Ռուի Կոշտա: պորտուգալացի ֆուտբոլիստ
Ռուի Մանուել Սեզար Կոշտա (պորտ.՝ Rui Manuel César Costa, մարտի 29, 1972(1972-03-29), Amadora, Լիսաբոն, Պորտուգալիա), պորտուգալացի նախկին ֆուտբոլիստ, հանդես է եկել կիսապաշտպանի դիրքում։ Ներկայումս «Բենֆիկա» ֆուտբոլային ակումբի նախագահն է։
 պորտ.՝ Rui Costa | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
_-_Rui_Costa.jpg) | ||||||||||||||||||
| Անձնական տվյալներ | ||||||||||||||||||
| Ամբողջական անուն | Ռուի Մանուել Սեզար Կոշտա | |||||||||||||||||
| Քաղաքացիությունը |  Պորտուգալիա | |||||||||||||||||
| Ծննդյան ամսաթիվ | մարտի 29, 1972 (52 տարեկան) | |||||||||||||||||
| Ծննդավայր | Amadora, Լիսաբոն, Պորտուգալիա | |||||||||||||||||
| Հասակ | 180 սանտիմետր | |||||||||||||||||
| Քաշ | 74 կիլոգրամ | |||||||||||||||||
| Դիրք | կիսապաշտպան | |||||||||||||||||
| Պատանեկան կարիերա | ||||||||||||||||||
| ||||||||||||||||||
| Մասնագիտական կարիերա* | ||||||||||||||||||
| Տարի | Ակումբ | Խաղ | (Գոլ) | |||||||||||||||
| ||||||||||||||||||
| Ազգային հավաքական | ||||||||||||||||||
| ||||||||||||||||||
| | ||||||||||||||||||
Պարգևներ | ||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | ||||||||||||||||||
Համարվում է համաշխարհային ֆուտբոլի լավագույն կիսապաշտպաններից մեկը ինչպես նաև Պորտուգալիայի բոլոր ժամանակների լավագույն խաղացողներից մեկը։ Կոշտան հիմնականում խաղացել է հարձակվողական ոճի կիսապաշտպանի դիրքում և հատկապես աչքի է ընկել իր հիանալի տեխնիկայով, խաղային և գոլ խփելու ունակություններով։ Պելեն նրան համարել է 125 լավագույն ֆուտբոլիստներից մեկը։
Կոշտան իր կարիերայի մեծ մասը անցկացրել է Պորտուգալիայում (հանդես է եկել «Բենֆիկայի» կազմում) և Իտալիայում (հանդես է եկել «Ֆիորենտինայի» և «Միլանի» կազմում), հայտնի է «Մաեստրո» մականունով։ Իր կարիերայի 17 տարիների ընթացքում նվաճել է մի շարք գավաթներ։
Պորտուգալիայի ազգային հավաքականի կազմում մասնակցել է 94 հանդիպման՝ խփելով 26 գոլ։ Հավաքականի հետ մասնակցել է 3 Եվրոպայի առաջնությունների (1996, 2000, 2004) և մեկ Աշխարհի առաջնության (2002)։
Ակումբային կարիերա
«Բենֆիկա»
5 տարեկան հասակում Կոշտան համալրել է «Բենֆիկայի» մանկապատանեկան թիմի ճամբարը։ Մարզման 10 րոպեներից հետո Պորտուգալիայի անվանի խաղացող Էյսեբիոն (որը հետևում էր մարզմանը) հիացել է Կոշտայի խաղային ունակություններով։ Ընդհուպ մինչև 1990 թվականը հանդես է եկել «Բենֆիկայի» երիտասարդական թիմում։ Իր առաջին մրցաշրջանում վարձակալական հիմունքներով հանդես է եկել «Ֆաֆի» ակումբի կազմում։
