Ֆիլմ, 2018 Իշխանություն
«Իշխանություն» (անգլ.՝ Vice), ամերիկյան կատակերգություն-դրամա՝ նկարահանված 2018 թվականին։ Ֆիլմի ռեժիսորը և սցենարիստն է Ադամ Մաքքեյը։ Գլխավոր դերերում նկարահանվել են Էմի Ադամսը, Սեմ Ռոքուելը, Սթիվ Կարելը և Քրիստիան Բեյլը, որը մարմնավորել է ԱՄՆ փոխնախագահ Դիկ Չեյնիին։ Ֆիլմում նկարագրվում է, թե ինչպես Չեյնին հարթելով իր ուղին, դառնում է ԱՄՆ-ի ամենաազդեցիկ փոխնախագահը։
 անգլ.՝ Vice | |
|---|---|
.jpg) | |
| Երկիր |  ԱՄՆ |
| Ժանր | հումորային դրամա, դրամա, կենսագրական ֆիլմ և ԼԳԲՏ թեմայով ֆիլմ |
| Թեմա | Դիկ Չեյնի |
| Թվական | դեկտեմբերի 25, 2018, հունվարի 25, 2019 և փետրվարի 21, 2019 |
| Լեզու | անգլերեն |
| Ռեժիսոր | Ադամ ՄաքՔեյ |
| Պրոդյուսեր | Բրեդ Փիթ, Դեդե Գարդներ, Մեգան Էլիսոն և Ուիլ Ֆերրել |
| Սցենարի հեղինակ | Ադամ ՄաքՔեյ |
| Դերակատարներ | Քրիստիան Բեյլ, Էմի Ադամս, Ալիսոն Փիլ, Սթիվ Քարել, Սեմ Ռոքուել, Բիլ Փուլման, Թալլեր Փերրի, Շի Ուինգհեմ, Լիլի Ռեյբ, Ֆեյ Մասթերսոն, Դոն ՄակՄանուս, Ջամիլիան Արմենանտե, Լիզա Գեյ Համիլթոն, Մեթ Նոլան, Ռոման Միտիչյան և Ջեսի Փլեմոնս |
| Օպերատոր | Գրեգ Ֆրեյզեր |
| Երաժշտություն | Նիկոլաս Բրիթել |
| Մոնտաժ | Հենք Քորուին |
| Պատմվածքի վայր | Վաշինգտոն, Կոլումբիայի շրջան |
| Կինոընկերություն | Annapurna Pictures և Plan B Entertainment |
| Տևողություն | 132 րոպե |
| Պաշտոնական կայքէջ | |
 Vice (2018 film) Վիքիպահեստում | |
Ֆիլմը Միացյալ Նահանգներում էկրան է բարձրացել 2018 թվականի դեկտեմբերի 25-ին։ Ֆիլմն ստացել է բազմաթիվ մրցանակներ և անվանակարգեր, ներառյալ՝ 8-ը Կինոակադեմիայի մրցանակաբաշխությունում, 6 մրցանակ Ոսկե գլոբուսում և ևս 6-ը՝ Բրիտանական Ակադեմիայի 72-րդ մրցանակաբաշխությունում։ Իրենց դերակատարման համար Բեյլը, Ադամսն ու Ռոքուելը երեք մրցանակաբաշխություններում էլ ներկայացված են եղել, իսկ Ոսկե Գլոբուսում Բեյլը հաղթող է ճանաչվել «Լավագույն դերասան կատակերգությունում կամ մյուզիքլում» անվանակարգում։
Սյուժե
Երբ աշխարհում կառավարում են փողն ու կապերը, միայն մարդը կարող է ստանալ անսահման ազդեցություն։ Համոզելու յուրօրինակ ձիրքը, արտասովոր խելքն ու ամենաբարձր ատյանների հասանելիությունը նրան թույլատրեցին դառնալ տիկնիկախաղաց ողջ աշխարհի ուժեղների մեջ։ Մնալով ստվերային խաղացող՝ նա ընդմիշտ փոխեց պատմության ընթացքը։
