯವಯಸ್ಕ ವಿಧವೆಯಾಗಿ ನಟಿಸಿದ್ದಾರೆ. ಅದು ಉತ್ತಮವಾದ ಪಾತ್ರವಾಗಿತ್ತು. 2000 ನೇ ದಶಕದ ಆರಂಭದಲ್ಲಿ ಪ್ರಸಾರವಾದ ಧಾರಾವಾಹಿ ಗುಪ್ತಗಾಮಿನಿಯಲ್ಲಿನ ಪಾತ್ರದಿಂದಲೂ ಅವರು ಮನ್ನಣೆಯನ್ನು ಪಡೆದರು. "ಅವರು ಮಾನವೀಯ ಭಾವನೆಗಳ ಜಾಲದಲ್ಲಿ ಸೆಳೆಯಲ್ಪಟ್ಟ ಪತ್ನಿ, ತಾಯಿ ಮತ್ತು ಸಹೋದರಿ." ಆ ಸಮಯದಲ್ಲಿ, ಅವರು ಗೆಳತಿ, ನೀತಿಚಕ್ರ, ಧರಿತ್ರಿ, ಪುನರ್ಜನ್ಮ ಮತ್ತು ಈಶ್ವರಿ ಮುಂತಾದ ಇತರ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡರು.
This article uses material from the Wikipedia ಕನ್ನಡ article ಪವಿತ್ರ ಲೋಕೇಶ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.
