I Elvis Aaron Presley metung yang Americanung talakanta, artista, ampong musikeru.
Maralas, kabud na mu Elvis ing aus da kaya. Neng kai, ausan deng "The King of Rock 'n' Roll" (Ari ning Rock 'n' Roll) o "The King" (Ing Ari).
Elvis Presley | ||
---|---|---|
Elvis in 1970 | ||
Impormasyun | ||
Kebaluan bilang | Elvis, The King, The King of Rock 'n' Roll, Elvis the Pelvis, The Hillbilly Cat | |
Kebaitan | Eneru 8 1935 Tupelo, Mississippi, USA | |
Website | Elvis.com |
Migumpisa ya i Presley aniang 1953 anting metung karing mumunang titigtig king rockabilly, metung a mabilis a pamiabe ning country ampong rhythm and blues a maki masikan a back beat. Sinikat ya uling king bayung bersion da reng kanta, nung na na pisasamut ing tigtig a pang-"matuling" ampong "white", bageng penibatan ning kayang panga-sikat—ampong kontrobersial— bukud king kayang e apigilan (uninhibted) a pamagkanta ampong pangimut kareng palage. Mic-record yang kanta king uring rock and roll, a masasalamin kareng plaka anti king "Hound Dog" ampong "Jailhouse Rock". Maleparan ya abut {versatile) ing bosis/siuala nang Presley, at migtagumpe ya king pamagkanta kareng aliwang uri ning musica, kayabe ne ing gospel, blues, country, ballads ampong pop. King salukuyan, milukluk ne kareng apat a hall of fame ning musica.
Aniang decadang 1960, gewa nong Presley deng keraklan kareng kayang 31 a pelicula, a keraklan musical a e masanting datang kareng criticu dapot menakitan king takilya. Aniang 1968, belikan na ing live a pamagkanta kapamilatan ning metung a palage king telebision, at linage ya king mabilug a U.S., lalu na king Las Vegas. Kanitang 1973, linage ya king minunang pangyatung live concert kapamilatan ning satellite (Aloha from Hawaii), a miras kareng e magkulang king metung a biliun a manalbe, bukud pa king karagdagang 500 miliun a mas tauling limbe (on delay).
King kabilugan ning kayang carera antimong talakanta, mitikdo yang record para king pamitagun kareng concierto, rating king telebisiun, ampong pamaniali kareng plaka o recording. Metung ya kareng masaling dili ampong maimpluensiang dili kareng lalage king kasalesayan ning musica. Deng prublema king pamikakatawan, drug addiction ampong aliwang sangkan, ing migdala king kayang kamatayan king edad a 42.
Template:Elvis Presley
Persondata | |
---|---|
LAGYU | Presley, Elvis Aaron |
ALIWANG LAGYU | Presley, Elvis Aaron |
MAKUYAD A PAMILARAWAN | American singer, song producer and actor; "The King of Rock'n'Roll" |
ALDO KEBAITAN | Eneru 8 1935 |
LUGAL KEBAITAN | Tupelo, Mississippi, U.S. |
ALDO KEMATIAN | Agostu 16 1977 |
LUGAL KEMATIAN | Memphis, Tennessee, USA |
This article uses material from the Wikipedia Kapampangan article Elvis Presley, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.