Սառա Բեթ Բարելիս (անգլ.՝ Sara Beth Bareilles, դեկտեմբերի 7, 1979(1979-12-07), Յուրիկա, Կալիֆոռնիա, ԱՄՆ), ամերիկացի երգչուհի, դաշնակահարուհի և երգերի հեղինակ։ Միջազգային հաջողություն գրանցել է 2007 թվականին՝ «Love Song» սինգլի թողարկումից հետո։ Երգը գլխավորել է «Billboard Pop 100» հիթ-շքերթը և «Billboard Hot 100» հիթ-շքերթում հայտնվել չորրորդ հորիզոնականում։ Վաճառել է ավելի քան 1 միլիոն ձայնագրություն, ինչպես նաև 5 անգամ առաջադրվել է «Գրեմմի» մրցանակի` ներառյալ «Տարվա ալբոմ» անվանակարգում։ NBC հեռուստաալիքի «The Sing-Off» շոուի երրորդ եթերաշրջանում Սառա Բարելիսը Բեն Ֆոլդսի և Շոն Սթոքմանի հետ եղել է ժյուրիի անդամ։ 2012 թվականի փետրվարին ամերիկյան VH1 հեռուստաալիքը Սառա Բարելիսին ներառել է «Լավագույն 100 երգչուհիներ» ցանկում, որտեղ երգչուհին 80-րդն է։ 2015 թվականին հրատարակված նրա «Sounds Like Me: My Life (So Far) in Song» հուշագրությունները եղել են բեսթսելլերներ (Նյու Յորք Թայմսի մեմուարների վարկանիշում 13-րդն է)։ Սառա Բարելիսը «Մատուցողուհին» մյուզիքլի խոսքերի և երաժշտության հեղինակն է։ Այդ աշխատանքի համար նա 2016 թվականին ստացել է «Թոնի» մրցանակ` որպես «Լավագույն օրիգինալ սաունդթրեք»։
Սառա Բարելիս | |
---|---|
Բնօրինակ անուն | անգլ.՝ Sara Bareilles |
Ի ծնե անուն | անգլ.՝ Sara Beth Bareilles |
Ծնվել է | դեկտեմբերի 7, 1979 (44 տարեկան) Յուրիկա, Կալիֆոռնիա, ԱՄՆ |
Երկիր | ԱՄՆ |
Ժանրեր | սոֆթ ռոք և մյուզիքլ |
Մասնագիտություն | երգչուհի, դաշնակահարուհի, հեղինակ-կատարող, կոմպոզիտոր, երգերի հեղինակ, դերասանուհի և ստուդիական երաժիշտ |
Երգչաձայն | կոնտրալտո |
Գործիքներ | դաշնամուր, կիթառ և վոկալ |
Լեյբլ | Sony Music |
Կրթություն | Լոս Անջելեսի կալիֆոռնյան համալսարան և Eureka High School? |
Կայք | sarabmusic.com |
Ստորագրություն | |
Sara Bareilles Վիքիպահեստում |
Սառա Բեթ Բարելիսը ծնվել է 1979 թվականի դեկտեմբերի 7-ին Կալիֆոռնիա նահանգի Յուրիկա քաղաքում` թաղման բյուրոյի աշխատակցուհի Բոննի Հալվորսենի (ծննդյամբ` Կապելլաս (Bonnie Halvorsen (née Capellas)) և ապահովագրական վնասների գնահատող Փոլ Բարելիսի (Paul Bareilles) ընտանիքում։ Սառա Բարելիսն ունի երկու հարազատ և մեկ խորթ քույր։ Սառա Բարելիսն ունի իտալական, անգլիական, գերմանական, պորտուգալական և ֆրանսիական տոհմաբանական արմատներ։ Նա մոտ մեկ տարի բնակվել է Իտալիայում և խոսել իտալերեն։ Սառան մեծացել է կաթոլիկ ընտանիքում։ Դպրոցում մասնակցել է թատերական ներկայացումների, այդ թվում` «Little Shop of Horrors» ներկայացման մեջ, որտեղ խաղացել է Օդրիի դերը։ Երգել է դպրոցի երգչախմբում։
Ավագ դպրոցն ավարտելուց հետո 1998 թվականին Սառան ընդունվել է Լոս Անջելեսի կալիֆոռնյան համալսարանի հաղորդակցման ֆակուլտետ։ Համալսարանում անդամակցել է ուսանողական «Awaken a Cappella» ա կապելլա խմբին։ Այդ խմբի «Dysfunktional Family» ալբոմում թողարկվել է հետագայում հայտնի դարձած «Gravity» երգը։ «Gravity» երգը ներառվել է CD-ով թողարկված «Best of College a Cappella 2004» համալսարանական ժողովածուում։ Սառան դեռ պատանի ժամանակից ծանոթ է Maroon 5 խմբի անդամների հետ, որն այդ ժամանակ Կալիֆոռնիայում հայտնի էր Kara’s Flowers անվամբ։ Ուսանողական տարիներին Սառան մասնակցել է ամենամյա անցկացվող «UCLA Spring Sing» երաժշտական ուսանողական մրցույթին և երկու անգամ հաղթանակ տարել։ Սառան ինքնուրույն, առանց մանկավարժի օգնության, սովորել է նվագել դաշնամուր և այդ ոլորտում հասել շատ հաջողությունների։