1991 թվականի Աշխարհի երիտասարդական առաջնությունից (որի արդյունքներով Պորտուգալիան չեմպիոն է հռչակվել) հետո վերադարձել է «Բենֆիկա»։ «Բենֆիկայում» իր առաջին ամբողջական մրցաշրջանում պարբերաբար հանդես է եկել թիմի կազմում։ Հաջորդ երկու մրցաշրջաններում նրա դերը թիմի խաղային ասպարեզում որոշիչ է եղել, այդ իսկ պատճառով լիսաբոնյան ակումբը նվաճել է երկու գավաթ։
Բենֆիկայի կազմում անցկացրած վերջին երկու մրցաշրջաններում դարձել է Պորտուգալիայի գավաթակիր և ազգային առաջնության չեմպիոն։ Վերջին 11 տարիների ընթացքում դա «արծիվների» չեմպիոնական վերջին տիտղոսն էր։
«Ֆիորենտինա»
«Բենֆիկայում» անցկացրած երրորդ մրցաշրջանի վերջնամասում իտալական «Ֆիորենտինան» երիտասարդ կիսապաշտպանի համար առաջարկել է 1 200 էսկուդո (մոտավորապես 6 մլն․ եվրո)։ Քանի որ «արծիվները» ֆինանսական ճգնաժամ էին ապրում, Կոշտային այլ բան չէր մնում քան պարզապես հեռանար ակումբից։
Չնայած այդ ժամանակների լավագույն կիսապաշտպանների հետ մրցակցությանը ի դեմս Զինեդին Զիդանի, Կոշտան մի քանի անգամ ճանաչվել է Սերիա A-ի լավագույն 10 համար։ «Ֆիորենտինայից» հեռանալու մասին պարբերաբար շշուկներ են տարածվել, քանի որ նրանով շատ ակումբներ են հետաքրքրվել։ Սակայն «Ֆիորենտինայից» հեռացել է ակումբի ֆինանսական ճգնաժամում հայտնվելուց մեկ մրցաշրջան շուտ։ Ֆլորենցիական ակումբի հետ Կոշտան կրկնակի անգամ արժանացել է Իտալիայի գավաթին ինչպես նաև Իտալիայի սուպերգավաթին։ 2001 թվականի հունիսին «Ֆիորենտինան» համաձայնել է 140 մլրդ․ լիրայի դիմաց «Պարմային» վաճառել Կոշտայի և Ֆրանչեսկո Տոլդոյի տրանսֆերները։ Թե Կոշտան և թե Տոլդոն հրաժարվել են «Պարմա» տեղափոխվել, փոխարենը համալրել էն համապատասխանաբար «Միլանի» և «Ինտերի» շարքերը՝ ընդհանուր տրանսֆերային նույն գումարի դիմաց։
«Միլան»
Ֆատիհ Տերիմը հանդիսանալով «Ֆիորենտինայի» գլխավոր մարզիչը 2001 թվականին թիմից հեռանալուն պես իր հետ «Միլան» է տարել Կոշտային, վերջինիս տրանսֆերը արժեցել է 85 մլրդ․ լիրա։ Այդպիսով Կոշտայի տրանսֆերը ամենաթանկն է դարձել «Միլանի» ողջ պատմության մեջ։
2001 թվականի սեպտեմբերի 27-ին Կոշտան իր անդրանիկ գոլն է խփել «Միլանի» կազմում Եվրոպայի լիգայի շրջանակում բելառուսական «ԲԱՏԷ»-ի դեմ կայացած հանդիպման ժամանակ (4։ 0)։ Կոշտան նաև աչքի է ընկել «ԲԿՄԱ Սոֆիայի» (պատասխան հանդիպում) և «Հապոելի» (քառորդ եզրափակիչ) դեմ հաղթական հանդիպումներում՝ իր խփած գոլերով։
Մայիսյան եզրափակիչ խաղերի շրջանակում «Ռոմայի» դեմ հանդիպման ժամանակ խաղացել է ընդհամենը 30 րոպե քանի որ բրազիլացիներ Ռիվալդոն և Սերժինյոն հանդես էին գալիս հարձակման գծում։ 2003 թվականին Չեմպիոնների լիգայի շրջանակում «Յուվենտուսի» դեմ եզրափակիչ հանդիպման հիմնական ժամանակի վերջնամասում ստացած վնասվածքի պատճառով փոխարինվել է, իսկ «ռոսոներիները» հետխաղյա 11-մետրանոցների արդյունքում տիրացել են բաղձալի գավաթին։ Նաև մասնակցել է սույն թվականի օգոստոսի 29-ին ՈւԵՖԱ Սուպեր գավաթի շրջանակում «Պորտույի» դեմ կայացած հաղթական (1։ 0) հանդիպմանը։
