Ռոբերտ Աուման (անգլ.՝ Yisrael Robert John Aumann, եբրայերեն՝ ישראל אומן, հունիսի 8, 1930(1930-06-08), Ֆրանկֆուրտ, Գերմանիա), հրեա ականավոր մաթեմատիկոս, Երուսաղեմի Հրեական համալսարանի պրոֆեսոր, Նոբելյան մրցանակի դափնեկիր՝ խաղերի տեսության վերլուծության միջոցով կոնֆլիկտի և համագործակցության էության ընկալման խորացման համար (2005)։
Ծնվել է Գերմանիայում, սակայն ընտանիքն ստիպված է եղել գաղթել ԱՄՆ։ Մեծացել է Նյու Յորք քաղաքում, ավարտել տեղի Սիթի քոլեջը և Մասաչուսեթսի տեխնոլոգիական ինստիտուտը, որտեղ պաշտպանել է դոկտորական թեզ մաթեմատիկայից։
1956 թ. հայրենադարձվեց Իսրայել և բնակություն հաստատեց Երուսաղեմում։ Մինչև թոշակի անցնելը Հրեական համալսարանի ռացիոնալ հետազոտությունների կենտրոնում պրոֆեսոր էր։ 1983 թ. պարգևատրվել է Խարվիի մրցանակով։ 1994 թ. Աումանը մեկ այլ պրոֆեսորի՝ Միխայիլ Բրունոյի հետ, պարգևատրվեց Իսրայելի պետական մրցանակով։
1956 թ. ղեկավարել է Խաղերի տեսություն միությունը, իսկ 1990-ական թվականներին եղել է Իսրայելի մաթեմատիկոսների միության նախագահը։ Բացի այդ Եվրոպայի մաթեմատիկական միություն ամսագրի պատասխանատու խմբագիրն էր։ Աումանը մոտ 40 տարի զբաղվել է խաղերի տեսության ուսումնասիրմամբ։
Վիքիպահեստն ունի նյութեր, որոնք վերաբերում են «Ռոբերտ Աուման» հոդվածին։ |
This article uses material from the Wikipedia Հայերեն article Ռոբերտ Աուման, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.