2004 թվականին Սառան իր խմբի հետ թողարկել է «Careful Confessions» առաջին ալբոմը։ 2007 թվականի հուլիսին թողարկվել է լիրիկական թեմատիկայով ստուդիական երկրորդ ալբոմը, որը կոչվում էր «Little Voice»: Նույն տարվա դեկտեմբերին այդ ալբոմից «Love Song» սինգլը «Billboard Pop 100» հիթ-շքերթում հասել է առաջին հորիզոնական, իսկ «Billboard Hot 100» հիթ-շքերթում` չորրորդ հորիզոնական։ Երգը նաև առաջադրվել է «Գրեմմի» մրցանակի` որպես «Տարվա լավագույն երգ»։ 2011 թվականին ներկայացել է ամերիկյան «Sing Off» շոուի ժյուրիի կազմում, որի ընթացքում ելույթ է ունեցել հայտնի Pentatonix ակապելլա-խումբը։
Ալբոմ | Նկարագիր | Բարձրագույն դիրք | Հավաստագրումներ | |||||||||||
---|---|---|---|---|---|---|---|---|---|---|---|---|---|---|
US | AUS | AUT | CAN | FRA | GER | NL | NZ | SWI | UK | |||||
«Careful Confessions» |
| - | - | - | - | - | - | - | - | - | - | |||
«Little Voice» |
| 7 | 49 | 46 | - | 87 | 52 | 31 | 26 | 34 | 9 |
| ||
Kaleidoscope Heart |
| 1 | - | - | 13 | - | - | - | - | 97 | 138 | |||
«-» նշանակում է, որ չի հայտնվել հիթ-շքերթում կամ չի թողարկվել տվյալ երկրում |
2013 թվական` «The Blessed Unrest» ալբոմ
Անվանում | Տարի | Բարձրագույն դիրք | Հավաստագրումներ | Ալբոմ | ||||||||||
---|---|---|---|---|---|---|---|---|---|---|---|---|---|---|
US | US Adult | US Pop | AUS | CAN | GER | NL | NZ | SWI | UK | |||||
«Love Song» | 2007 | 4 | 1 | 1 | 4 | 1 | 13 | 5 | 7 | 16 | 4 | Little Voice | ||
«Bottle It Up» | 2008 | 107 | 15 | 31 | - | - | - | 33 | - | - | - | |||
«Gravity» | 2009 | - | - | - | - | - | - | - | - | - | - | |||
«King of Anything» | 2010 | 32 | 4 | 19 | - | 94 | - | 21 | 38 | - | - |
| Kaleidoscope Heart | |
«Uncharted» | 2011 | 116 | 13 | - | - | - | - | 44 | - | - | - | |||
«Gonna Get Over You» | - | 27 | - | - | - | - | - | - | - | - | ||||
«Love Is Christmas» | - | - | - | - | - | - | - | - | - | - | Ալբոմից դուրս սինգլ | |||
«-» նշանակում է, որ թողարկումը չի հայտնվել հիթ-շքերթներում |
Անվանում | Տարի | Բարձրագույն դիրք | Ալբոմ | |||||||||||
---|---|---|---|---|---|---|---|---|---|---|---|---|---|---|
US | CAN | IRL | ||||||||||||
«Winter Song» (Ingrid Michaelson featuring Sara Bareilles) | 2008 | - | 97 | 2 | The Hotel Café Presents Winter Songs | |||||||||
«Come Home» (OneRepublic featuring Sara Bareilles) | 2009 | 80 | - | - | Dreaming Out Loud | |||||||||
«Barcelona» (Jay Nash featuring Sara Bareilles) | 2011 | - | - | Things You Think You Need | ||||||||||
«Summer Is Over» (Jon Mclaughlin featuring Sara Bareilles) | 2012 | - | - | Forever If Ever | ||||||||||
«Come Back Down» (Greg Laswell featuring Sara Bareilles) | 2012 | - | - | Landline | ||||||||||
«-» նշանակում է, որ թողարկումը չի հայտնվել հիթ-շքերթում |
Վիքիպահեստն ունի նյութեր, որոնք վերաբերում են «Սառա Բարելիս» հոդվածին։ |
This article uses material from the Wikipedia Հայերեն article Սառա Բարելիս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.