Նոր Աթոս: Վրաստանի քաղաքներ
Նոր Աթոս (վրաց.՝ ახალი ათონი՝ Նոր Աթոն, աբխազերեն՝ Афон Ҿыц, հուն․՝ Νέος Άθως), քաղաք Աբխազիայի Գուդաութայի շրջանում, գտնվում է ռուսական սահմանից 80 կմ հեռավորության վրա։ Բնակչությունը՝ ▲1539 մարդ (2020)։
| Քաղաք | ||
|---|---|---|
| Նոր Աթոս | ||
| աբխ.՝ Афон Ҿыц, վրաց.՝ ახალი ათონი, հունարեն՝ Νέος Άθως | ||
 | ||
| Երկիր |  Աբխազիա/ Վրաստան | |
| Երկրամաս | Աբխազիայի Ինքնավար Հանրապետություն | |
| Շրջան | Գուդաութի շրջան/Գուդաութի մունիցիպալիտետ | |
| Ղեկավար | Ֆելիքս Դաութիա | |
| Հիմնադրված է | 3-րդ դար թվականին | |
| Առաջին հիշատակում | 3-րդ դար | |
| Այլ անվանումներ | Տրախեա, Պսիրցխա, Անակոպիա, Ախալի Աֆոնի | |
| Բնակչություն | 1․518 մարդ (2011) | |
| Ազգային կազմ | աբխազներ, ռուսներ, հայեր, հույներ, վրացիներ | |
| Կրոնական կազմ | քրիստոնյաներ | |
| Ժամային գոտի | UTC+3 | |
| Հեռախոսային կոդ | +7 840 2458xxx | |
| Փոստային ինդեքսներ | 6900 | |
| Ավտոմոբիլային կոդ | ABH | |
| ||
| ||
Նախկինում քաղաքը կոչվել է Տրախեա, Պսիրցխա, Անակոպիա, Ախալի Աթոնի։ Գտնվում է Սև ծովի ափին։
Պատմություն
.jpg)
Քաղաքն ունի հնադարյան պատմություն։ Առաջին հիշատակումները պատկանում են III դարին։ Այդ ժամանակ այն կոչվում էր Անակոպիա (Տրախեա) և եղել է խոշոր առևտրային կետ։ Հնագիտական պեղումները վկայում են Անակոպիայի բնակիչների նյութական մշակույթի բարձր մակարդակի մասին։ V դարում աբխազները Իվերիա լեռան վրա կառուցել են ամրոց, որն անվանել են Իվերիայի ամրոց։
VII դարի վերջում կառուցվել է ամրոցի պատերի արտաքին շերտը։
VIII դարի վերջում աբխազական իշխան Լևոն II-ը՝ օգտվելով Բյուզանդիայի ներքին անկարգություններից, իրեն հայտարարել է Աբխազիայի անկախ թագավորության թագավոր։ Նրա օրոք Անակոպիան դարձել է Աբխազիայի թագավորության մայրաքաղաքը և մնացել է մայրաքաղաք մինչև թագավորական նստավայրի Քութայիս տեղափոխվելը։
Տեսարժան վայրեր
Նոր Աթոսում գտնվում են բազմաթիվ տեսարժան վայրեր, բնական և պատմական հուշարձաններ։ Դրանցից են՝
- Նոր Աթոսի վանք և վանքային համալիր
- Պսիրցխա գետի կիրճում գտնվող Սիմոն Կանանացի առաքյալի տաճարը
- Իվերիա լեռան վրա գտնվող հնադարյան տաճարի և Անակոպիական ամրոցի ավերակները
- Իվերիա լեռան տակ և Նոր Աթոսի արվարձաններում գտնվում են մի շարք կարստային քարանձավեր, այդ թվում նաև 1961 թվականին բացված Նոր Աթոսի քարանձավը
- Պսիրցխա գետի ջրերով սնվող լճակների համակարգով մերձծովյան զբոսայգի (կարապներով հայտնի լիճը)
- Ջրվեժ և էլեկտրակայան, կառուցված 1902 թվականին
Կլիմա
Կլիման խոնավ մերձարևադարձային է, տարեկան միջին ջերմաստիճանը 16,3 °C, ամռանը՝ +30 °C-ից +32 °C, ձմռանը՝ +9 °C-ից +11 °C: Ջուրը տաքանում է մինչև 26-28 °C:
Բնակչություն
1989 թվականի մարդահամարի տվյալներով բնակչության թիվը կազմել է 3235 մարդ, որոնցից 44,0%-ը կազմում էին ռուսները, 23,1%-ը՝ աբխազները, 7,6%-ը՝ վրացիները։
2003 թվականի մարդահամարի տվյալներով քաղաքի բնակչության թիվը կազմել է 1308 մարդ, 2011 թվականի մարդահամարի տվյալներով՝ 1518 բնակիչ, որոնցից 904-ը՝ աբխազներ (59,6 %), 365-ը՝ ռուսներ (24,0 %), 123-ը՝ հայեր (8,1 %), 24-ը՝ ուկրաինացիներ (1,6 %), 22-ը՝ հույներ (1,4 %), 18-ը՝ վրացիներ (1,2 %), 62-ը՝ այլ ազգի ներկայացուցիչներ (4,1 %)։
Քույր-քաղաքներ
Պատկերասրահ
-
«Թագավորական ծառուղի» -
Հուշանվերների շուկայի մոտ -
Ջրաթափը ՀԷԿ-ի մոտ -
Պսիրցխա գետը -
Մատուռ -
Ծովափ -
Աբխազական թագավորության թանգարանը
.jpg)
.jpg)
.jpg)
Ծանոթագրություններ
 | Վիքիպահեստն ունի նյութեր, որոնք վերաբերում են «Նոր Աթոս» հոդվածին։ |
This article uses material from the Wikipedia Հայերեն article Նոր Աթոս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.