Ջուլիետա Մազինա: թատրոնի և կինոյի իտալացի դերասանուհի
Ջուլիետա Մազինա (իտալ.՝ Giulietta Masina, իրական անունը` Ջուլյա Աննա Մազինա (Giulia Anna Masina), փետրվարի 22, 1921(1921-02-22), Սան Ջորջո դի Պիանո, Իտալիա - մարտի 23, 1994(1994-03-23), Հռոմ, Իտալիա), թատրոնի և կինոյի իտալացի դերասանուհի։ Արժանացել է Կաննի կինոփառատոնի պարգևին` կանացի լավագույն դերի համար (1957): Իտալիայի ազգային «Դավիդ դի Դոնաթելլո» մրցանակի դափնեկիր (1966):
 իտալ.՝ Giulietta Masina | |
|---|---|
.jpg) | |
| Ծնվել է | փետրվարի 22, 1921 |
| Ծննդավայր | Սան Ջորջո դի Պիանո, Իտալիա |
| Մահացել է | մարտի 23, 1994 (73 տարեկան) |
| Մահվան վայր | Հռոմ, Իտալիա |
| Գերեզման | Fellini tomb |
| Կրթություն | Հռոմի Սապիենզա համալսարան |
| Քաղաքացիություն | _crowned.svg){kind=small} Իտալիայի թագավորություն և .svg){kind=small} Իտալիա |
| Մասնագիտություն | թատրոնի դերասանուհի, կինոդերասանուհի, դերասանուհի, սցենարիստ և հեռուստասցենարիստ |
| Ժանրեր | Իտալական նեոռեալիզմ և հեղինակային կինո |
| Ամուսին(ներ) | Ֆեդերիկո Ֆելինի |
| Պարգևներ և մրցանակներ | |
Կենսագրություն
Ջուլիետա Մազինան ծնվել է Իտալիայի Էմիլիա Ռոմանիա մարզի Սան Ջորջիո դի Պիանո համայնքում։ Նրա հայրը ջութակահար և երաժշտության դասատու էր, իսկ մայրը` դպրոցի ուսուցչուհի։ Ջուլիետան չորս երեխաներից ավագն էր։ Դեռ մանուկ հասակից նա հակվածություն էր դրսևորում թատրոնի, պարերի և երաժշտության հանդեպ։ Դպրոցն ավարտելուց հետո նրան ուղարկել են Հռոմ` բարեկամուհու մոտ, որտեղ նա սովորել է Սուրբ Ուրսուլայի շքանշանի Հռոմեական միության վանական գիմնազիայում։ Չնայած Ջուլիետան ցանկանում էր դաշնակահարուհի դառնալ, այնուամենայնիվ ընդունվել է Հռոմի Լա Սապիենցա համալսարանի բանասիրական ֆակուլտետ և ավարտելուց հետո ստացել ժամանակակից գրականություն դասավանդողի վկայագիր։
Սովորելու տարիներին ուսանողական թատրոնում նա խաղացել է զանազան դերեր, իսկ հետագայում աշխատանքի է անցել ռադիոյում, ելույթներ ունեցել ռադիոհաղորդումներում, որոնց սցենարները գրում էր իտալական կինոյի ապագա ռեժիսոր Ֆեդերիկո Ֆելինին։ Վերջինս այն ժամանակ ամսագրերից մեկում աշխատում էր որպես ծաղրանկարիչ։ Նրա խնդրանքով է դերասանուհին փոխել իր անունը և դարձել Ջուլիետա։
Առաջին անգամ Ջուլիետան կինոյում նկարահանվել է Ալբերտո Լատուադայի «Առանց խղճի» (1947 թ.) կինոնկարում, որտեղ կատարել է մարմնավաճառուհի Մարչելլայի դերը։ Այդ դերակատարման համար արժանացել է «Արծաթե ժապավեն» մրցանակին։ Ջուլիետայի ամենահայտնի ֆիլմերից արժե նշել «Կաբիրիայի գիշերները» (1957 թ.), «Ջուլիետան և հոգիները» (1965 թ.), «Ջինջերն ու Ֆրեդը» (1986 թ.) և այլ կինոնկարներ։ Նրան անվանել են «կիսաշրջազգեստով Չապլին»։
Անձնական կյանք
Ջուլիետա Մազինան 1943 թվականին ամուսնացել է Ֆեդերիկո Ֆելինիի հետ։ 1945 թվականին ծնվել է նրանց որդին, սակայն մեկ ամիս անց մահացել է գլխուղեղի բորբոքումից։ Դրանից հետո նրանք այլևս երեխաներ չեն ունեցել։
