Elvis Aaron Presley (8 Januari 1935–16 Agustus 1977) inggih punika salah satunggalipun penyanyi rock 'n' roll legendaris saking Amérikah Sarékat.
Panjenenganipun ugi dados prodhuser musik lan aktor. Panjenenganipun gadhah jejuluk "Raja Rock 'n' Roll". Amari lagu-lagunipun ingkang madukaken irama rock 'n' roll kaliyan lagu-lagu ballad, jagad rock 'n' roll gadhah fondasi komersial ingkang salajengipun saged dipunrembakaken déning musisi rock 'n' roll sanèsipun. Nalika wekdal suksesipun, konser-konser Elvis dipunrawuhi kathah masarakat (kathahipun golongan rumaja) kanthi cacahipun ingkang kathah sanget. Gaya, sipat, sarta cara ngagem busana Elvis dados simbol kanggé musik rock 'n' roll lan kathah dipuntiru déning pandemenipun.
Elvis lair ing East Tupelo, Mississippi, saking pasangan Vernon Elvis Presley dan Gladys Love Smith, Elvis ageng ing Memphis, Tennessee. Panjenenganipun wiwit sinau gitar lan main ing kathah acara ing papan belanja. Nalika sekolah menengah, Elvis kerja dados sopir truk kanggé perusahaan listrik. Nalika mangsa panas ing taun 1953, Elvis mbayar $4 kanggé ngrekam kalih lagu ing perusahaan rekaman Sun Studios minangka bebungah kanggé tanggap warsa ibunipun. Ingkang gadhah Sun, Sam Phillips, remen kaliyan swantenipun Elvis lan salajengipun Elvis dipuntimbali supados dados vokalis penyanyi ballad ingkang taksih kosong. Nalika rekaman kasebat wiwitanipun kirang produktif, nanging nalika taksih ngaso wonten ing satunggalipun wekdal ing tanggal 5 Juli 1954, Elvis nyanyi lagu blues karyanipun Arthur Crudup ingkang irah-irahanipun That's All Right. Versi Elvis dipunremeni Philips lan lajeng dipunputer ing radhio ing Memphis lan dados hit ing laladan wau. Wiwit punika Elvis tur dhateng pirang-pirang papan panggènan.
Wikicuplik duwé cuplikan ngenani: Elvis Presley |
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Elvis Presley, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.