Հարավային Ջորջիա (անգլ.՝ South Georgia, իսպ.՝ Isla Georgias del Sur), (ցամաքային մակերեսը՝ 3528 կմ², ընդհանուր՝ 4100 կմ²) Հարավային Ատլանտյան օվկիանոսում գտնվող խոշոր Մերձանտարկտիկական գոտի, որը ամենամեծն է նույնանուն արշիպելագում։ Վարչականորեն Հարավային Ջորջիան և Հարավային Սանդվիչյան կղզիները մեծ Բրիտանիայի արտերկրյա տարածքի մի մասն են (այսինքն՝ պատկանում են Մեծ Բրիտանիային, բայց դրա մաս չեն կազմում)։
Հարավային Ջորջիա | |
---|---|
Տեսակ | կղզի |
Երկիր | Միացյալ Թագավորություն |
Վարչատարածքային միավոր | Հարավային Ջորջիա և Հարավային Սանդվիչյան կղզիներ |
Մասն է | South Georgia group? և Հարավային Ջորջիա և Հարավային Սանդվիչյան կղզիներ |
Երկարություն | 160 կմ |
Լայնություն | 30 կմ |
Մակերես | 3756 կմ² |
Ամենաբարձր կետը | Mount Paget? |
Բնակչություն | 30 մարդ |
Անվանված է | Ջորջ III և Պետրոս առաքյալ |
Հարավային Ջորջիան և Հարավային Սանդվիչյան կղզիները կառավարվում են Ֆոլկլենդյան կղզիներից, թեև համարվում են առանձին տարածք։ Ֆոլկլենդյան կղզիների նահանգապետը միաժամանակ Հարավային Ջորջիայի և Հարավային Սանդվիչյան կղզիների կոմիսարն է։
Հարավային Ջորջիան հրաբխային ծագման ժայռոտ կղզի է, ծածկված է տունդրայով և օվկիանոսային մարգագետիններով, լեռներում՝ հավերժական սառցադաշտերով։ Ամենաբարձր կետը Փեյջեթն է (2935 մ)։ Ափը կտրտված է։ Ափերին մաշկոտանիների և պինգվինների հսկայական բնակչություն կա։ Կլիման մերձարկտիկական է, միջին ամսական ջերմաստիճանը հուլիս - օգոստոս ամիսներին -1,5 °C-ից մինչև + 5,3 °C փետրվարին։ Տեղումները տարեկան քանակը 1400-1500 մմ, տարվա ընթացքում հավասարաչափ։ Մշտական ուժեղ քամիներ, եղանակը հիմնականում ամպամած է։ Երկրաբանորեն Հարավային Սանդվիչյան, Հարավային Շետլանդական, Հարավային Օրկնեյան կղզիներով և ժայռային խմբերով կղզին պատկանում է Հարավային Անտիլյան լեռնաշղթային։
Հարավային Ջորջիայի արշիպելագի կղզիներ և ժայռեր։
№ | Կղզի/ժայռ (հայերեն) | Կղզի/ժայռ (անգլերեն) | Մակերես, կմ² | Ամենաբարձր կետը, մ | Կոորդինատներ |
---|---|---|---|---|---|
Կղզիներ | |||||
1 | Անենկովա | Annenkov Island | 14,93 | 650 | HGЯO |
2 | Բերդ | Bird Island | 3,9 | Ռոչեր Պիկ (365) | HGЯO |
3 | Վելկոմ կղզիներ | Welcome Islands | 88 | HGЯO | |
4 | Գրաս | Grass Island | 0,26 | 5 | HGЯO |
5 | Կուպեր | Cooper Island | 3,0 | 416 | HGЯO |
6 | Պիկերսգիլ կղզիներ | Pickersgill Islands | HGЯO | ||
7 | Տրինիտի | Trinity Island | HGЯO | ||
8 | Ուիլիս կղզիներ | Willis Islands | HGЯO | ||
9 | Հարավային Ջորջիա | South Georgia | 3528 | Փեյջեթ լեռ (2934) | HGЯO |
Ժայռեր | |||||
10 | Բլեք ժայռեր | Black Rocks | HGЯO | ||
11 | Բլեք ժայռեր | Black Rock | HGЯO | ||
12 | Կլերկ ժայռեր | Clerke Rocks | HGЯO | ||
13 | Շագ ժայռեր | Shag Rocks | 0,2 | 75 | HGЯO |
20-րդ դարի սկզբին կղզի են բերվել Հյուսիսային եղջերուներ, որոնք վայրի են դարձել և բազմացել՝ սպառնալով կղզու էկոհամակարգին գիշատիչների բացակայության պայմաններում և արմատից ուտելով տունդրայի բուսականությունը։ Մեծ Բրիտանիան 2012 թվականին դիմել է նորվեգացի մասնագետներին՝ երեք հազար վայրի հյուսիսային եղջերուների կրակելու հարցում օգնության համար։
Կղզին հայտնաբերել է անգլիացի վաճառական Անտոնի դե լա Ռոշերը 1675 թվականին։ Առաջին անգամ հետազոտվել և քարտեզագրվել է հայտնի ծովագնաց Ջեյմս Կուկի կողմից 1775 թվականին, ով այն հռչակել է բրիտանական սեփականություն և անվանել թագավորի անունով։ Հարավ-արևմտյան ափը հետազոտվել է Բելինգշաուզենի և Լազարևի արշավախմբի կողմից (Անենկովի կղզի, Պրաստինի հրվանդան և այլն)։
18-րդ և 19-րդ դարերում կղզում աշխատել են բրիտանական և ամերիկյան մաշկոտանիների որսորդներ և կետորսներ, նրանք հիմնել են մի քանի բնակավայրեր։
Արգենտինան հավակնում է կղզուն, ինչպես նաև Ֆոլկլենդյան և Հարավային Սանդվիչյան կղզիներին, որի օդերևութաբանական կայանն այստեղ աշխատել է 1905-1950 թվականներին։ Ֆոլկլենդյան հակամարտության ժամանակ կղզին գրավել են արգենտինացի զինվորականները 1982 թվականի ապրիլի 3-ին (Գեորգիաս օպերացիա)։ Սակայն արդեն ապրիլի 25-ին բրիտանական զինված ուժերը «Փարաքվեյթ» գործողության ընթացքում վերականգնել են կղզու վերահսկողությունը։
Ներկայումս միայն Գրյուտվիկենում մշտապես բնակվում է 23 մարդ, գործում են նաև գիտական կայաններ՝ ինչպես սեզոնային, այնպես էլ ամբողջ տարվա ընթացքում։ Ամռանը աշխատողների թիվը հասնում է 50-ի՝ չհաշված կարճ արշավախմբերը։ 1982-2001 թվականներին կղզում տեղակայված է եղել զինվորական կայազորը։
Նախկին կետորսական բազաները վերականգնվում են որպես զբոսաշրջային տեսարժան վայրեր, Գրյուտվիկենում գործում է Հարավային Ջորջիայի թանգարանը։ Էռնեստ Շեքլտոնը թաղված է կղզում։
Այսօր նամականիշներն ու մետաղադրամները թողարկվում են Հարավային Ջորջիայի խորհրդանիշներով։
{{cite book}}
: CS1 սպաս․ location missing publisher (link)Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 283)։ |
Վիքիպահեստն ունի նյութեր, որոնք վերաբերում են «Հարավային Ջորջիա» հոդվածին։ |
This article uses material from the Wikipedia Հայերեն article Հարավային Ջորջիա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.