2003-2004 թվականներին բրազիլացի Կակայի «Միլան» տեղափոխվելուն պես Կոշտայի խաղային ժամանակը սահմանափակվել է։
Վերադարձ «Բենֆիկա»
2006 թվականի մայիսի 25-ին կայացած մամուլի ասուլիսում հայտարարվել Կոշտայի «Բենֆիկա» վերադառնալու մասին։ Կոշտան «Միլանը» լքել է երկկողմանի համաձայնությամբ պայմանագիրը խզելուց հետո։ Կոշտան իր հերթին հրաժարվել է իր «Միլանի» հետ կնքած տարեկան պայմանագրից՝ այն բանից հետո ինչ Կոշտան տարեց տարի «երազում էր» Բենֆիկա վերադառնալու մասին։ 2006 թվականի օգոստոսին Չեմպիոնների լիգայի որակավորման 3-րդ փուլի շրջանակում վիեննական Աուստրիայի դեմ (1։ 1) կայացած հանդիպման ժամանակ դաշտ է դուրս եկել մեկնարկային կազմում։ «Էշտադիու դա Լուշ» մարզադաշտում կայացած պատասխան հանդիպման 21-րդ րոպեին Կոշտան գրավել է մրցակցի դարպասը։ Հանդիպման արդյունքում Բենֆիկան 3։ 0 հաշվով հաղթանակ է տոնել և պայքարը շարունակել է Չեմպիոնների լիգայի խմբային փուլում։
Մրցաշրջանի սկսելուց հետո Կոշտան լուրջ վնասվածք է ստացել ինչի պատճառով շարքից դուրս է մնացել 3 ամիս։ Խաղադաշտ է վերադարձել 2007 թվականին՝ Պորտուգալիայի գավաթի չորրորդ փուլի շրջանակում «Օլիվեյրա-դու-Բայրուի» դեմ հանդիպման ժամանակ։ Վերադառնալուց հետո համարվել է Ֆերնանդու Սանտուշի գլխավորած «Բենֆիկայի» մեկնարկային կազմի հիմնական խաղացող։ Առաջին մրցաշրջանի արդյունքներով «Բենֆիկան» մրցաշարային աղյուսակում առջևում է թողել «Պորտույին» և «Սպորտինգին»։ Այլ մրցաշարերում ցույց տված արդյունքները նույնպես գոհացնող չեին․ ակումբը 1/8 եզրափակիչ հանդիպման արդյունքով զրկվել է ազգային գավաթի հետագա պայքարից բացի այդ նաև դուրս է մնացել Եվրոպայի լիգայից՝ քառորդ եզրափակիչ դիմակայությունում զիջելով իսպանական «Էսպանյոլին»։
Նախքան 2007/2008 մրցաշրջանի սկիզբը Կոշտան հայտարարել է որ վերոնշյալ մրցաշրջանը վերջինն է լինելու իր պրոֆեսիոնալ կարիերայի մեջ։ 2007/2008 մրցաշրջանից առաջ հեռացվել է թիմի գլխավոր մարզիչ Ֆերնանդու Սանտուշը, վերջինիս փոխարինելու է եկել Խոսե Անտոնիո Կամաչոն, որի գլխավորությամբ Կոշտան մնացել է մեկնարկային կազմի խաղացող։ Կոշտան որոշիչ դեր է ունեցել թիմի՝ Չեմպիոնների լիգայի խմբային փուլ դուրս գալու գործընթացում։ Որակավորման փուլի շրջանակում «Կոպենհագենի» դեմ կայացած հանդիպման ժամանակ երկու անգամ գրավել է մրցակցի դարպասը։ Կոշտան որոշիչ դեր է ունեցել նաև դանիական ակումբի դեմ պատասխան հանդիպման ժանանակ, որտեղ «Բենֆիկան» նվազագույն 1։ 0 հաշվով հաղթանակ է տարել և ապահովել է իր երրորդ անընդմեջ ներկայությունը խմբային փուլում։
