Today Was A Fairytale
«Today Was a Fairytale», ամերիկացի քանթրի ժանրի երգչուհի Թեյլոր Սվիֆթի երգը, որը դարձել է Սուրբ Վալենտինի օրը ֆիլմի սաունդթրեք։ Որպես սինգլ թողարկվել է 2010 թվականի հունվարի 19-ին։
| «Today Was a Fairytale» | |
|---|---|
| Թեյլոր Սվիֆթի երգը | |
| Ժանր | քանթրի փոփ |
| Լեզու | անգլերեն |
| Լեյբլ | Big Machine Records |
| Հեղինակ | Թեյլոր Սվիֆթ |
| Պրոդյուսեր | Նեյթան Չապման |
Տեղեկություն երգի մասին
Թեյլոր Սվիֆթը գրել է «Today Was a Fairytale» երգը դեռ 2008 թվականին, սակայն որոշել է ժամանակավորապես հետաձգել կատարումը և ձայնագրությունը։ Այն բանից հետո, ինչ նա ընտրվել էր Սուրբ Վալենտինի օրը ֆիլմում Ֆելիցիի դերի համար, Սվիֆթը առաջարկել է պրոդյուսերներին իր երգը դարձնել սաունդթրեք, քանի որ այն չի ներառվել իր ալբոմում։ «Today Was a Fairytale» սինգլը թողարկվել է 2010 թվականի հունվարի 19-ին` iTunes Store-ում։
Երգի տեքստում նկարագրվում է արտասովոր ժամադրություն, օգտագործվում են արքայազնի և սքանչելի աղջկա հեքիաթային պատկերները։
Երաժշտական քննադատների արձագանքները
Slate հրատարակության քննադատները նշել են, որ երգում բացակայում են Թեյլոր Սվիֆթի հիմնական քանթրի-փոփ ժանրի որոշ տարրեր։ Billboard ամսագրի գրախոսությունում նշվել է վոկալը, որը հավակնում է «նորահայտ հասունություն»։ Գրախոսի կարծիքով «Today Was a Fairytale»-ը կարող է ավելացնել Սվիֆթի երկրպագուների քանակը։ Entertainment Weekly ամսագրի տեսությամբ երևացել է Թեյլոր Սվիֆթի նախորդ Love Story և «You Belong with Me» երգերի տեքստերի նմանությունը։ Դրական արձագանքներ նաև հայտնել են People, OK! հրատարակչությունները և Allmusic կայքը։
Համերգային ելույթներ
Երգը ներառվել է պոպուրիում և կատարվել է Սվիֆթի կողմից «Գրեմմի 52-րդ մրցանակաբաշխությունում»։ Սվիֆթի այդ ելույթը Սթիվի Նիքսի հետ մրցանակաբաշխությունում քննադատվել է այն պատճառով, որ նա չի հայտնվել երաժշտության տեմպում։
«Today Was a Fairytale»-ը 2010 թվականին ընդգրկվել է Fearless Tour համերգային շրջագայության երգացանկում։
Երգացանկ
- Թվային ներբեռնում
| # | Անվանում | Տևողություն |
|---|---|---|
| 1. | «Today Was a Fairytale» | 4:01 |
Դիրքը հիթ-շքերթներում
2010 թվականի փետրվարի 6-ին «Today Was a Fairytale»-ը դեբյուտացվել է Billboard Hot 100 հիթ-շքերթի 2-րդ հորիզոնականում։ Նաև հայտնվել է Billboard, Adult Contemporary, Hot Country Songs և Mainstream Top 40 հիթ-շքերթներում։ 2010 թվականի փետրվարի 20-ին «Today Was a Fairytale»-ը գլխավորել է կանադական Canadian Hot 100 հիթ-շքերթը։
Հիթ-շքերթներ
Ծանոթագրություններ |
This article uses material from the Wikipedia Հայերեն article Today Was a Fairytale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.