Սիրաք Գյուլբուդաղյան: հայ լեզվաբան
Սիրաք Գյուլբուդաղյան (սեպտեմբերի 7, 1915(1915-09-07), Կողբ, Սուրմալուի գավառ, Երևանի նահանգ, Կովկասի փոխարքայություն, Ռուսական կայսրություն - հոկտեմբերի 27, 1997(1997-10-27), Երևան, Հայաստան), հայ լեզվաբան, հայերենագետ, բանասիրական գիտությունների դոկտոր (1974), պրոֆեսոր (1978)։
Սիրաք Գյուլբուդաղյան | |
|---|---|
| Ծնվել է | սեպտեմբերի 7, 1915 Կողբ, Սուրմալուի գավառ, Երևանի նահանգ, Կովկասի փոխարքայություն, Ռուսական կայսրություն |
| Մահացել է | հոկտեմբերի 27, 1997 (82 տարեկան) Երևան, Հայաստան |
| Քաղաքացիություն |  ԽՍՀՄ և  Հայաստան |
| Մասնագիտություն | լեզվաբան |
| Ալմա մատեր | Երևանի պետական համալսարան |
| Գիտական աստիճան | բանասիրական գիտությունների դոկտոր և պրոֆեսոր |
| Տիրապետում է լեզուներին | հայերեն |
Կենսագրություն
Սիրաք Գյուլբուդաղյանը ծնվել է 1915 թվականին Արևմտյան Հայաստանի Սուրմալու գավառի Կողբ գյուղում։ Բարձրագույն կրթությունն ստացել է Երևանի պետական համալսարանում։ Աշխատել է որպես ուսուցիչ։ 1953 թվականին պաշտպանել է բանասիրական գիտությունների գծով թեկնածուական ատենախոսություն, 1974 թվականին՝ դոկտորական ատենախոսություն։ 1978 թվականին ստացել է պրոֆեսորի կոչում։ 1952-1955 թվականներին աշխատել է Լենինականի (ներկայում՝ Գյումրի) պետական մանկավարժական ինստիտուտում որպես դասախոս։ 1956 թվականից աշխատել է Երևանի պետական համալսարանում։
Աշխատություններ
Սիրաք Գյուլբուդաղյանն զբաղվել է հիմնականում ժամանակակից հայոց լեզվի կառուցվածքի նկարագրությամբ, ուղղագրությամբ, լեզվի մեթոդիկայի հարցերով։
- Աշակերտների բառապաշարի հարստացման միջոցները 5-8-րդ դասարաններում, Երևան, 1963։
- Թվական անունը ժամանակակից հայերենում, Երևան, 1964։
- Ալ. Շիրվանզադեի լեզվական մշակույթը, Երևան, 1966։
- Միակազմ նախադասությունները ժամանակակից հայերենում, Երևան, 1967։
- Հայերեն ուղղագրության պատմություն, Երևան, 1973։
- Հայոց լեզվի գործնական պարապմունքների ձեռնարկ, Երևան։
- Հայոց լեզվի դասավանդման մեթոդիկա, Երևան, 1987։
- Ժամանակակից հայոց լեզու (շարահյուսություն. պարզ նախադասություն), Երևան, 1988։
Ծանոթագրություններ
Աղբյուրներ
- Հ. Պետրոսյան, Հայերենագիտական բառարան, Երևան, 1987, էջ 157։
- Սիրակ Գյուլբուդաղյան
 | Վիքիդարանն ունի նյութեր, որոնք վերաբերում են «Սիրաք Գյուլբուդաղյան» հոդվածին։ |
This article uses material from the Wikipedia Հայերեն article Սիրաք Գյուլբուդաղյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.