Միա Դիմշիչ

Միա Դիմշիչ
Հիմնական տվյալներ
Բնօրինակ անուն	խորվ.՝ Mia Dimšić
Ծնվել է	նոյեմբերի 7, 1992 (31 տարեկան); Օսիեկ, Խորվաթիա
Երկիր	Խորվաթիա
Ժանրեր	փոփ
Մասնագիտություն	երգչուհի և երգերի հեղինակ
Գործիքներ	վոկալ
Կրթություն	University of Osijek?
Կայք	miadimsic.com
	Mia Dimšić Վիքիպահեստում

Կյանքի վաղ շրջան և կրթություն

Ծնվել է 1992 թվականի նոյեմբերի 7-ին Օսիեկում։ Սովորել է Օսիեկի համալսարանի արվեստի ֆակուլտետում, որն ավարտել է՝ ստանալով թարգմանության տեսության մագիստրոսի աստիճան։

Կարիերա

Դիմշիչն իր երաժշտական կարիերան սկսել է 2014 թվականին, երբ tamburica ոճի Džentlmeni երաժշտախումբը նրան հրավիրեց իր կազմում մասնակցելու ԱՄՆ-ի և Կանադայի խորվաթական սփյուռքում համերգային շրջագայությանը։

Դիմշիչի առաջին սինգլը՝ «Budi mi blizu»-ն, թողարկվել է 2015 թվականի հոկտեմբերի 12-ին։ 2016 թվականի հուլիսի 7-ին թողարկվել է «Život nije siv»-ը՝ որպես նրա դեբյուտային ալբոմի գլխավոր սինգլ։ Իսկ այդ ալբոմը, որ ամբողջական տեսք է ստացել ու թողարկվել 2017 թվականի մարտի 20-ին, առաջին տեղն է զբաղեցրել խորվաթական ալբոմների չարթում, արժանացել պլատինե հավաստագրի։ Դիմշիչի երկրորդ ստուդիական ալբոմը, որում տեղ էր գտել նաև նրա սուրբծննդյան առաջին ձայնագրությունը՝ Božićno jutro-ն, թողարկվել է 2017 թվականի նոյեմբերի 29-ին։

2019 թվականի հուլիսի 26-ին Դիմշիչը խորվաթ երգիչ Մարկո Տոլյայի հետ թողարկեց «Sva blaga ovog svijeta» երգն ու տեսահոլովակը։ Դիմշիչի և Տոլյայի համագործակցության հիմքը դրած այդ երգը սկզբում հայտնվեց Խորվաթիայի HR Top 40 չարթերի տասներկուերորդ հորիզոնականում, օգոստոսին բարձրացավ առաջին հորիզոնական՝ դանալով HR Top 40 չարթերը գլխավորած դիմշիչյան վեցերորդ սինգլը։

2021 թվականի դեկտեմբերի 17-ին հայտարարվեց, որ Դիմշիչը «Gilty Pleasure » երգով լինելու է Դորա 2022 երաժշտական մրցույթի տասնչորս մասնակիցներից մեկը, մրցույթ, որի արդյունքներով որոշվում է «Եվրատեսիլի խորվաթ մասնակիցը։ 2022 թվականի փետրվարի 19-ին նա հաղթեց «Դորա 2022»-ում՝ այդպիսով իրավունք ստանալով Խորվաթիան ներկայացնելու Իտալիայի Թուրին քաղաքում կայանալիք Եվրատեսիլ 2022 երգի մրցույթում։

Արվեստը

Ազդեցություններ

Որպես իր երաժշտական կուռքեր՝ Դիմշիչը նշում է Թեյլոր Սվիֆթին, Քեյսի Մուսգրեյվսին, Նորա Ջոնսին, Ուիլի Նելսոնին և Էլիսոն Քրաուսին։ Խորվաթ արվեստագետներից Դիմշիչը կրել է Նենո Բելանի, Զլատան Ստիպիշիչ Ջիբոննիի, Թեդի Սպալատոնի, Օլիվեր Դրագոևիչի և Հարի Ռոնչևիչի ազդեցությունը։

Երաժշտական ոճ և երգարվեստ

Դիմշիչն օգտագործում է իր կյանքի փորձը որպես ոգեշնչման աղբյուր։ Իր կենդանի կատարումների մեծ մասի ժամանակ նա գործածում է Gibson Hummingbird ակուստիկ կիթառ։

Սկավառակագրություն

Život nije siv (2017)
Božićno jutro (2017)
Sretan put (2019)
Monologue / Մենախոսություն (2023)

Մրցանակներ և առաջադրումներ

Տարին	Մրցանակը	Անվանակարգը	Առաջադրված թեկնածուն / աշխատանքը	Արդյունքը
2017	Porin / Պորին	Լավագույն երաժշտական տեսահոլովակ	"Život nije siv"	Հաղթանակ
2018		Տարվա ալբոմ	Život nije siv	Հաղթանակ
		Տարվա երգ	"Bezimeni"	Հաղթանակ
		Փոփ-ռոք ալբոմ	Život nije siv	Հաղթանակ
		Ոգեղեն ալբոմ	Božićno jutro	Հաղթանակ
2019	Ցեզարինա	Տարվա երգ	"Sva blaga ovog svijeta"	Առաջադրված
2020	Music Awards Ceremony/ Երաժշտական մրցանակաբաշխության արարողություն	Տարվա լավագույն փոփ համագործակցություն / Pop Collaboration of the Year	"Sva blaga ovog svijeta"	Առաջադրված
	Porin	Լավագույն կանացի վոկալ կատարում / Best Female Vocal Performance	"Ovaj grad"	Առաջադրված
		Լավագույն վոկալ համագործակցություն / Best Vocal Collaboration	"Sva blaga ovog svijeta"	Հաղթանակ
		Տարվա երգ	"Sva blaga ovog svijeta"	Առաջադրված
2021		Փոփ ալբոմ	Sretan put	Առաջադրված
2021	Top.HR Music Awards	Ամենից լավ վաճառված տեղական ալբոմ / Best Selling Domestic Album	Sretan put	Հաղթանակ
2023	Porin / Պորին	Տարվա երգ	"Guilty Pleasure"	Առաջադրված
2023	Ցեզարինա / Cesarica	Տարվա երգ	"Guilty Pleasure"	Առաջադրված
2024	Porin / Պորին	Տարվա ալբոմ	Monologue	Առաջադրված
2024	Porin / Պորին	Լավագույն վոկալ համագործակցություն / Best Vocal Collaboration	"Ajmo u đir"	Առաջադրված

Ծանոթագրություններ

Արտաքին հղումներ

Mia Dimšić discography at Discogs
Միա Դիմշիչ Internet Movie Database կայքում

Ձեռքբերումներ
Նախորդող՝ {{{նախորդող}}}	{{{ցանկ}}} {{{տարիներ}}}	Հաջորդող՝ {{{հաջորդող}}}

Վիքիպահեստն ունի նյութեր, որոնք վերաբերում են «Միա Դիմշիչ» հոդվածին։

This article uses material from the Wikipedia Հայերեն article Միա Դիմշիչ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.