Մեթոդիզմ
Մեթոդիզմ (անգլ.՝ Methodism, պաշտոնապես՝ մեթոդիստական եկեղեցի), քրիստոնեական բողոքականության դրսևորումներից մեկը, որը գլխավորապես տարածված է Ամերիկայի Միացյալ Նահանգներում և Մեծ Բրիտանիայում։ Ծագել է XVIII դարում՝ առանձնանալով անգլիկան եկեղեցուց։ Հիմնական սկզբունքն է՝ հետևողականորեն և մեթոդաբար պահպանել ավետարանական պատվիրանները։ Մեթոդիստները քարոզում են կրոնական հեզություն ու խոնարհություն։ Մեթոդիստական համայնքները պաշտամունքային դրսևորումներում կիրառում են ծիսական-արարողակարգային զանազան ձևեր՝ սկսած անգլիկան եկեղեցուց ժառանգած, այսպես կոչված՝ բարձր ձևերից և վերջացրած բողոքականությանը բնորոշ հասարակ ծիսակարգով, որն անտեսում է պատարագի մատուցման ավանդական պահանջները։
| Մեթոդիզմ | |
|---|---|
| Հիմնական տվյալներ | |
| Տեսակ | Christian denominational family? |
| Դավանանք | քրիստոնեություն |
| Հիմնադիր | Ջոն Ուեսլի |
 Methodism Վիքիպահեստում | |
.jpg)
Մեթոդիզմն անգլիկան եկեղեցու ծոցում առաջ է եկել 1720-ական թվականներին, Օքսֆորդում, առանձնացված դավանանք դարձել 18-րդ դարի վերջերին։ Հիմնադիրներն էին Ջոն Ուեսլին (1703—1791) և Ջորջ Ուայթֆիլդը (1714—1770): Նոր դավանանքի կայացման գործում կարևոր դեր է խաղացել նար կոմսուհի Սելինա Հաստինգսը (1707—1791): Միսիոներների եռանդուն ջանքերի շնորհիվ մեթոդիզմը լայնորեն սփռվել է Բրիտանական կայսրությունում, ԱՄՆ-ում և այլուր։
Մեթոդիստական դավանանքի հետևորդների թվաքանակը ներկայումս ամբողջ աշխարհում հասել է մոտավորապես 80 միլիոնի, ընդ որում՝ նրանք սփռված են 130 երկրում։ Մեթոդիստական ամենամեծ կազմակերպությունը ԱՄՆ-ի Միավորյալ մեթոդիստական եկեղեցին է՝ 7,5 միլիոնից ավելի հավատացյալներով։
Ծանոթագրություններ
Գրականություն
Արտաքին հղումներ
| Տես՝ մեթոդիզմ Վիքիբառարան, բառարան և թեզաուրուս |
- Methodist History Bookmarks Արխիվացված 2012-10-11 Wayback Machine
- World Methodist Council (Official Website)
- World Methodist Evangelical Institute (Official Website)
- История США: Методизм(անգլ.)
- Religion Planet. Методизм(անգլ.)
 | Վիքիպահեստն ունի նյութեր, որոնք վերաբերում են «Մեթոդիզմ» հոդվածին։ |
This article uses material from the Wikipedia Հայերեն article Մեթոդիզմ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.