Անտոնիոս Կիրիազիս (հուն․՝ Αντώνιος Κυριαζής, կեղծանունները՝ Ռիգաս Ֆերեոս, Ρήγας Φεραίος, Ռիգաս Վելեստինլիս, Ρήγας Βελεστινλής, Կոնստանդինոս Ռիգաս, մոտ 1757, Velestino - հունիսի 24, 1798(1798-06-24), Բելգրադ, Օսմանյան կայսրություն), հույն հեղափոխական դեմոկրատ, բանաստեղծ։ 1797 թվականին Վիեննայում գաղտնի տպագրել է «Ռումելիայի, Փոքր Ասիայի, Միջերկրական ծովի կղզիների, Վալախիայի և Մոլդավիայի ժողովուրդների համար նոր քաղաքական կառավարում» և «Ռազմական հիմն» գրքույկները, որոնցում զարգացրել է քրիստոնյաների և մուսուլմանների իրավահավասարության, բալկանյան բոլոր ժողովուրդների եղբայրության ու հավասարության գաղափարները, առաջ քաշել Օսմանյան կայսրության դեմ ճնշված ժողովուրդների (այդ թվում նաև հայերի) համատեղ պայքարի և Բալկանյան թերակղզում ու Փոքր Ասիայում Ֆրանս, հանրապետության օրինակով միացյալ դեմոկրատական պետություն («Հունական հանրապետություն») ստեղծելու ծրագիր։ 1796-1797 թվականներին Վիեննայում կազմակերպել է գաղտնի հեղափոխական ընկերություն (Ռիգաս Վելեստինլիսի «հետերիան»)։ 1797 թվականի դեկտեմբերին՝ Հունաստան վերադառնալիս, Տրիեստում Ռիգասին ձերբակալել է ավստրիական ոստիկանությունը և հանձնել թուրք, իշխանություններին։ Մահապատժի է ենթարկվել Բելգրադում։ Հույն ժողովուրդը Ռիգասին մեծարում է որպես Հունաստանի ազգային հերոսի։
Ռիգաս Ֆերայոս հուն․՝ Ρήγας Βελεστινλής | |
---|---|
Ծննդյան անուն | հուն․՝ Ρήγας |
Ծնվել է | մոտ 1757[…] |
Ծննդավայր | Velestino |
Վախճանվել է | հունիսի 24, 1798 |
Վախճանի վայր | Բելգրադ, Օսմանյան կայսրություն |
Մասնագիտություն | դիվանագետ, լրագրող, փիլիսոփա, թարգմանիչ, բանաստեղծ, գրող և քաղաքական գործիչ |
Քաղաքացիություն | Օսմանյան կայսրություն |
Գրական ուղղություններ | Modern Greek Enlightenment? |
Ուշագրավ աշխատանքներ | Thourios? |
Rigas Velestinlis Վիքիպահեստում |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |
Վիքիպահեստն ունի նյութեր, որոնք վերաբերում են «Ռիգաս Ֆերայոս» հոդվածին։ |
This article uses material from the Wikipedia Հայերեն article Ռիգաս Ֆերայոս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.