Սալլի Ֆիլդ: ամերիկացի դերասանուհի

Սալլի Ֆիլդ անգլ.՝ Sally Field
Ծնվել է	նոյեմբերի 6, 1946(1946-11-06)[…] (77 տարեկան)
Ծննդավայր	Փասադենա, Լոս Անջելես շրջան, Կալիֆոռնիա, ԱՄՆ
Կրթություն	Լի Ստրասբերգի թատրոնի և կինոյի ինստիտուտ և Birmingham High School?
Քաղաքացիություն	ԱՄՆ
Մասնագիտություն	դերասանուհի, կինոռեժիսոր, երգչուհի, ձայնային դերասանուհի, հեռուստատեսային դերասանուհի, կինոդերասանուհի, սցենարիստ, կինոպրոդյուսեր և թատրոնի դերասանուհի
Ծնողներ	հայր՝ Richard Dryden Field?, մայր՝ Margaret Field?
Երեխա(ներ)	Փիթեր Քրեյգ և Eli Craig?
Պարգևներ և մրցանակներ	Քրիստալ մրցանակ Ամերիկայի արվեստների և գիտությունների ակադեմիայի անդամ Փրայմթայմ Էմի մրցանակ՝ դրամատիկ հեռուստասերիալներում կնոջ լավագույն դերի համար «Էմմի» մրցանակ դրամատիկական հեռուստասերյալներում հրավիրված ամենալավ դերասանուհի կատեգորիայում Հոլիվուդյան փառքի ծառուղու աստղ և Hasty Pudding Woman of the Year?

Խաղացել է 60-ից ավելի ֆիլմերում, ստացել է 2 Օսկար լավագույն դերասանուհի անվանակարգում, 2 Ոսկե Գլոբուս և 3 Էմմի։

Սալլի Մարգարետ Ֆիլդը ծնվել է 1946 թվականին բանակի սպա Ռիչարդ Դրայդենի և դերասանուհի Մարգարետ Ֆիլդի ընտանիքում։ Նրանք ամուսնալուծվել են 1950 թվականին, որից հետո մայրը՝ Մարգարետը, ամուսնացել է դերասան և կասկադյոր Ջոն Մահոնիի հետ։

Սալլի Ֆիլդը ավարտել է Լոս Անջելեսի տարածաշրջանի Պորտոլի դպրոցը, ապա սովորել Բիմինգհեմի միջնակարգ դպրոցում։ Ավելի ուշ ավարտել է Լի Ստրասբերգի դերասանական ստուդիան։

Ֆիլդը սկսել է իր կարիերան 16 տարեկանում, հանդես գալով հեռուստատեսային նախագծերում, որոնցից են «Ջիջեթ» (1965 - 1966) և «Թռչող միանձնուհին» (1967 - 1970)։ Առաջին լուրջ հաջողությունը ունենում է 1976 թվականին հեռուստատեսային «Սիբիլ» հոգեբանական դրամայում խաղալով գլխավոր հերոսուհու դերը, որի համար արժանանում է Էմմի մրցանակի, իսկ մեկ տարի անց առաջադրվում է Ոսկե Գլոբուսի «Սմոկին և ավազակը» ֆիլմի համար։

Նրա ամենանշանավոր դերերից մեկը դառնում է 1979 թվականին նկարահանված «Նորմա Ռեյ» ֆիլմը, որի համար նա ստանում է մի շարք մրցանակներ, այդ թվում Օսկար, Ոսկե Գլոբուս, Կաննի կինոփառատոնի մրցանակ և այլն։ Կինոյում նա խաղում է տարբեր ժանրի ֆիլմերում, դրամա, կատակերգություն և այլն։ 1984 թվականին նկարահանված «Տեղ սրտի մեջ» դրամայում մարմնավորած դերի համար ստանում է իր 2-րդ Օսկարը։ 1980-90 ական թթ. մյուս նշանավոր ֆիլմերից են «Մերֆիի սերը», «Պողպատե մագնոլիաներ», «Ոչ առանց իմ դստեր», «Միսիս Դաութֆայթեր», «Ֆորեսթ Գամփ» և այլն։

Սկսած 1990-ական թթ. կեսից Ֆիլդը սկսում է քիչ նկարահանվել և զբաղվում է ռեժիսորական և պրոդյուսերական գործունեությամբ։ 3 ֆիլմի ռեժիսոր է, 5-ից ավելի ֆիլմերի պրոդյուսեր։

2000-ական թթ. սկսած նկարահանվում է սերիալներում, որոնցից են «Շտապ օգնություն», «Եղբայրներ և քույրեր», որոնց համար ստացել է Էմմի մրցանակ։

Սալլի ֆիլդը 2 անգամ ամուսնացած է եղել։ Նրա առաջին ամուսինը Սթիվեն Քրեյգն էր, ումից ունեցել է 2 երեխա, Պիտեր Քրեյգ (ծն. 10.11.1969 թ., գրող է մասնագիտությամբ) և Էլի Քրյեգ (ծն. 25.05.1972, ռեժիսոր և դերասանուհի)։ Նրանք ամուսնալուծվել են 1975 թվականին, որից հետո նա սիրավեպ է ունենում դերասան Բերտ Ռեյնոլդսի հետ, ում հետ նա հանդես է գալիս մի քանի ֆիլմերում։

1984 թվականին երկրորդ անգամ ամուսնանում է պրոդյուսեր Ալան Գրիսմանի հետ, նրանք ունեցել են մեկ որդի՝ Սեմյուել (ծն. 02.12.1987 թ.)։ 1988 թվականի հոկտեմբերի 29-ին նա իր ընտանքի հետ վթարի է ենթարկվում ինքնաթիռում։ Վթարի հետևանքով ոչ ոք չի մահանում, ուղևորներից մի քանիսը ստանում են վնասվածքներ։ Ֆիլդն ու Գրիսմանը բաժանվեցին 1993 թվականին։

Մոտ քսան տարի դերասանուհին մենակ է ապրում, սակայն իր խոսքերով իրեն այդ կյանքը դուր է գալիս։

Սալլի Ֆիլդը ընկերական հարաբերությունների մեջ է Հոլիվուդյան դերասանուհիներ Գոլդի Հոունի և Ջեյն Ֆոնդայի հետ։

Նկարահանվել է ընդհանուր թվով 50-ից ավելի ֆիլմերում, դրանցից նշանավորներն են.

•  
  Թելլի Սավալասի հետ, 1971 թ.
•  
  Ջոն Դևիդսոնի հետ, 1973 թ.
•  
  Օսկարի 62-րդ մրցանակաբաշխության ժամանակ, 2006 թ. լուսանկար