Вікісховішча

WikiCommons ВікіСховішча
URL	[http://http://commons.wikimedia.org]
Камерцыйны	Не
Тып сайта	Сеткавая энцыклапедыя
Рэгістрацыя	Неабавязковая
Мова(-ы)	некалькі моў[d]
Мова праграмавання	PHP
Размяшчэнне сервера	Маямі, Фларыда
Уладальнік	Фонд Вікімедыя
Аўтар	Джымі Вэйлз
Пачатак працы	7 верасня 2004
Рэйтынг Alexa	300
Медыяфайлы на Вікісховішчы

Удзельнікам Вікіпедыі і іншых праектаў Фонду «Вікімедыя» рэкамендуецца загружаць усё вольныя медыя-файлы адразу на ВікіСховішча, каб яны маглі быць карыснымі ў іншых моўных падзелах і праектах Фонду «Вікімедыя».

Усе файлы, загружаныя на Вікісховішча, — вольныя для распаўсюду ў любой юрысдыкцыі. Файлы не могуць абкладацца абмежаваннямі волі іх выкарыстання. У прыватнасці, у адрозненні ад большасці моўных раздзелаў, не дапушчаюцца файлы, распаўсюджаныя на ўмовах «Добрасумленнага выкарыстання» (англ.: fair use).

Пасля запампоўкі файла неабходна дадаць шаблон статусу аўтарскіх праў, калі шаблон ліцэнзіі патрабуе дадатковай інфармацыі, то дадаць і яе, дадаць апісанне, напрыклад, што навыяве, дзе сфатаграфавалі і г.д., дадаць спасылку на зыходную выяву, калі яна капіявалася з якога-небудзь сайта.

Вікісховішча змяшчае (станам на сярэдзіну красавіка 2016 года) болей за 31 мільён файлаў і няспынна папаўняецца. У 2013 годзу штодзённа на Вікісховішча загружалася болей за 10 тысяч медыяфайлаў.

Вікісховішча супрацоўнічае з музеямі і архівамі, выкладваючы ў вольны доступ і катэгарызуючы матэрыялы, якія яму падаюць. Найболей часта выявамі дзеляцца нямецкія арганізацыі, у чым актыўна ўдзельнічае нямецкае аддзяленне Вікімедыа.

Найболей маштабныя прыклады супрацоўніцтва:

• красавік 2005 — нямецкі сайт Directmedia перадаў 10 малюнкаў супольнасці Вікімедыа;
• верасень 2006 — пачалася загрузка выяў з найбуйнейшага швейцарскага сайта са свабоднымі выявамі — Picswiss;
• вясна 2007 — Pearson Scott Foresman; • снежань 2008 — Федэральны архіў Германіі падаў 80 тысяч выяў;
• сакавік 2009 — бібліятэка выяў Deutsche Fotothek перадала 250 тысяч прац;
• кастрычнік 2009 — Tropenmuseum перадаў 35 тысяч выяў па тэматыцы Інданэзіі;
• чэрвень 2011 — расійскае агенцтва міжнароднай інфармацыі «РИА Новости» пачало падаваць частку сваіх архіўных выяў на ўмовах ліцэнзавання Creative Commons Attribution-ShareAlike 3.0. Адна з першых выяў была загружана на Вікісховішча асабіста прэзідэнтам Расіі Дзмітрыем Мядзведзевым;
• ліпень 2011 — Нацыянальнае кіраванне архіваў і дакументацыі ЗША вылучыла болей 100 тысяч гістарычных фотаздымкаў і дакументаў са сваіх архіваў.

Для ўстаўкі файлаў з Вікісховішча ў артыкулы Вікіпедыі выкарыстоўваецца той самы сінтаксіс, як і для ўстаўкі файлаў, што загружаны ў беларускую Вікіпедыю. Напрыклад, каб уставіць загружаную выяву ў артыкул, досыць паказаць спасылку на яго [[Файл:<імя_файла>]]. Алгарытм працы рухавіка пры гэтым такі: калі ёсць мясцовы файл, то ўстаўляецца ў артыкул менавіта ён; калі ў лакальнай базе няма выявы з такім імем, то бярэцца адпаведны файл на Вікісховішчы.

•  
  Палярнае ззянне над Мядзвежым возерам на базе ВПС ЗША Eielson^[en]. Аляска, ЗША («Выява года — 2006»)
•  
  Брадвейская вежа. Котсуалдс, Англія («Выява года — 2007»)
•  
  Коні на гары Біандытц^[es], Іспанія («Выява года — 2008»)
•  
  Сікхскі паломнік каля Хармандзір-Сахіба. Амрытсар, Індыя («Выява года — 2009»)
•  
  Тэлескоп Епун свеціць лазерам на Млечны шлях. Чылі («Выява года — 2010»)
•  
  Краявід возера Бондхус, Нарвегія. На заднім плане бачны ледавік Бондхус (частка ледавіка Фалгефонна). («Выява года — 2011»)
•  
  Самка залацістай шчуркі (злева) чакае, калі самец прыняце ёй здабычу («Выява года — 2012»)
•  
  Лампачка з вальфрамавай ніткай, якая гарыць і дыміцца («Выява года — 2013»)
•  
  Дзвегеліканіды Юліі (Dryas iulia) п’юць слезы чарапах у Эквадоры («Выява года — 2014»)
•  
  Фатаграфія Плутона, якую зрабіў зонд NASA «Новыя гарызонты» («Выява года — 2015»)
•  
  Джубілі і Мунін, два крумкача з лонданскай каралеўскай крэпасці Таўэр («Выява года — 2016»)
•  
  Два самцы Phyllomedusa rohdei супернічаюць на галінцы ў бразільскім атлантычным лесе (штат Баія) («Выява года — 2017»)