2007 թվականի սեպտեմբերին «Բենֆիկա» վերադառնալուց հետո առաջնությունում հեղինակել է իր առաջին գոլը «Նասիոնալի» դեմ կայացած հանդիպման ժամանակ։ Հաջող մրցելույթների շնորհիվ 2007 թվականի սեպտեմբերին ճանաչվել է «ամսվա խաղացող»։ Չեմպիոնների լիգայի խմբային փուլի շրջանակում «Բենֆիկան» մրցել է Կոշտայի նախկին ակումբ «Միլանի» դեմ։ «Սան Սիրոյում» կայացած առաջին խաղում պորտուգալական ակումբը 2։ 1 հաշվով հաղթանակ է տարել տանտերերի նկատմամբ։ Էշտադիու դա Լուշ մարզադաշտում կայացած պատասխան հանդիպումը ավարտվել է 1։ 1 հաշվով։ Խմբային փուլի արդյունքներով «Բենֆիկան» զբաղեցրել է երրորդ հորիզոնականը (առջևում թողնելով «Միլանին» և «Սելտիկին»)՝ պայքարը շարունակելով Եվրոպայի լիգայի փլեյ օֆֆ փուլում։
Առաջնության արդյունքներով «Բենֆիկային» չի հաջողվել գրավել երրորդ հորիզոնականը, որը բաժին է հասել առաջնության նորեկ «Վիտորիային»։ Բենֆիկա նաև դուրս է մնացել Եվրոպայի լիգայից՝ 1/8 երփակչում զիջելով իսպանական «Խետաֆեին»։
Իր վերջին հանդիպումը Կոշտան խաղացել է 2008 թվականի մայիսի 11-ին «Էշտադիու դա Լուշ» մարզադաշում «Վիտորայի» դեմ հանդիպման ժամանակ։
Միջազգային կարիերա
1991 թվականի ամռանը Կոշտայի մրցելույթները «Ֆաֆեում» այնքան են տպավորել Պորտուգալիայի երիտասարդական հավաքականի գլխավոր մազիչ Կարլուշ Կեյրուշին, որ վերջինս Կոշտային հրավիրել է երիտասարդական հավաքական՝ երիտասարդական Աշխարհի առաջնությանը մասնակցելու նպատակով (մրցաշարի արդյունքներով պորտուգալացիները չեմպիոն են հռչակվել)։ Կոշտայի որոշիչ 11-մետրանոցը Բրազիլիայի հավաքականի դեմ եզրփակիչ հանդիպման ժամանակ օգնել է թիմին տիրանալ բաղձալի գավաթին։
Կոշտան համարվում է Պորտուգալիայի հավաքականի ամենակայուն խաղացողներից մեկը։ Թիմը հասել է մինչև Եվրո 1996-ի քառորդ եզրափակիչ, Եվրո 2000-ի կիսաեզրափակիչ և Եվրո 2004-ի եզրափակիչ։
Կոշտան որոշիչ դեր է ունեցել հատկապես Եվրո 2004-ի քառորդ եզրափակչի շրջանակում Անգլիայի դեմ դիմակայության ժամանակ՝ լրացուցիչ ժամանակում գրավելով մրցակցի դարպասը։
Կոշտան նաև մասնակցել է 2002 թվականին Ճապոնիայում և Կորեայում կայացած Աշխարհի առաջնությանը։ Այդ մրցաշարի շրջանակում էլ Կոշտան ստացել է իր կարիերայի միակ կարմիր քարտը՝ Գերմանիայի դեմ հանդիպման ժամանակ։
Չնայած նրան որ Կոշտան հիմնականում փոխանցումներ էր մատակարարում, նա անցկացրած 94 հանդիպումներում դարձել է 26 գոլի հեղինակ։ Կոշտան Պորտուգալիայի հավաքականում անցկացրած հանդիպումների քանակով 8-րդն է իսկ արդյունավետությամբ՝ 7-րդը։
Վիճակագրություն
Ակումբային
| Ակումբ | Մրցաշրջան | Առաջնություն | Գավաթներ | Եվրոգավաթներ | Այլ | Ընդհամենը | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Ֆաֆի (վարձակալություն) | 1990/91 | Սեգունդա | 38 | 6 | 0 | 0 | — | — | 38 | 6 | ||
| Բենֆիկա | 1991/92 | Սուպերլիգա | 21 | 4 | 3 | 0 | 7 | 0 | 1 | 0 | 32 | 4 |
| 1992/93 | 23 | 4 | 4 | 1 | 4 | 0 | 1 | 0 | 32 | 5 | ||
