Ռաջաստան (ռաջաների երկիր), նահանգ Հյուսիս Արևմտյան Հնդկաստանում։ Տարածությունը 342 հազար կմ² է, բնակչությունը՝ 34,1 միլիոն (1981), վարչական կենտրոնը՝ Ջայպուրը։ Հիմնական բնակիչները ռաջաստանցիներ և հնդկանցիներ են։ Հյուսիսային մասը գտնվում է Ինդոս-Գանգեսյան հարթավայրում, հարավը՝ Դեկանի սարահարթում։ Հյուսիս Արևմտյան մասում Թար անապատն է, կենտրոնական մասում Արավալի լեռնաշղթան։ Տնտեսության գլխավոր ճյուղը գյուղատնտեսությունն է, հատկապես՝ անասնապահությունը։ Ռաջաստանը Հնդկաստանի բրդի կարևոր մատակարարն է։ Մշակում են հացահատիկ, բամբակենի, ձիթենի։ Ոռոգումը իրականացվում է Չամբալ հիդրոտեխնիկական հանգույցի և Ռաջաստանի ջրանցքի միջոցով։ Կա հանքարդյունահանող ու մշակող արդյունաբերություն, ԱԷԿ։ Տարածված է տնայնագործությունը։ Ռաջաստանը որպես պատմական մարզ առանձնացվել է 18-19-րդ դարերում։ 18-19-րդ դարերում նրա տարածքում ձևավորվել է մոտ 20 իշխանություն։ 1818-1947 թթ.
կոչվել է Ռաջպուտան։ 1950-ին որպես նահանգ միացել է անկախ Հնդկաստանին։ 1956 թթ.-ին Ռաջաստանին է միացվել Աջմեր նահանգի տարածքը։
| |||
Երկիր | Հնդկաստան | ||
Կարգավիճակ | Հնդկաստանի նահանգ | ||
Մտնում է | Հնդկաստան | ||
Վարչկենտրոն | Ջայպուր | ||
Օրենսդրական մարմին | Rajasthan Legislative Assembly? | ||
Պաշտոնական լեզուներ | հինդի | ||
Բնակչություն | 68 548 437 մարդ (2011) | ||
Տարածք | 342 269 կմ² | ||
Հիմնադրված է | հունվարի 26, 1950 թ. | ||
Սահմանակցում է | Փենջաբ, Հարյանա, Ուտար Պրադեշ, Գուջարաթ, Մադհյա Պրադեշ, Սինդ և Փենջաբ | ||
Փոխարինեց | United State of Rajasthan? | ||
ISO 3166-2 կոդ | IN-RJ | ||
Անվանված է | թագավոր | ||
rajasthan.gov.in | |||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |
Վիքիպահեստն ունի նյութեր, որոնք վերաբերում են «Ռաջաստան» հոդվածին։ |
This article uses material from the Wikipedia Հայերեն article Ռաջաստան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.