Bal-balan gagrag Amérikah Sarékat iku sawijining jinis ulah raga bal-balan sing dimainaké ing nagara Amérikah Sarékat lan uga Kanada.
Ing nagara loro iki, olahraga bal-balan iki diarani football utawa gridiron. Olahraga iki ditandhingaké déning tim loro sing sijiné kawujudaké saka juru main sing cacahé ana sawelas. Ulah raga iki dimainaké ing sawijining lapangan pasagi mujur lan ing pungkasané lapangan ing sisih kiwa lan tengen ana cagak sing fungsiné dadi gawang golé. Olèhé main iku, manawa nyerang, tim sing lagi nyerang kudu nyoba maju ing lapangan lumayu utawa ngepasaké bal, kamangka tim sing lagi ngreksa paruh lapangané kudu nahan tim panyerang aja nganti balé tekan buri lan yèn bisa ngrebut balé. Olèhé nyerang kudu bisa maju 10 yard sajeroning patang down (tiba), yèn ora bal kudu diwènèhaké tim tandhingan. Tim bisa olèh wiji mawa nggawa bal tekan zona pungkasan, prakara iki diarani touchdown (demok ngisor) utawa mawa ngegolaké bal ngliwati gawang. Gawangé rupané mèmper porok tala.
Tim sing olèh wiji akèh dhéwé, ya iku sing menangaké tetandhingan.
This article uses material from the Wikipedia Basa Jawa article Bal-balan gagrag Amérika Sarékat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.