Դերերում
- Քրիստիան Բեյլ — Դիկ Չեյնի
- Էմի Ադամս — Լին Չեյնի
- Սթիվ Կարել — Դոնալդ Ռամսֆելդ
- Սեմ Ռոքուել — Ջորջ Ուոքեր Բուշ
- Պիլլ Էլիսոն — Մերի Չեյնի
- Ջես Պլեմոնս — Քուրթ, պատմող
- Լիլի Ռեյբ — Էլիզաբեթ Չեյնի
- Թայլեր Փերի — Քոլին Փաուել
- Ջասթին Քըրք — Լուիս Լիբբի
- Լիզա Գեյ Հեմիլթոն — Կոնդոլիզա Ռայս
- Շի Ուինգհեմ — Ուեին Վինսենթ
- Էդդի Մարսան — Փոլ Վուլֆովից
- Ստեֆանիա Օուեն — Ջոան, պատմող (ձայն)
- Ադամ Բերթլի — Ֆրենկ Լունտց
- Քըրք Բովիլ — Հենրի Քիսինջեր
- Ջիլ Արմենանտելիան — Կարեն Հյուզ
- Բիլլ Քեմփ — Ջերալդ Ֆորդ
- Ալեքս Մակնիկոլի — երիտասարդ Դիկ Չեյնի
- Էյդան Գեյլ — երիտասարդ Դիկ Չեյնի
- Քեյնի Սփենի — երիտասարդ Լին Չեյնի
- Քերոլայն Քեննեդի Դարրենս — երիտասարդ Լին Չեյնի
- Վայոլեթ Հիքս — երիտասարդ Լիզ Չեյնի
Արտադրություն
2016 թվականի նոյեմբերի 22-ին հայտարարվել է, որ «Paramount Pictures» կինոընկերությունը ձեռք է բերել Դիկ Չեյնիի պատմության էկրանավորման իրավունքը։ Վերջինս եղել է Halliburton ընկերության գործադիր տնօրենը և ըստ համընդհանուր կարծիքի դարձել է ամենաազդեցիկ փոխնախագահը Ամերիկայի պատմության մեջ։ Նաև հայտնի դարձավ, որ կատակերգության սցենարը գրելու է Ադամ Մաքքեյը, հենց նա էլ լինելու է նախագծի ռեժիսորը։ Որպես ֆիլմի պրոդյուսերներ հանդես կգան Բրեդ Փիթը, Դեդե Գարդները, Ջերեմի Քլայները, Ադամ Մաքքեյը և նրա գործընկերներ Ուիլ Ֆերրելն ու Քևին Մեսիքը «Gary Sanchez Productions» պրոդյուսերական ընկերությունից։ 2017 թվականի ապրիլին Դիկ Չեյնիի դերում ընտրվեց Քրիստիան Բեյլը։ Որպեսզի համապատասխանի կերպարին, Բեյլը քաշն ավելացրել է 30 ֆունտով։
Թողարկում
2018 թվականի դեկտեմբերի 25-ին Ֆիլմը թողարկվել է Կանադայում և Միացյալ նահանգներում։ Նախապես հայտարարվել էր, որ պետք է թողարկվեր 2018 թվականի դեկտեմբերի 14-ն։ Միացյալ Թագավորությունում ֆիլմի ցուցադրությունը տեղի է ունեցել 2019 թվականի հունվարի 25-ին, իսկ եվրոպական այլ քաղաքներում և Հոնկոնգում՝ փետրվարին։
Ֆիլմի պաշտոնական թրեյլերը ցուցադրվել է 2018 թվականի հոկտեմբերի 3-ին։
Ծանոթագրություններ
 | Վիքիպահեստն ունի նյութեր, որոնք վերաբերում են «Իշխանություն (ֆիլմ, 2018)» հոդվածին։ |
This article uses material from the Wikipedia Հայերեն article Իշխանություն (ֆիլմ, 2018), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.