Desmond Mpilo Tutu (1931-2021) inggih punika salah satunggalipun téolog ingkang asalipun saking Afrika Kidul.
Panjenenganipun ugi kalebet aktivis ingkang misuwur ing taun 1980-an minangka salah satunggalipun panentang apartheid. Tutu dipunpilih lan dipuntahbisaken dados biskop kulit cemeng ingkang sapisan ing Gréja Anglikan Panjenenganipun dipuntahbisaken ing Kutha Cape Town.
Prèsidhén Afrika Kidul, Nelson Mandela ugi gadhah pamanggih ingkang saé babagan Tutu. Panjenenganipun ngendikan bilih Tutu inggih punika tiyang ingkang boten naté ajrih nywantenaken "sinten ingkang boten saged maringi swanten".
Desmond Mpilo Tutu (miyos ing Klerksdorp, Transvaal nalika tanggal 7 Oktober 1931). Ramanipun nyambur damel dados guru sekolah nanging ibunipun boten naté sekolah. Tutu nglajengaken pendidikanipun dhateng sekolah inggil ingkang misuwur ingkang namanipun Johannesburg, ing taun 1945-1950.
Sasampunipun rezim apartheid mandhap ing taun 1994 lan dipun-gantos déning panguwaosipun Konggrès Nasional Afrika utawi ANC (African National Congress), Tutu asring ngginakaken frasa Rainbow Nation(Bangsa Pelangi). Panjenenganipun ngginakaken frasa punika minangka satunggalipun metafora kanggé nggambaraken ka-manéka warni-an ing Afrika Kidul.
Sanajan apartheid resmi dipunicalaken ing taun 1990, swasana ing Afrika Kidul taksih dèrèng uwal saking masalah kamanungsan. Miturut Tutu taksih wonten dosa lan ugi wiwih ingkang saged ngasilaken wontenipun panindhasan malih. Panjenenganipun gadhah pamanggih bilih "Tiyang ingkang dipuntindhas saged dados panindhas amargi dosa saged damel kemungkinan punika dados wonten.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Desmond Mpilo Tutu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.