Թալուլա Բենկհեդ: Ամերիկացի դերասանուհի

Բենկհեդը սերում է ԱՄՆ քաղաքական էլիտայի տոհմից. նրա հայրը՝ Ուիլյամ Բրոքման Բենգհեդը, մինչ կյանքի վերջ եղել է Ամերիկայի Միացյալ Նահանգների Ներկայացուցիչների պալատի խոսնակ։

Դպրոցը թողել է 15 տարեկան հասակում։ Նրա թատերական դեբյուտը տեղի է ունեցել 1918 թվականին Նյու Յորքում, հաջողություն է ունեցել Լոնդոնի բեմում 1923-1931 թվականներին։ Երկու անգամ Նյու Յորքի թատրոնի քննադատների կողմից ճանաչվել է թատերաշրջանի լավագույն դերասանուհի։

Բենկհեդը երեխաներ չի ունեցել, 30 տարեկանում չորս անգամ աբորտ է արել։

Նյու Յորք (1917-1922)

15 տարեկանում Բենկհեդն իր լուսանկարը ներկայացրել է Picture Play-ին, և դարձել է 12 հաղթողներից մեկը՝ պարգևատրվելով Նյու Յորք ուղևորությամբ և նկարահանումներով։

Ժամանելով Նյու Յորք՝ Բենկհենդը պարզել է, որ մրցույթում իր հաղթանակն անցողիկ էր։ Նրան վճարել են 75 ԱՄՆ դոլար, «Ով էր նրան ավելի շատ սիրում» ֆիլմի վրա երեքշաբաթյա աշխատանքի համար, բայց նա արագ գտել է իր տեղը Նյու Յորքում։

1919 թվականին երեք համր ֆիլմերում խաղալուց հետո. «Ե՞րբ են տղամարդիկ դավաճանում» (1918), «Երեսուն շաբաթ» (1918) և «Թակարդը» (1919), Բենկհեդն իր առաջին թատերական դեբյուտն իրականցրել է Բիժուի թատրոնում։

Խաղացել է մի շարք ֆիլմերում։ Չնայած նրա դերասանական խաղը բարձր է գնահատվել, ներկայացումները կոմերցիոն և քննադատական տեսանկյունից անհաջող են եղել։ Բենկհեդը Նյու Յորքում մնացել է հինգ տարի, զգալի հաջողությունների չհասնելով՝ տեղափոխվել է Լոնդոն։

Մեծ Բրիտանիա (1922-1931)

1923 թվականին Բենկհեդն իր նորամուտը նշել է Լոնդոնի Wyndham's Theater-ի բեմում։ Հաջորդ ութ տարիների ընթացքում Լոնդոնում նկարահանվել է տասնյակից ավելի ներկայացումների մեջ, որոնցից ամենահայտնին «Պարողները» ներկայացումն է։ Որպես դերասանուհի նրան ճանաչում է բերել Սիդնի Հովարդի «Նրանք գիտեն՝ ինչ են ուզում» ֆիլմը (1924), որտեղ խաղացել է Էմիի դերը։ Այն 1925 թվականին արժանացել է Պուլիցերյան մրցանակի։

Հոլիվուդ

Բենկհենդը Միացյալ Նահանգներ է վերադարձել 1931 թվականին, բայց 1930-ական թվականների առաջին չորս ֆիլմերում հաջողությունը չէր ժպտում։ Նա վարձել Հոլիվուդում Սթենլի փողոց 1712 հասցեում գտնվող իր տուն և սկսել է կազմակերպել երեկույթներ, որոնց մասին ասում էին, որ «սահմաններ չունեն»։ Բենկհեդի առաջին ֆիլմը ռեժիսոր Ջորջ Կյուկորի «Խայտառակ տիկինն» էր (1931)․ հետագայում նրանք Կյուկորի հետ դարձել են հավատարիմ ընկերներ։ Ավելի քան ութ տարի Մեծ Բրիտանիայում ապրելուց և հյուրախաղերից հետո նրան այլևս դուր չէր գալիս Հոլիվուդը։ Երբ հանդիպել է պրոդյուսեր Իրվինգ Թալբերգին և հարցրել է. «Ինչպե՞ս հայտնվեցիք այս սարսափելի վայրում»։ Թալբերգը պատասխանել է. «Համոզված եմ, որ խնդիրներ չեք ունենա, հարցրեք, ում ուզում եք։ Չնայած Բենկհեդն այնքան էլ հետաքրքրված չէր ֆիլմեր նկարահանելով, բայց մեկ ֆիլմում 50,000 ԱՄՆ դոլար շահույթի հնարավորությունը գայթակղիչ էր։ 1932 թվականին նրա «Սատանան և անդունդ» ֆիլմը աչքի է ընկել երեք գլխավոր համաստղերի մասնակցությամբ. Բենկհենդը ստացել է ավելի բարձր գնահատականներ, քան Գերի Կուպերը, Չարլզ Լոութոնը և Քերի Գրանտը։ Սա միակ կինոնկարն էր Կուպերի և Գրանտի հետ գլխավոր դերերում։ Հետագայում նա ասել է. «Դալինգ, հիմնական պատճառը, որ ես համաձայնվեցի (դերի համար), այս աստվածային Գարի Կուպերին խաբելն էր»։

Բենկհեդը կինոարդյունաբերության մեջ իր ձեռբերումների շնորհիվ Հոլիվուդի փառքի ծառուղում ունի իր աստղը՝ 6141 Hollywood Blvd.

Բենկհեդը հայտնի է եղել ոչ միայն որպես դերասանուհի, այլ նաև իր ակտիվ կյանքով, յուրահատուկ անհատականությամբ և սրամտությամբ։ Սիրել է հաճախակի մասնակցել երեկույթների, ապրել է պահի թելադրանքով։ Իր անձնական կյանքում Բենկհեդը անընդհատ պայքարել է ալկոհոլիզմի և թմրամոլության դեմ, օրական ծխել է մոտ 120 ծխախոտ։ Հայտնի էր անկանոն սեռական կյանքով ինչպես տղամարդկանց, այնպես էլ կանանց հետ։ Բենկհեդը բացեիբաց խոսում էր նաև իր արատների մասին։ Նա աջակցել է որբ երեխաներին և օգնել ընտանիքներին խուսափել Իսպանիայի քաղաքացիական պատերազմից և Երկրորդ համաշխարհային պատերազմից։

Բենկհեդը բեյսբոլի մոլի երկրպագու է եղել․ նրա սիրելի թիմը New York Giants-ն էր։ Իրեն համարել է Անգլիկան եկեղեցու անդամ, չնայած որ եկեղեցական ոչ մի տեսակի չէր պատկանում։

Բենկհենդը երեխաներ չի ունեցել։ Նա իր վաղեմի ընկերոջ՝ դերասանուհի Եվգենիա Ռոլսի և Դոնալդ Սիվելի երեխաների՝ Բրուք և Բրոքման Սիվելների կնքամայրն էր։