Arèn utawa neluluk utawa anggong kalebu wit kang akèh urip ing Indonesia.
Arèn | |
---|---|
Aren, saka Blanco | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Liliopsida |
Ordho: | Arecales |
Famili: | Arecaceae |
Génus: | Arenga |
Spésies: | A. pinnata |
Jeneng binomial | |
Arenga pinnata (Wurmb) Merr. | |
Sinonim | |
Arenga saccharifera Labill. |
Wit arèn utawa kang duwé jeneng Latin Arenga pinnata (Wurm) Merill kalebu wit plasma nutfah kang ditandur ing perkebunan. Ing Sunda, arèn diarani tangkal kawung, ing Acèh diarani bakjuk, ing Toraja, Sulawesi Selatan diarani onau, ing Ambon, Maluku diarani mana utawa nawa-nawa, lan ing Dayak, Kalimantan diarani hanau. Arèn isih saseduluran karo Arenga saccarifera Labill lan isih sakulawarga karo Arecaceae. Wit arèn uga diarani bogor.
Arèn duwé akèh manpangat, kaya ta getah utawa nira saka wit arèn bisa dadi ombèn-ombèn kang nyegeraké awak. Ombèn-ombèn iku diarani legèn. Getah arèn iku uga bisa digawé dadi gula. Gula kang digawé saka getah arèn diarani gula abang utawa gula Jawa. Saliyané nira utawa tlutuhé, woh wit arèn bisa dipangan utawa digawé panganan kang bisa nggawé wareg. Woh wit arèn iku diarani kolang-kaling. Manpangaté kang akèh ndadékaké arèn akèh ditandur déning warga masarakat.
This article uses material from the Wikipedia Basa Jawa article Arèn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.