Էդեր Միլիտան: բրազիլական Ֆուտբոլիստ
Էդեր Միլիտան (պորտ.՝ Éder Militão, հունվարի 18, 1998(1998-01-18), Sertãozinho, Սան Պաուլու, Բրազիլիա), բրազիլացի պրոֆեսիոնալ ֆուտբոլիստ։ Ներկայումս հանդես է գալիս Ռեալ Մադրիդի և Բրազիլիայի ազգային հավաքականի կազմում։ Խաղում է կենտրոնական և աջ պաշտպանի դիրքում։
 Éder Militão | |||||||||
|---|---|---|---|---|---|---|---|---|---|
 Միլիտանը Պորտուի կազմում 2018 թվականին | |||||||||
| Անձնական տվյալներ | |||||||||
| Ամբողջական անուն | Éder Gabriel Militão | ||||||||
| Քաղաքացիությունը |  Բրազիլիա | ||||||||
| Ծննդյան ամսաթիվ | հունվարի 18, 1998 (26 տարեկան) | ||||||||
| Ծննդավայր | Sertãozinho, Սան Պաուլու, Բրազիլիա | ||||||||
| Հասակ | 186 սմ | ||||||||
| Քաշ | 79 կգ | ||||||||
| Դիրք | պաշտպան | ||||||||
| Ակումբային տեղեկություններ | |||||||||
| Ներկա ակումբ |  Ռեալ Մադրիդ | ||||||||
| Համար | 3 | ||||||||
| Պատանեկան կարիերա | |||||||||
| 2010-2017 | Սան Պաուլու | ||||||||
| Մասնագիտական կարիերա* | |||||||||
| Տարի | Ակումբ | Խաղ (գոլ) | |||||||
| 2017-2018 | Սան Պաուլու | 35 | (3) | ||||||
| 2018-2019 |  Պորտու | 29 | (3) | ||||||
| 2019-ներկա | Ռեալ Մադրիդ | 0 | (0) | ||||||
| Ազգային հավաքական‡ | |||||||||
| 2015 | Բրազիլիա Մ17 | 5 | (0) | ||||||
| 2018-ներկա | Բրազիլիա | 5 | (0) | ||||||
| | |||||||||
Պարգևներ
| |||||||||
| * Մասնագիտական կարիերայում ընդգրկված են միայն առաջնության խաղերը և գոլերը | |||||||||
Ակումբային կարիերա
Սան Պաուլու
Միլիտանը Սան Պաուլուի ակադեմիայի սան է։ Իր դեբյուտը նշեց 2016 թվականի հուլիսի 3-ին՝ թիմի մեկնարկային կազմում խաղադաշտ դուրս գալով Պաուլիստայի գավաթի Իտուանոյի դեմ խաղում։ Առաջին գոլը խփեց սեպտեմբերի 18-ին՝ Պաուլիստայի գավաթի Ժուվենտուսի դեմ խաղում։ Իր պրոֆեսիոնալ դեբյուտը Միլիտանը նշեց 2017 թվականի մայիսի 14-ին՝ Կրուզեյրոյի դեմ խաղում։ Առաջին գոլը Սերիա A-ում խփեց սեպտեմբերի 17-ին՝ Վիտորիայի դեմ խաղում։ Նոյեմբերի 12-ին բրազիլացին հեռացվեց խաղադաշտից Վասկո դա Գամայի դեմ խաղում՝ կարմիր քարտ ստանալով հանդիպման 83-րդ րոպեին։ Սան Պաուլուի առաջին թիմի կազմում Միլիտանը անցկացրեց 68 հանդիպում՝ դառնալով 6 գոլի հեղինակ։
Պորտու
2018 թվականի օգոստոսի 7-ին Միլիտանը 5 տարվա պայմանագիր կնքեց Պորտուի հետ։ Իր դեբյուտը ակումբի կազմում նշեց սեպտեմբերի 2-ին՝ Մորեյրենսեի դեմ խաղում՝ այս խաղում դառնալով գոլային փոխանցման հեղինակ։ Առաջին հանդիպումը Չեմպիոնների Լիգայում անցկացրեց սեպտեմբերի 18-ին՝ խմբային փուլի Շալկե 04-ի դեմ խաղում։ Իր առաջին գոլը Պորտուի կազմում Միլիտանը խփեց նոյեմբերի 28-ին՝ Չեմպիոնների Լիգայի Շալկե 04-ի դեմ խաղում։ Պորտուգալիայի առաջնությունում առաջին գոլը խփեց 2019 թվականի հունվարի 3-ին՝ Դեսպորտիվո Ավեշի դեմ խաղում։ Ապրիլի 17-ին Միլիտանը գոլի հեղինակ դարձավ Չեմպիոնների Լիգայի քառորդ եզրափակչի Լիվերպուլի դեմ խաղում, սակայն Պորտուն երկու խաղերի արդյունքում պարտվեց 6-1 հաշվով։ Բրազիլացին թիմի կազմում խաղադաշտ դուրս եկավ Պորտուգալիայի գավաթի և Պորտուգալիայի լիգայի գավաթի եզրափակիչներում, սակայն 2 դեպքում էլ Պորտուն հետխաղյա 11-մետրանոցների հարվածաշարում պարտվեց Սպորտինգ Լիսաբոնին։ 2018-19 մրցաշրջանում նա ընդգրկվեց Պորտուգալիայի առաջնության խորհրդանշական հավաքականում։ Ակումբի կազմում Միլիտանը անցկացրեց 47 հանդիպում՝ դառնալով 5 գոլի և 4 գոլային փոխանցման հեղինակ։