Ջուլիետա Մազինան մահացել է 1994 թվականի մարտի 23-ին` թոքերի քաղցկեղից, ամուսնու մահվանից հինգ ամիս անց։ Թաղված է Ռիմինիում` Ֆեդերիկո Ֆելինիի կողքին։ Նրանց դամբարանի հեղինակը հայտնի քանդակագործ Առնալդո Պոմոդորոն է։
Ֆիլմագրություն
| Թվական | Անվանում | Բնօրինակ անվանում | Կերպար |
|---|---|---|---|
| 1947 | Առանց խղճի | Senza pietà | Մարչելլա |
| 1950 | Վարյետեի լույսերը | Luci del varietà | Մելինա Ամուր |
| 1951 | Փակված ծածկափեղկեր | Persiane chiuse | Պիպպո |
| 1951 | Դժբախտության յոթ ժամերը | Sette ore di guai | Ռոմոլինիի դուստրը |
| 1951 | Գեղեցիկ սպասավորուհին աշխատանք է փնտրում | Cameriera bella presenza offresi... | Էրմելինդա |
| 1952 | Վանդա, մեղսագործուհի | Wanda, la peccatrice | Նադինա |
| 1952 | Իմ կյանքի սիրավեպը | Il romanzo della mia vita | Պաոլա |
| 1952 | Սպիտակ շեյխը | Lo sceicco bianco | Կաբիրիա |
| 1952 | Եվրոպա 51 | Europa '51 | Ջուլիետա |
| 1953 | Մեծ քաղաքի ծայրամասում | Ai margini della metropoli | Ջինա Իլարի |
| 1953 | Տհաճություն (Վիա Պադովա 46) | Lo scocciatore (Via Padova 46) | Իռեն |
| 1954 | Արգելված կինը | Donne proibite | Ռոզիտա |
| 1954 | Սիրո հարյուր տարին | Cento anni d'amore | հարևանուհի |
| 1954 | Ճանապարհ | La strada | Ջելսոմինա |
| 1955 | Բարի գիշեր... փաստաբան | Buonanotte... avvocato! | Կլարա Սանտի |
| 1955 | Խարդախները | Il bidone | Իրիս |
| 1957 | Կաբիրիայի գիշերները | Le notti di Cabiria | Կաբիրիա (Մարիա Չեկարելլի) |
| 1958 | Ֆորտունելլա | Fortunella | Նանդա Դիոտալլևի «Ֆորտունելլա» |
| 1958 | Դժոխք քաղաքի կենտրոնում | Nella città l'inferno | Լինա |
| 1959 | Յոնսն ու Էրդմեն | Jons und Erdme | Էրդմե |
| 1960 | Աղջիկն արհեստական մետաքսով (Մեծ կյանք) | Das kunstseidene Mädchen | Դորիս Պուցկե |
| 1965 | Ջուլիետան և հոգիները | Giulietta degli spiriti | Ջուլիետա |
| 1966 | Ներեցեք, դուք կո՞ղմ եք, թե՞ դեմ | Scusi, lei è favorevole o contrario? | Աննա |
| 1967 | Մի բարկացրեք զզվեցնողին | Non stuzzicate la zanzara | Ռիտայի մայրը |
| 1969 | Խենթը Շայոյից | The Madwoman of Chaillot | Գաբրիել |
| 1973 | Էլեոնորա | Eleonora | Էլեոնորա |
| 1976 | Կամիլլա | Camilla | Կամիլլա |
| 1985 | Ձնաբուք տատիկը | Perinbaba | Ձնաբուք տատիկ |
| 1985 | Անուրջներ և իրականություն | Sogni e bisogni | - |
| 1986 | Ջինջերն ու Ֆրեդը | Ginger e Fred | Ամելիա Բոնետի, Ջինջեր |
| 1991 | Հնարավոր է այսօր | Aujourd'hui peut-être... | Բերտիլ |
Ծանոթագրություններ
Արտաքին հղումներ
- Ջուլիետա Մազինա (անգլ.) Internet Movie Database կայքում
 | Վիքիպահեստն ունի նյութեր, որոնք վերաբերում են «Ջուլիետա Մազինա» հոդվածին։ |
This article uses material from the Wikipedia Հայերեն article Ջուլիետա Մազինա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.