Вікі: тып вэб-бачыны, якую могуць рэдагаваць самі наведнікі

Вікі-сайт зьмяшчае старонкі, зьмест якіх пераспасылаецца адна на другую. Найбольш вядомы вікі-сайт — Вікіпэдыя. Але нават у галіне гумару былі ўсталяваныя вікі як Uncyclopedia або Луркамор’е.

Вікі могуць стварацца з рознымі мэтамі: у якасьці месца для зацемак, для збору інфармацыі ў карпаратыўнай сетцы, ці дзеля стварэньня базы ведаў. У гэтых вікі рэдактары могуць выдаляць непрымальнае зьмесьціва (афтопік, анг. off topic). Прыкладам гэтага кшталту вікі зьяўляецца Вікіпэдыя.

У той жа час, агульнатэматычныя вікі-сайты дазваляюць дадаваць зьмесьціва амаль любога кшталту і без інструкцыяў па сартыроўцы дададзенага.

Упершыню тэрмін «вікі» для апісаньня вэб-сайта быў выкарыстаны ў 1995 годзе Ўордам Канінгамам, распрацоўшчыкам першай вікі-сыстэмы WikiWikiWeb, «Портляндзкага сховішча ўзораў» праграмнага коду, створанай 25 сакавіка 1995 году, які запазычаў слова гавайскай мовы, якое азначае «хуткі». Канінгам першапачаткова апісаў вікі як «найпрасьцейшую анлайн-базу зьвестак, якая, магчыма, працуе». Пазьней гэтаму слову быў прыдуманы ангельскі бэкранім «What I Know Is…».

• Канструктар сайтаў