Ռեալ Մադրիդ
2019 թվականի մարտի 14-ին Միլիտանը 6 տարվա պայմանագիր կնքեց Ռեալ Մադրիդի հետ, որը ուժի մեջ մտավ հուլիսի 1-ից։ Ակումբը նրա համար վճարեց 50 միլիոն եվրո։
Միջազգային կարիերա
Միլիտանը ներկայացրել է Բրազիլիան մինչև 17 տարեկանների երիտասարդական հավաքականում։ Մ17 հավաքականի կազմում նա 2015 թվականին մասնակցեց աշխարհի առաջնությանը՝ խաղադաշտ դուրս գալով բոլոր 5 հանդիպումներում։ Բրազիլիան դուրս մնաց մրցաշարի քառորդ եզրափակչից՝ 0-3 հաշվով պարտվելով Նիգերիային։
Բրազիլիայի ազգային հավաքական Միլիտանը առաջին անգամ հրավիրվեց 2018 թվականի սեպտեմբերին՝ Միացյալ Նահանգների և Սալվադորի դեմ խաղերի համար՝ փոխարինելով վնասվածք ստացած Ֆագներին։ Իր դեբյուտը ազգային հավաքականում նշեց սեպտեմբերի 12-ին՝ թիմի մեկնարկային կազմում խաղադաշտ դուրս գալով Սալվադորի դեմ խաղում։ 2019 թվականի մայիսին Միլիտանը ընդգրկվեց Բրազիլիայի՝ Կոպա Ամերիկայի 23-հոգանոց կազմում։ Նա խաղադաշտ դուրս եկավ միայն եզրափակչի Պերուի դեմ խաղում՝ փոխարինելով Ֆիլիպե Կոուտինյոյին և օգնելով Բրազիլիային հաղթել 3-1 հաշվով ու նվաճել գավաթը։
Կարիերայի վիճակագրություն
Ակումբային վիճակագրություն
2019 թվականի հուլիսի 17-ի դրությամբ
| Ակումբ | Մրցաշրջան | Առաջնություն | Գավաթ | Մայրցամաքային | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Սան Պաուլու | 2016 | Սերիա A | 0 | 0 | 0 | 0 | — | 11 | 2 | 11 | 2 | |
| 2017 | 22 | 2 | 0 | 0 | — | 22 | 2 | |||||
| 2018 | 13 | 1 | 6 | 1 | 2 | 0 | 14 | 0 | 35 | 2 | ||
| Ընդհանուր | 35 | 3 | 6 | 1 | 2 | 0 | 25 | 2 | 68 | 6 | ||
| Պորտու | 2018–19 | Պրիմեյրա Լիգա | 29 | 3 | 6 | 0 | 9 | 2 | 3 | 0 | 47 | 5 |
| Ռեալ Մադրիդ | 2019–20 | Լա Լիգա | 0 | 0 | 0 | 0 | 0 | 0 | 0 | 0 | 0 | 0 |
| Կարիերայի ընդհանուր | 64 | 6 | 12 | 1 | 11 | 2 | 28 | 2 | 115 | 11 | ||
Միջազգային վիճակագրություն
2019 թվականի հուլիսի 17-ի դրությամբ
| Բրազիլիա | ||
|---|---|---|
| Տարի | Խաղեր | Գոլեր |
| 2018 | 1 | 0 |
| Ընդհանուր | 1 | 0 |
Նվաճումներ
Միջազգային
Բրազիլիա
- Կոպա Ամերիկա. 2019
Անհատական
- Պորտուգալիայի առաջնության ամսվա լավագույն պաշտպան. սեպտեմբեր 2018, հոկտեմբեր/նոյեմբեր 2018, դեկտեմբեր 2018, հունվար 2019
- Պորտուգալիայի առաջնության խորհրդանշական հավաքական. 2018–19
Ակումբային
Ռեալ Մադրիդ
- Իսպանիայի Սուպերգավաթ 2019/20
- Լա Լիգայի չեմպիոն 2019/20
Ծանոթագրություններ
Արտաքին հղումներ
- Միլիտանի պաշտոնական Տվիտերի էջը
- Միլիտանի պաշտոնական Ինստագրամի էջը
- Միլիտանը transfermarkt-ում
- Միլիտանը soccerbase.com-ում
- Միլիտանը WhoScored.com կայքում
- Միլիտանը Պորտուի պաշտոնական կայքում Արխիվացված 2020-09-27 Wayback Machine
- Միլիտանը Ռեալ Մադրիդի պաշտոնական կայքում
- Միլիտանը ՈՒԵՖԱ-ի պաշտոնական կայքում
 | Վիքիպահեստն ունի նյութեր, որոնք վերաբերում են «Էդեր Միլիտան» հոդվածին։ |
This article uses material from the Wikipedia Հայերեն article Էդեր Միլիտան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.