Wiki

ძირითადად ამ პრინციპებზეა აგებული ვიკიპედია და ფონდ ვიკიმედიის სხვა პროექტები.

• ბევრი ავტორი. ნებისმიერ დროს ვიკიზე მუშაობა შეუძლია ბევრ მომხმარებელს.
• ტექსტის მრავალჯერადი რედაქტირება უშუალოდ ვიკი-გარემოს საშუალებით, სხვა დამხმარე რედაქტორების გამოყენების გარეშე.
• ცვლილებების მყისიერი ასახვა რედაქტირების შეტანისთანავე.
• ინფორმაციის დანაწევრება გვერდებად, რომელთაგან თითოეულს თავისი სახელი აქვს.
• რედაქტირების სპეციალური ენა, რომელიც საშუალებას იძლევა ადვილად და სწრაფად მოახდინოთ ტექსტის ფორმატირება, ჰიპერტექსტური ბმულების, სტრუქტურირების სხვა ელემენტების ჩასმა.
• ტექსტის ცვლილებების სხვადასხვა ვერსიების აღრიცხვა და ძველ ვერსიაზე დაბრუნების შესაძლებლობა.

ვიკი-გარემოს შესაქმნელად საჭიროა განსაკუთრებული პროგრამული უზრუნველყოფა — „ვიკის ძრავა“.

• ისტორია. პირველი ვიკი-ქსელი, „პორტლენდის (პროგრამული კოდების) ნიმუშების საცავი“ შეიქმნა 1995 წლის 25 მარტს პროგრამისტის უარდ კანინგემის მიერ. მასვე ეკუთვნის ვიკი-კონცეფციის შექმნა.
• ტერმინი. სიტყვა „ვიკი“ მომდინარეობს ჰავაიურიდან, სადაც wikiwiki ნიშნავს „სწრაფს“.
• ვანდალიზმი. ვიკი საშუალებას აძლევს ყველა მომხმარებელს შეცვალოს ტექსტის შინაარსი. ეს ქმნის საშიშროებას, რომ ვინმემ შეიძლება მასში შეიტანოს არასასურველი და არაკორექტული ცვლილებები. ამ მოვლენისგან თავის დასაცავად ვიკის აქვს ორი საშუალება: 1) დააბრუნოს ტექსტის პირვანდელი ვერსია; 2) ასეთ მომხმარებელს შეუზღუდოს ტექსტის რედაქტირების საშუალება.

• Ebersbach, Anja (2008), Wiki: Web Collaboration, Springer Science+Business Media, ISBN 3-540-35150-7
• Leuf, Bo (April 13, 2001), The Wiki Way: Quick Collaboration on the Web, Addison–Wesley, ISBN 0-201-71499-X
• Mader, Stewart (December 10, 2007), Wikipatterns, John Wiley & Sons, ISBN 0-470-22362-6
• Tapscott, Don (April 17, 2008), Wikinomics: How Mass Collaboration Changes Everything, Portfolio Hardcover, ISBN 1-59184-193-3

 

არის გვერდი თემაზე:

Wiki

• WikiIndex დაარქივებული 2008-05-16 საიტზე Wayback Machine. — ენციკლოპედიური საიტი ვიკი-ძრავების შესახებ
• Wiki საიტზე Curlie