| 1993/94 | 34 | 5 | 3 | 1 | 8 | 4 | 2 | 0 | 47 | 10 | ||
| Ընդհանուր | 78 | 13 | 10 | 2 | 19 | 4 | 4 | 0 | 111 | 19 | ||
| Ֆիորենտինա | 1994/95 | Սերիա A | 31 | 9 | 4 | 0 | — | — | 35 | 9 | ||
| 1995/96 | 34 | 4 | 7 | 2 | — | — | 41 | 6 | ||||
| 1996/97 | 28 | 2 | 1 | 0 | 8 | 0 | 1 | 0 | 38 | 2 | ||
| 1997/98 | 32 | 3 | 5 | 2 | — | — | 37 | 5 | ||||
| 1998/99 | 31 | 10 | 7 | 4 | 1 | 0 | — | 39 | 14 | |||
| 1999/2000 | 30 | 4 | 4 | 0 | 14 | 2 | — | 48 | 6 | |||
| 2000/01 | 29 | 6 | 7 | 2 | 2 | 0 | — | 38 | 8 | |||
| Ընդհանուր | 215 | 38 | 35 | 10 | 25 | 2 | 1 | 0 | 276 | 50 | ||
| Միլան | 2001/02 | Սերիա A | 22 | 0 | 1 | 0 | 10 | 3 | — | 33 | 3 | |
| 2002/03 | 25 | 0 | 5 | 1 | 18 | 0 | — | 48 | 1 | |||
| 2003/04 | 28 | 3 | 4 | 0 | 6 | 0 | 3 | 0 | 41 | 3 | ||
| 2004/05 | 24 | 1 | 4 | 0 | 9 | 0 | 1 | 0 | 38 | 1 | ||
| 2005/06 | 25 | 0 | 3 | 3 | 4 | 0 | — | 32 | 3 | |||
| Ընդհանուր | 124 | 4 | 17 | 4 | 47 | 3 | 4 | 0 | 192 | 11 | ||
| Բենֆիկա | 2006/07 | Սուպերլիգա | 14 | 0 | 3 | 0 | 5 | 1 | — | 22 | 1 | |
| 2007/08 | 29 | 5 | 4 | 3 | 12 | 2 | 0 | 0 | 45 | 10 | ||
| Ընդհանուր | 43 | 5 | 7 | 3 | 17 | 3 | 0 | 0 | 67 | 11 | ||
| Ակումբային կարիերայի ընթացքում | 498 | 66 | 69 | 19 | 108 | 12 | 9 | 0 | 684 | 97 | ||
Միջազգային
| Հավաքական | Տարի | Հանդիպում | Գոլեր |
|---|---|---|---|
| Պորտուգալիա | 1993 | 7 | 2 |
| 1994 | 5 | 1 | |
| 1995 | 7 | 3 | |
| 1996 | 11 | 2 | |
| 1997 | 4 | 0 | |
| 1998 | 5 | 3 | |
| 1999 | 9 | 6 | |
| 2000 | 13 | 3 | |
| 2001 | 6 | 0 | |
| 2002 | 7 | 2 | |
| 2003 | 11 | 1 | |
| 2004 | 9 | 3 | |
| Ընդհանուր | 94 | 26 | |
| № | Ամսաթիվ | Անցկացման վայր | Մրցակից | Հաշիվ | Արդյունք | Մրցաշար |
|---|---|---|---|---|---|---|
| 1 | 1993 թվականի հունիսի 19 | Պորտուգալիա |  Մալթա | 2–0 | 4–0 | ԱԱ 1994 (որակավորման փուլ) |
| 2 | 1993 թվականի սեպտեմբերի 5 |  Էստոնիա | Էստոնիա | 1–0 | 2–0 | ԱԱ 1994 (որակավորման փուլ) |
| 3 | 1994 թվականի սեպտեմբերի 7 | .svg) Հյուսիսային Իռլանդիա | Հյուսիսային Իռլանդիա | 1–0 | 2–1 | Եվրո 1996 (որակավորման փուլ) |
| 4 | 1995 թվականի օգոստոսի 15 |  Լիխտենշտայն | Լիխտենշտայն | 3–0 | 7–0 | Եվրո 1996 (որակավորման փուլ) |
| 5 | 6–0 | |||||
| 6 | 1995 թվականի սեպտեմբերի 15 | Պորտուգալիա |  Իռլանդիա | 1–0 | 3–0 | Եվրո 1996 (որակավորման փուլ) |
| 7 | 1996 թվականի հունվարի 24 |  Ֆրանսիա | Ֆրանսիա | 2–1 | 2–3 | Ընկերական հանդիպում |
| 8 | 1996 թվականի հոկտեմբերի 9 |  Ալբանիա | Ալբանիա | 3–0 | 3–0 | ԱԱ 1998 (որակավորման փուլ) |
| 9 | 1998 թվականի օգոստոսի 19 | Պորտուգալիա |  Մոզամբիկ | 1–0 | 2–1 | Ընկերական հանդիպում |
| 10 | 2–0 | |||||
