James Eugene Carrey (f.
17. janúar 1962), best þekktur sem Jim Carrey, er leikari og uppistandari, sem er fæddur í Kanada, en hefur aðallega búið og starfað í Bandaríkjunum. Hann hefur unnið til tvennra Golden Globe-verðlauna.
Jim Carrey | |
---|---|
Upplýsingar | |
Fæddur | James Eugene Carrey 17. janúar 1962 |
Ár virkur | 1983 - nú |
Maki | Melissa Womer (1987-1995) Lauren Holly (1996-1997) |
Helstu hlutverk | |
Stanley Ipkiss/The Mask í The Mask Ace Ventura í Ace Ventura: Pet Detective og Ace Ventura: When Nature Calls Bruce Nolan í Bruce Almighty Edward Nygma/The Riddler í Batman Forever Lloyd Christmas í Dumb and Dumber The Grinch í The Grinch Count Olaf í A Series of Unfortunate Events Truman Burbank í The Truman Show | |
Golden Globe-verðlaun | |
Besti kvikmyndaleikari (drama) 1999 The Truman Show Besti kvikmyndaleikari (tónlist/skemmtun) 2000 Man on the Moon |
Carrey fæddist í Newmarket, Ontario í Kanada. Foreldrar hans eru Kathleen Oram, heimavinnandi húsmóðir og Percy Carrey, tónlistarmaður og bókhaldari. Carrey á þrjú eldri systkini: John, Patricia og Rita. Fjölskyldan er kaþólsk og er ættuð frá Frakklandi. Frá ungum aldri hafði hann gaman að því að skemmta fólki. Kennarar hans leyfðu honum oft að vera með hálfgert uppistand fyrir bekkinn í lok skóladags. Var það umsamið þannig að hann myndi ekki trufla eðlilegt skólahald.
Fjölskylan flutti til Scarborough árið 1976 þegar Carrey var 14 ára. Hann gekk þar í kaþólskan skóla í North York í tvö ár. Síðan fekk hann í Agincourt Collegiate-stofnunina, elsta menntaskóla Scarborough.
Árið 1979 var Carrey með uppistönd á Yuk Yuk's í Toronto. Umboðsmaður Carrey var Leatrice Spevack. Í febrúar 1981, þegar Carrey var nýorðinn 19 ára, var birt grein um hann í dagblaðinu Toronto Star. Þar var honum lýst sem „rísandi stjörnu“
Fyrsta kvikmynd Carrey var myndin Rubberface (1983). Hann lék einnig í myndum eins og Peggy Sue Got Married (1986), Earth Girls are Easy (1988) og The Dead Pool (1988) en Carrey bar ekki mikið úr býtum fyrir leik sinn í þeim myndum. Það breyttist heldur betur árið 1994 þegar hann lék í þremur myndum sem slógu allar í gegn: Ace Ventura: Pet Detective, The Mask og Dumb and Dumber.
This article uses material from the Wikipedia Íslenska article Jim Carrey, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.