Джульета Мазіна
Джульета Мазіна (італ.: Giulietta Masina, 22 лютага 1921—23 сакавіка 1994) — італьянская актрыса, жонка кінарэжысёра Федэрыка Феліні, атрымала мянушку «Чаплін у спадніцы».
| Джульета Мазіна | |
|---|---|
| італ.: Giulietta Masina | |
.jpg) | |
| Дата нараджэння | 22 лютага 1921 |
| Месца нараджэння | |
| Дата смерці | 23 сакавіка 1994 (73 гады) |
| Месца смерці | |
| Месца пахавання | |
| Грамадзянства | |
| Муж | Федэрыка Феліні |
| Адукацыя | |
| Прафесія | тэатральная актрыса, кінаактрыса, акцёрка, сцэнарыст, television writer |
| Кірунак | неарэалізм[d] і auteur[d] |
| Узнагароды | |
| IMDb | ID 0556399 |
 Медыяфайлы на Вікісховішчы | |
_crowned.svg){kind=small}
.svg){kind=small}
Біяграфія
Джулія Ганна Мазіна нарадзілася ў Сан-Джорджа-дзі-П’яна ў сям’і служачага і настаўніцы. Джулія была самай старэйшай з чатырох дзяцей. Ужо з ранніх гадоў яна праяўляла схільнасць да тэатра, танцаў і музыкі.
Пасля заканчэння пачатковай школы яе адправілі ў Рым да сваячкі, дзе яна трапіла ў гімназію сясцёр урсулінак. Джулія рыхтавалася стаць піяністкай, але паступіла ў Рымскі ўніверсітэт на філалагічны факультэт. Пасля яго заканчэння Мазіна атрымала дыплом выкладчыка сучаснай літаратуры.
Падчас вучобы Джулія грала ў студэнцкім тэатры. Пазней яна атрымала запрашэнне ў тэатр Каверын. Акрамя таго, каб палепшыць сваю дыкцыю і пазбавіцца ад паўночна-італьянскага акцэнту, Мазіна пачала працаваць на радыё. Там яна выступала ў радыёперадачах, сцэнарыі да якіх пісаў будучы вядомы італьянскі рэжысёр Федэрыка Феліні, падпісваў у той час свае працы як «Федэрыка». Ён працаваў карыкатурыстам ў адным з часопісаў. Федэрыка патэлефанаваў Джуліі і сказаў, што хоча зрабіць фільм па гэтай п’есе, і папрасіў яе аб сустрэчы. У кастрычніку 1943 года яны пажаніліся. Менавіта па яго просьбе яна змяніла сваё імя і стала Джульетай.
Яе дэбютнай працай у кіно стаў фільм Альберта Латуады «Без жалю» (1947 год), у якім яна згуляла ролю прастытуткі Марчэлы — шчырай, з добрай, даверлівай душой. За гэтую ролю яна атрымала «Срэбраную стужку».
Яна памерла ў Рыме 23 сакавіка 1994 г., праз паўгады пасля смерці мужа. Мазіна была пахавана ў Рыміні побач з мужам.
Фільмаграфія
- (1950) «Агні вар’етэ» — Меліна Амур
- (1952) «Белы шэйх» — Кабіры
- (1954) «Дарога» — Джэльсаміна
- (1955) «Махляры» — Ірыс
- (1957) «Ночы Кабірыі» — Кабірыя
- (1965) «Джульета і духі» — Джульета
- (1986) «Джынджэр і Фрэд» — Амелія Банэці («Джынджэр»)
Зноскі
This article uses material from the Wikipedia Беларуская article Джульета Мазіна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.