Ֆիլմ, 2017 Մի՛ Բախիր Երկրորդ Անգամ: ֆիլմ
«Մի ծեծիր երկրորդ անգամ» (անգլ.՝ Don't Knock Twice), բրիտանական սարսափ ֆիլմ՝ հիմնված վհուկի մասին պատմող քաղաքային մի լեգենդի վրա։ Ֆիլմի պրեմիերան կայացել է 2016 թվականի սեպտեմբերի 29-ին «Ռեյնդանս» կինոփառատոնում։
 անգլ.՝ Don't Knock Twice | |
|---|---|
.jpg) | |
| Երկիր | .svg){kind=small} Միացյալ Թագավորություն |
| Ժանր | սարսափ ֆիլմ |
| Թվական | հունվարի 12, 2017 և սեպտեմբերի 22, 2016 |
| Լեզու | անգլերեն |
| Ռեժիսոր | Կարադոգ Ու. Ջեյմս |
| Դերակատարներ | Քեթի Սակհոֆ, Լյուսի Բոյնտոն, Խավիեր Բոտետ և Նիկ Մորան |
| Տևողություն | 93 րոպե |
Սյուժե
Տաղանդավոր քանդակագործ Ջեսսը երկար ժամանակ տառապել է թմրային կախվածությունից և չի կարողացել խնամել իր վեցամյա դստերը։ Այժմ նա ուզում է վերադարձնել իր արդեն վաղուց մեծացած աղջկան մանկատնից՝ առաջարկելով նրան տեղափոխվել իր և իր հարուստ ամուսնու՝ Բենի տուն։ Խլոյան կտրուկ հրաժարվում է մոր առաջարկից։ Այդ նույն գիշեր նա իր ընկերոջ՝ Դեննիի հետ զբոսնում է տան մոտով, որտեղ ժամանակին ապրել է նրանց մանկության վհուկը։ Այժմ տան շուրջը հյուսված են սարսափելի լեգենդներով, օրինակ՝ դուռը երկու անգամ ծեծելը նշանակում է արթնացնել վհուկին և դառնալ նրա զոհը, վաղ թե ուշ նա գալու է քո հետևից։ Տուն վերադառնալուց հետո Դեննիի մոտ է գալիս մի դիվական արարած։ Խլոյան շփվում է Դեննիի հետ համակարգչով, սակայն դա նրան չի փրկում. Դեննիին առևանգում է անտեսանելի ուժը։ Երբ դիվական հոգին գալիս է Խլոյայի մոտ, նա վախից որոշում է տեղափոխվել մոր տուն։ Խլոյան թշնամաբար է տրամադրված մոր նկատմամբ և չի պլանավորում մնալ նրա մոտ երկար ժամանակ։ Բայց Ջեսսը հիմնավորապես նպատակադրված է վերադարձնել իր աղջկա նախկին վերաբերմունքն ու սերը։ Մոր դղյակում Խլոյային սկսում են հետապնդել տարօրինակ իրաադարձություններ։ Իսկ Ջեսսը երազում տեսնում է մի ծեր կնոջ ինքնասպանություն։ Խլոյան ճանաչում է նրա մեջ Մերի Ամինովին և պատմում է Ջեսսին ծեր հարևանուհու մասին, ում մեղադրում էին երեխաների առևանգման մեջ և մանկության ժամանակ վհուկ էին համարում։ Ջեսսը դրան լուրջ չի վերաբերվում, սակայն ժամանած մոդել Թիրան, տեսնելով Խլոյային, փախչում է՝ պնդելով, որ նրա շուրջը մեծ քանակությամբ խավար է կուտակված։ Այժմ Խլոյան հավատում է, որ իրեն հետապնդում է վհուկը, իսկ Ջեսսը հակառակն է մտածում։ Այնուամենայնիվ նրանց սպասվում է միասին անցնել իրական աշխարհի շեմը՝ բացահայտելու համար քաղաքային լեգենդի ճշմարտությունը։
Դերերում
| Դերասան | Դեր |
|---|---|
| Քեթի Սակհոֆ | Ջեսս |
| Լյուսի Բոյնտոն | Խլոյա |
| Հավյեր Բոթետ | Վհուկ |
| Նիկ Մորան | Խուզարկու Բորդման |
| Ջորդան Բոլջեր | Դեննի |
| Պունեխ Խաջիմոխամադի | Թիրա |
| Ռիչարդ Միլան | Բեն |
| Կալում Գրիֆիթս | Մայքլ |
| Անյա Մարսոն | Մերի Անիմով |
Քննադատություն
«Մի՛ բախիր երկրորդ անգամ» ֆիլմն ստացել է խառը և բացասական արձագանքներ։ Rotten Tomatoes կայքէջի օգտատերերը ֆիլմին տվել են 36 % դրական արձագանքներ 5.6/10 միջին գնահատականով։
Ծանոթագրություններ
Արտաքին հղումներ
- «Մի՛ բախիր երկրորդ անգամ (ֆիլմ, 2017)»(անգլ.) ֆիլմը Internet Movie Database կայքում
This article uses material from the Wikipedia Հայերեն article Մի՛ բախիր երկրորդ անգամ (ֆիլմ, 2017), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.