| 11 | 1998 թվականի սեպտեմբերի 6 |  Հունգարիա | Հունգարիա | 3–1 | 3–1 | Եվրո 2000 (որակավորման փուլ) |
| 12 | 1999 թվականի մարտի 31 | Լիխտենշտայն | Լիխտենշտայն | 1–0 | 5–0 | Եվրո 2000 (որակավորման փուլ) |
| 13 | 5–0 | |||||
| 14 | 1999 թվականի հունիսի 9 | Պորտուգալիա | Լիխտենշտայն | 7–0 | 8–0 | Եվրո 2000 (որակավորման փուլ) |
| 15 | 8–0 | |||||
| 16 | 1999 թվականի օգոստոսի 18 | Պորտուգալիա |  Անդորա | 1–0 | 4–0 | Ընկերական հանդիպում |
| 17 | 1999 թվականի հոկտեմբերի 9 | Պորտուգալիա | Հունգարիա | 1–0 | 3–0 | Եվրո 2000 (որակավորման փուլ) |
| 18 | 2000 թվականի մարտի 29 | Պորտուգալիա |  Դանիա | 1–1 | 2–1 | Ընկերական հանդիպում |
| 19 | 2000 թվականի օգոստոսի 16 | Պորտուգալիա |  Լիտվա | 3–1 | 5–1 | Ընկերական հանդիպում |
| 20 | 2000 թվականի սեպտեմբերի 3 | Էստոնիա | Էստոնիա | 1–0 | 3–1 | ԱԱ 2002 (որակավորման փուլ) |
| 21 | 2002 թվականի հունիսի 10 |  Հարավային Կորեա |  Լեհաստան | 4–0 | 4–0 | ԱԱ 2002 |
| 22 | 2002 թվականի հոկտեմբերի 16 |  Շվեդիա | Շվեդիա | 3–2 | 3–2 | Ընկերական հանդիպում |
| 23 | 2003 թվականի հոկտեմբերի 11 | Պորտուգալիա | Ալբանիա | 3–2 | 5–3 | Ընկերական հանդիպում |
| 24 | 2004 թվականի մայիսի 29 | Պորտուգալիա |  Լյուքսեմբուրգ | 3–0 | 3–0 | Ընկերական հանդիպում |
| 25 | 2004 թվականի հունիսի 16 | Պորտուգալիա |  Ռուսաստան | 2–0 | 2–0 | Եվրո 2004 |
| 26 | 2004 թվականի հունիսի 24 | Պորտուգալիա |  Անգլիա | 2–1 | 2–2 | Եվրո 2004 |
Նվաճումներ
Թիմային
«Բենֆիկա»
- Պորտուգալիայի չեմպիոն․ 1993/94
- Պորտուգալիայի գավաթակիր․ 1992/93
«Ֆիորենտինա»
- Իտալիայի գավաթակիր․ 1995/96, 2000/01
- Իտալիայի սուպերգավաթակիր․ 1996
«Միլան»
- Իտալիայի չեմպիոն․ 2003/04
- Իտալիայի գավաթակիր․ 2002/03
- Իտալիայի սուպերգավաթակիր․ 2004
- Չեմպիոնների լիգայի գավաթակիր․ 2002/03
- ՈւԵՖԱ սուպեր գավաթակիր․ 2003
- Չեմպիոնների լիգայի եզրափակչի մասնակից․ 2004/05
Պորտուգալիայի հավաքական
- Երիտասարդական Աշխարհի առաջնության չեմպիոն․ 1991
- Եվրոպայի առաջնության բրոնզե մեդալակիր․ 2000
- Եվրոպայի փոխչեմպիոն․ 2004
Անձնական
- Չեմպիոնների լիգայի լավագույն ասսիստենտ․ 2002/2003
- Ընդգրկվել է ՖԻՖԱ 100 ցանկում
- ՈւԵՖԱ-ի վարկածով ընդգրկվել է Եվրոպայի առաջնության խորհրդանշական հավաքականում (2)․ 1996, 2000
- Արժանացել է «Արքայազն դոն Էնրիկեի» շքանշանին
- «Ֆիորենտինայի» փառքի դահլիճի անդամ
- «Միլանի» փառքի դահլիճի անդամ
Ծանոթագրություններ
Արտաքին հղումներ
- Solocalcio-ին տված հարցազրույցը(չաշխատող հղում) (անգլ.)
 | Վիքիպահեստն ունի նյութեր, որոնք վերաբերում են «Ռուի Կոշտա» հոդվածին։ |
This article uses material from the Wikipedia Հայերեն article Ռուի Կոշտա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.