Kolang-Kaling
Kolang-kaling utawa buah atap ya iku woh kang dadi cemilan, dhapuré lonjong lan wernané putih transparan.
Kolang-kaling ing basa Walanda diarani glibbertjes. Kolang-kaling ya iku wijiné wit aren utawa Arenga pinnata. Kolang-kaling dhapuré trepes lan ana tlutuhe. Kolang-kaling digawé saka woh arèn kang dibakar nganti gosong banjur dijupuk wijiné lan digodhog nganti pirang-pirang jam. Wiji arèn kang wis digodhog iku banjur direndhem ing larutan banyu kapur kurang luwih telung dina nganti ngalami prosès férmentasi.
Kolang-kaling duwé kadar banyu kang akèh nganti tekan 93,8 % saben 100 gramé. Kolang-kaling uga ngandhut 0,69 gram protéin, patang gram karbohidrat, lan kadar awu sak gram lan serat kasar kang cacahé 0,95 gram.
Mangan kolang-kaling uga bisa nglancaraké saluranSaluran cerna. Kolang-kaling duwé karbohidratKarbohidrat kang bisa nggawé wareg. Saliyané iku kolang-kaling uga bisa ngurangi nafsu mangan saéngga cocog dikonsumsi kanggo wong kang lagi diet. Woh kang asalé saka wiji arèn iki duwé jeneng liya buah atap, buah kalong utawa 'tropical food.
Asil olahan
Kolang-kaling lumrahé digawé kolak, koktail, ès campur utawa ès buah. Kolang-kaling bisa nglancaraké metabolisme awak. Kolang-kaling kena kanggo campuran ès teler. Supaya katon warna-warni, kolang-kaling bisa diwénéhi sumba kang rupané abang, ijo utawa kuning.
Cathetan suku
| Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Kolang-kaling, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.