Բջջային Հավելված
Բջջային հավելված (անգլ.՝ «Mobile app») , ծրագրային ապահովում, որը նախատեսված է սմարթֆոններով, պլանշետներով և այլ շարժական սարքերով աշխատելու համար, մշակվում է հատուկ պլատֆորմների համար (iOS, Android, Windows Phone և այլն)։ Շատ բջջային հավելվածներ նախատեղադրված են հենց սարքի մեջ կամ կարող են անվճար կամ վճարովի ներբեռնվել առցանց հավելվածների խանութներից, ինչպիսիք են App Store-ը, Google Play-ը և այլն։
Պատմություն
Սկզբնապես բջջային հավելվածներն օգտագործվում էին էլեկտրոնային փոստն արագորեն ստուգելու համար, բայց դրանց մեծ պահանջարկը հանգեցրեց դրանց ընդլայնմանը նաև այլ ոլորտներում, ինչպիսիք են բջջային հեռախոսը և GPS խաղերը, շփումը, տեսանյութեր դիտելը և համացանցից օգտվելը։
Այս եզրույթը մեծ տարածում է գտել 2007 թվականից, իսկ 2010 թվականին Ամերիկյան բարբառային հասարակության կողմից ներառվել է «Տարվա բառեր» ցուցակում։
Բջջային հավելվածների շուկան այսօր շատ զարգացած է և կայուն աճում է։ Statista-ի կանխատեսմամբ 2020 թվականին բջջային հավելվածների արդյունաբերության համախառն եկամուտը պետք է գերազանցեր 189 միլիարդ դոլարը։
Տեսակներ
- Բջջային կայքեր, վեբ հավելվածներ
- Հիբրիդային ծրագրեր
- Կարգավորող հավելվածներ
Բջջային հավելվածի ստեղծում
Բջջային հավելվածները գրվում են ծրագրավորման տարբեր լեզուներով (Java, PHP / JavaScript, ActionScript, Swift և Objective-C): Ստեղծման գործընթացում անցնում է մի քանի փուլ։
Առաջին քայլ՝ որոշել, թե ինչի համար է նախատեսված հավելվածը և ինչ առաջադրանքներ է կատարելու։
Երկրորդ փուլ՝ նախագծում և դիզայն
Երրորդ փուլ՝ մշակման գործընթաց
Չորրորդ փուլ՝ փորձարկում
Հինգերորդ փուլ՝ մոնիթորինգ
Նաև հայտնի են դարձել webview-հավելվածները, որոնք բջջային հավելվածի ինտերֆեյսում ցուցադրվող կայքերի բջջային տարբերակներն են։ Webview հավելվածները հասանելի են Android և iOS պլատֆորմներում։ Նման ծրագիրը կարող է ցույց տալ, որ կայքը ստեղծվել է վեբ ծրագրի տեխնոլոգիայով։ Օգտագործողին նման ծրագիրը կարող է թվալ տեղական և ունի բոլոր անհրաժեշտ գործառույթները։ Մշակողի համար այս տեխնոլոգիայի օգտագործումը նվազեցնում է բջջային հավելվածի համար առանձին կոդ գրելու ծախսերը, քանի որ վեբ-հավելվածի տեխնոլոգիայով կայքն արդեն ունի անհրաժեշտ ֆունկցիոնալությունը։ Նաև webview ծրագրերը կարող են օգտագործել iOS և Android համակարգերի, ինչպիսիք են push ծանուցումների գործառույթները, GooglePay կամ ApplePay վճարման համակարգերը։
Բժշկության մեջ
2016 թվականին աշխարհում 260 հազար բժշկական բջջային հավելված կար։ Հավելվածների օգնությամբ սմարթֆոնով կարելի է չափել թոքերի ֆունկցիայի հիմնական պարամետրերը (տվյալներ ստանալու համար անհրաժեշտ է շնչել խոսափողի մեջ), չափել սրտի կծկումների հաճախականությունը, արյան կամ մարմնի այլ հեղուկների հետազոտություն կատարել միկրոֆլորիդային հավելվածների միջոցով։
Ծանոթագրություններ
This article uses material from the Wikipedia Հայերեն article Բջջային հավելված, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.