Մարինյան պալատ (ուկրաիներեն՝ Маріїнський палац), երկհարկանի պալատ Կիևում, որը գտնվում է Դնեպրի աջ ափին։ Պալատի նախագիծը գծել է ճարտարապետ Վարֆոլոմեյ Ռաստրելլին։
Մարինյան պալատ | |
---|---|
ուկրաիներեն՝ Маріїнський палац | |
Երկիր` | Ուկրաինա |
Ճարտարապետական ոճ` | բարոկկո ճարտարապետություն |
Ճարտարապետ` | Վարֆոլոմեյ Ռաստրելլի |
Կառուցման ժամանակաշրջան` | 1744 թվական |
Պալատը հիմնադրվել է 1744 թվականին՝ Ելիզավետա Պետրովնա կայսրուհու պատվերով։ Պատվիրատուն չի հասցրել այցելել պալատ։ Եկատերինա II-ը Կիև այցելել է 1787 թվականին։ Փետրվարի 14-ին այստեղ է եղել Վենեսուելայի քաղաքական գործիչ Ֆրանսիսկո Միրանդան, ով իսպանական գաղութային համակարգի ազատամարտիկ էր։ 18-րդ դարի վերջում և 19-րդ դարի սկզբում պալատը Կիևի գեներալ-մարզպետների նստավայրն էր։
19-րդ դարի սկզբին Թագավորական պալատը մի շարք հրդեհների հետևանքով այրվել է։ Կես դար անց, 1870 թվականին, Ալեքսանդր II-ը ճարտարապետ Կարլ Մաևսկուն հանձնարարել է վերակառուցել պալատը՝ ելնելով հին պլաններից և նկարներից։ Վերակառւցելուց հետո վերանվանվել է Մարինյան պալատ՝ ի պատիվ Մարիա Ալեկսանդրովնա կայսրուհու։ Նրա ցանկությամբ պալատի հարավային կողմում զբոսայգի է ստեղծվել։
Առաջին համաշխարհային պատերազմի ժամանակ Մարինյան պալատ է տեղափոխվել Մարիա Ֆեոդորովնան, ով բուժում էր ժամանած վիրավորներին։ Նա այստեղ անցկացնում է երկու տարի, մինչև որ իմանում է իր որդու՝ Նիկոլայ II-ի հրաժարականի մասին։
Մարինյան պալատը համարվել է Կիև այցելող կայսերական ընտանիքների անդամների նստավայրը մինչև 1917 թվականը։
Քաղաքացիական պատերազմի ժամանակ Մարինյան պալատը օգտագործվել է որպես զինվորական շտաբ։ 1920-ական թվականներին շենքը եղել է դպրոց, ավելի ուշ դարձել թանգարան։ Հայրենական Մեծ պատերազմի ժամանակ պալատը խիստ տուժել է և 1940-ական թվականներին վերանորոգվել է։ Եվս մեկ անգամ այն վերանորոգվել է 1980-ական թվականներին։
Վիքիպահեստն ունի նյութեր, որոնք վերաբերում են «Մարինյան պալատ (Կիև)» հոդվածին։ |
This article uses material from the Wikipedia Հայերեն article Մարինյան պալատ (Կիև), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.